Aningaasaateqarfik NunaFonden


Aningaasaateqarfik NunaFonden Kommuneqarfik Sermersooq-mi angerlarsimaveqarpoq. Aningaasaateqarfillu
Nunatsinni tamanut iluaqutaasinnaasunut ajunngitsuliuutaasinnaasunullu tapiissuteqarsinnaanermut siunertaqarluni.


Aningaasaateqarfiup siulersuisuisa qinnuteqaatit tiguneqartut qinnuteqarnissamut killigititat aallaavigalugit nalilersortarpaat, taamaaliornerullu kingorna itigartitsisinnaalluni akuersissuteqarsinnaalluniluunniit. Aningaasaateqarfiup siulersuisui namminerisaminnik aallaavilimmik tunniussisinnaassuseqarputtaaq.

 

Siulersuisut sumulluunniit pituttorsimanngissuseqartumik qinnuteqaatit nalilersorneqareernerisigut tapiiffigineqarsinnaapput inoqatinut ajunngitsuliornerit, isumaginninnermut tunngasut, peqqinnermut tunngasut, piorsarsimassuseqarnermut tunngasut aamma timersornermut siunertallit. Siunertaasunut akuersissuteqartoqartillugu naliginnaasuuvoq piffissalikkamik nalunaarusiortoqarnissamik piumasaqarneq.


Taaneqareersut saniatigut piviusunngortilersaarneqarsinnaasunut ataasiakkaanut eqqaaneqareersutut
siunertalinnut suliniuteqartunut  inunnut ataasiakkaanut tapiisoqarsinnaavoq. Taamaaliortoqartillugu naliginnaasuuvortaaq piffissalikkamik nalunaarusiortoqassasoq.

 

Aningaasaateqarfiup siulersuisui arfinilinnik ilaasortaqarput, taakkulu imatut qinigaasarput:

Inatsisartunut qinersisoqareerneri tamaasa Inatsisartut aningaasaateqarfiup siulersuisuinut ilaasortassanik tallimanik taakkulu tamarmik immikkut sinniisussaannik toqqaasassapput.

Bikubenfonden Inatsisartunut qinersinerit malillugit ilaasortassamik ataatsimik sinniisussamillu ataatsimik toqqaasassaaq.  Qinigaaqqittoqarsinnaavoq.


Sinniisussat Inatsisartunit toqqarneqartut aatsaat siulersuisut ataatsimiinnerinut peqataasassapput ilaasortatut toqqakkanit tallimaasunit ataaseq amerlanerusulluunniit peqataasinnanngippata.


Siulersuisunut ilaasortat siniisussallu qaammatisiutit malillugit ukiumi 70-inik ukioqalerfigisap naanerani aningaasaateqarfiup siulersuisuinit tunuartassapput.

 

Inatsisartunit toqqagaasut Inatsisartunut ilaasortaanissaat piumasaqaataanngilaq. Toqqagaasut aningaasaateqarfiup siunertaanut tunngasunik immikkut paasisimasaqarnissaat naatsorsuutigineqarpoq.


Piffissaq toqqagaaffik:

Ilaasortat sinniisussallu tallimat Inatsisartut toqqagaat piffissami Inatsisartut qinigaaffianni atuuttussaapput. Nutaamik qinersinerup kingorna inissitsiterluni ataatsimiinnermi Inatsisartut toqqaaqqissapput.


Saaffiginniffissaq:

NunaFonden, Aqqusinersuaq 48, 2. th., Postboks 614, 3900 Nuuk, telefon +299 32 12 66, telefax +299 32 12 69, mobil +299 55 07 77, e-mail: nuna@fonden.gl

 

www.nunafonden.gl