Avatangiisit Innarlitsaaliorneqarnissaat pillugu Naammagittaalliuteqartarfik


Avatangiisit innarlitsaaliorneqarnissaanik Inatsisartut inatsisaanni nr. 9-mi, 22. november 2011-meersumi kap. 14 naapertorlugu Naammagittaalliuuteqartarfik pilersinneqarpoq.


Inatsisartut inatsisaat taaneqartoq imaluunniit taanna tunngavigalugu malittarisassaliat naapertorlugit aalajangikkat tamarmik Avatangiisit Innarlitsaaliorneqarnissaat pillugu Naammagittaalliuuteqartarfimmut naammagittaalliuutigineqarsinnaapput.

 

Naammagittaalliuuteqarsinnaasut tassaapput:

Aalajangiiffigineqartut.
Nunatsinni Nakorsaaneqarfik.
Kinaluunniit suliap qanoq naammassineqarnissaanut nammineq immikkut annertuumillu soqutigisaqartoq.
Peqatigiiffiit suleqatigiiffiillu, malittarisassatik naapertorlugit nunanik peqqissarfiullutik qasuersaarfiusartunik, avatangiisinik pinngortitamillu annertuumik soqutigisanik isumagisaqarnissamik siunertaqartut.


Naammagittaalliuuteqartarfik pingasunik ilaasortaqarpoq. Inatsisartut inassuteqareernerisigut siulittaasussamik aamma ilaasortanik marlunnik, taakkunannga aappaa Kalaallit Nunaanni Kommuneqarfiit Kattuffiannit inassutigineqartumik, Naalakkersuisut toqqaassapput. Ilaasortanut tamanut sinniisussanik toqqaasoqassaaq.


Naammagittaalliuuteqartarfimmi ilaasortat Naalakkersuisunut ilaasortaajutigissanngillat.


Ataatsimeeqataasartunik sulianik immikkut ilisimasalinnik Ataatsimiititaliamut aggersaasoqarsinnaavoq.


Qinigaaffik:

Naammagittaalliuuteqartarfimmi piffissaq qinigaaffik Inatsisartunut qinigaaffittut piffissaq assigaa. Ataatsimiititaliaq nutaamik Inatsisartunut qinikkat katersuunneranni siulittaasussamik inassuteqareernissaata tungaanut sulissaaq.


Nutaamik qinersereernerit kingornatigut Inatsisartut inissitsiterlutik katersuunneranni Naammagittaalliuuteqartarfiup siuliutaasussaanik taassumalu sinniisussaanik Inatsisartut inassuteqartarput.

 

Saaffigisassaq:

Namminersorlutik Oqartussat, Pinngortitamut, Avatangiisinut Inatsisinillu Atuutsitsinermut Naalakkersuisoqarfik, Postboks 1614, 3900 Nuuk, mail: APN@nanoq.gl