Iluarsiissutit


Siunnersuutip tunniunneqarnerata kingorna kukkusoqarsimasoq paasineqarsinnaasarpoq imaluunniit paasissutissat iluarsisassaasut ilassuserneqartussalluunniit paasineqarsinnaasarluni.  Taamaattoqartillugu siunnersuuteqartoq naqqiummik suliaqarnissaminut periarfissaqarpoq.


Iluarsiissut Inatsisartut Allattoqarfiannut tunniunneqassaaq, tassanngaanniit najoqqutarisassat nalinginnaasut malillugit inersuarmi agguaanneqarnissaa
isumagineqassalluni.


Piffissaq siunnersuutip inersuarmi siullermeerneqarfissaa tikillugu siunnersuutinut naqqiutinik nassitsisoqarsinnaavoq. Siunnersuuteqartoq nammineq siunnersuutiminut naqqiutinik kisimi nassiussisinnaavoq.


Assersuutigalugu Aningaasanut Inatsisitut annertoorujussuullutik atortussat pineqanngitsillugit Inatsisartunut ilaasortanut paasiumartuunissaat pillugu quppernerit ataasiakkaat kukkernertallit naqiteqqinnagit siunnersuut tamarmiusoq (iluarsisaq) naqiteqqinneqassaaq.


Naqqitaasoq nalunaarneqassaaq. Taamaaliortoqassaaq qulequtaata "Naqqiut"-mik ilaneratigut. Tamatuma kingorna siunnersuut siusinnerusukkut tunniunneqartoq naqqiummik taarserneqartoq allanneqassaaq. Kiisalu iluarsisanut naatsumik nassuiaasoqassaaq. 

 

Iluarsiissut siunnersuutip qulequtaanik allannguinermik ilaqarpat tamanna Inatsisartuni nalinginnaasumik suleriaatsit pissutigalugit nassuiaammi immikkut eqqaaneqassaaq.


Naqqiummi ullup nutaap allannissaa eqqaamajuk (tiqeqqumi qullermi saamerlermi).

 

Aalajangiiffigisassatut siunnersuutip naqqiutaanut assersuut:


 

[ulloq nutaaq]                                                                                                                                                   [X]M [201X/XX]

 

Naqqiut

Siunnersuut [XX]. [qaammat] [20XX]-meersoq  taarserpaa 

(Makku naqqiutigineqarput. [naqqitat naatsumik  nassuiaatigineqarnerat*]. Siunnersuutip qulequtaani imalt. Tunngavilersuutaani kiisalu Inatsisissatut siunnersuummi § sorliit)

 

 

Inatsisartut Suleriaasianni § 33 naapertorlugu aalajangiiffigisassatut siunnersuut imaattoq matumuuna saqqummiunneqarpoq:

 

Uunga siunnersuut: Namminersorlutik Oqartussat .-mut suliniuteqarnissaat pillugu Inatsisartut aalajangiiffigisassaat..

(Siunnersuuteqartoq)

 

Tunngavilersuut

.

 

 

*) Iluarsiissut aalajangiiffigisassatut siunnersuutip qulequtaanik allannguinermik ilaqarpat tamanna nassuiaammi immikkut oqaatigineqassaaq.

 

Inatsisissatut siunnersuutip naqqiutaanut assersuut:

 

 

[ulloq nutaaq]                                                                                                                                                   [X]M [201X/XX]


Naqqiut

Siunnersuut [XX]. [qaammat] [20XX]-meersoq taarserpaa

(Makku naqqiutigineqarput. [naqqitat naatsumik nassuiaatigineqarnerat*]. )

 

Uunga siunnersuut: Xxxx pillugu Inatsisartut inatsisaat nr. xx, xx-meersoq.

 


*) Naqqiut inatsisissatut siunnersuutip qulequtaanik allannguinermik ilaqarpat tamanna nassuiaammi immikkut oqaatigineqassaaq.

 

Saqqummiussissutinut, akissuteqaatinut assigisaannullu naqqiutit pissutsit kingunerisaannik naleqqussakkat najoqqutarisassat siuliani allassimasut naapertorlugit suliarineqassapput. Amerlasuutigullu akissuteqaamnmik/saqqummiussissummik nutaarluinnarmik nassitsinissaq pisariinnerusarpoq, tassani allassimassalluni naqeqqitaq pineqartoq ullualu iluarsineqarsimassaluni.

 


 

Naqqiutinik nutaanik nassitsisarneq

 

Siunnersuummut ataatsimut naqqiutinik arlalinnik nassitsisarneq soorunami sapinngisamik pinngitsoortinniarneqassaaq. Paasiuminartuutitsinissaq eqqarsaatigalugu iluarsineqartariaqartut tamarmik naqqiummut ataasiinnarmut ataatsimoortillugit aqqummiunneqartarnissaat qulakkeerneqartariaqarpoq.

 

Naqqiummik nassitsereernerup kingorna naqqiummik nutaamik nassitsinissaq pisariaqartoq paasigaanni naqqiummik nutaamik ilusilersuinissami
periuseq siuliani nassuiaatigineqartutulli ippoq.

 

Taamaattorli naqqiutip normua sorleq pineqarnersoq kiisalu naqqiutip kingullertut nassiunneqartup ullua qulequttami ilanngullugit
allanneqassapput.

 

Naqqiutit nassuiarneqarnerat naqqiummi kingullertut nassiunneqartumi allannguutinut attuumassuteqassaaq.


 

Assersuut:


  

[ulloq nutaaq]  
                                                                                                                                                              [X]A[201X/XX]

 

Naqqiut 2

Naqqiut [naqqiutip kingullertut nassiunneqartup ullua] taarserpaa

[siunnersuummut kingullertut saqqummiunneqartumut sanilliullugu naqqiutaasut naatsumik nassuiarneqarnerat]



 

 

 

 

 

login