Inatsisartut Allattoqarfiata naatsorsuuserivianut naatsorsuuserisumik (regnskabscontroller) pissarsiorpugut
Inatsisartut Allattoqarfiata aningaasaqarnermut immikkoortortaanut naatsorsuuserisumik sapinngisamik piaartumik pissarsiorpugut.
Inatsisartut Allattoqarfiata ikiorpassuarni naatsorsuuserisua allami suliffittaalerpoq, tamatumunngalu atatillugu allattoqarfiup aningaasaqarnermut immikkoortortaani naatsorsuuserinermi suliassanik isumaginnittussamik nutaamik suleqatissarsiorpugut. Atorfiup ulloq 1. marts 2024 sukumiinerusumilluunniit isumaqatigiissuteqarluni inuttalerneqarnissaa kissaatigineqarpoq.
Qinnuteqarfissaq ulloq 31. januar 2024-mut killeqarpoq, qinnuteqaatillu emailimut uunga nassiunneqassallutik: ina@ina.gl
Aningaasaqarnermut immikkoortortami suliassatit tassaapput:
• Suliassat ulluinnarni takkussortut kiisalu misissoqqissaakkat kisitsisitigullu paasissutissiinerit pisortaqatigiinnut ingerlateqqitassat
• Akissarsianik nakkutilliineq
• Missingersuutinik oqimaaqatigiissaarineq, missingersuusiorneq aammalu konto pingaarnerni 01.01.01 aamma 01.10.10-mi missingersuutinik malitseqartitsinerit
• Aningaasaliissutinik nakkutilliineq
• Aningaasanut inatsisissamut siunnersuutinut missingersuusiorneq
• Ukiuni qaangiuttuni ukiunilu nutaani isertitanik aningaasartuutinillu piffissamut sivisunerusumut inissitsiterinerit
• Webbankimi nakkutilliineq akuersisarnerlu
• PRISME /IRIS/ACUBIZ-inik atuisunut ikorfartuineq
• Ukiumoortumik nalunaarummut aningaasaqarnikkut paasissutissanik ilanngussisarneq
• Politikkikkut suliaqarnermut tapiissutinik tunniussisarneq
• Naatsorsuusereriaatsimi pilersitsinernik isumaginninneq
• Sillimmasiinermi suliat
• Suliffiup iluani naatsorsuutinik nakkutilliineq
• Ukiunik naatsorsuusiorfiusunik inaarsaaneq
• Akileraaruseriffimmut nalunaarutiginninnerit
• Webtasimi ikorfartuineq
• Angalanernut/siumoortumik akiliutinut atatillugu naatsorsuinermi ikorfartuineq
• Kvartalikkuutaartumik ukiullu affakkuutaartumik naatsorsuusiornermut atatillugu tiiminik naatsorsuusiornermi ikorfartuineq
Naatsorsuutigaarput:
• Naatsorsuuserinermik allaffimmiutut ilinniagaqarsimasutit
• Qarasaasiaqarnernikkut periaatsinik ilisimasaqarluassasutit,
• IRIS-imi naatsorsuusereriaatsimik PRISME-milu aqutsisunut paasissutissiisarnermik ulluinnarni atuisinnaasutit
• Suliassanik assigiinngiiaartunik ullormiit ullormut allanngorarsinnaasunik suliaqarnissamik nuannarisaqartutit
• Pitsaasunik piginnaasaqarneq suliassallu suliarineranni eqaatsumik suleriaaseqarnissamik piumasaqaammik paasinnittuusutit
• Aalajaatsuusutit, eqaatsumik suleriaaseqartutit suliassanillu sukumiisumik suliarinnissinnaassuseqartutit
• Oqaatsitigut kalaallisut danskisullu piginnaasaqartutit
Allattoqarfiup immikkoortortai immikkoortunut suli mikinerusut agguataarneqarsimapput immikkoortartamilu inissinneqarfimmi suliassanik annertuumik namminersorsinnaanissaanissaq akisussaassuseqarnissarlu naatsorsuutigineqarlutik. Suleqatinik ikiuillaqqissuseqarnissaq immikkut pingaartipparput.
Neqeroorutigaavut:
• Sulisilluni avatangiisit pitsaasut pissanganartullu
• Sulinermi atugassarititaasut orniginartut
• Suliassat pissanganartut
• Suleqatit pikkorissut tunniusimasullu.
Suliffeqarfipput pillugu paasissutissat annertunerusut nittartakkatsinni www.inatsisartut.gl atuarsinnaavatit.
Atorfeqarnermi atugassarititaasut:
Akissarsiat piginnaasat, misilittakkat isumaqatigiissutillu malillugit. Sapaatit akunneranut nal. ak. 40 suliffiupput. Atorfimmut atatillugu inissaqartitsisoqarsinnaavoq.
Paasissutissat sukumiinerusut pisortap tullianut Elly Hauge Pedersenimut - oqarasuaat: +299 345354 - e-mail: ehp@ina.gl saaffiginnilluni pissarsiarineqarsinnaapput.