22.12.2011
Nunat Avannarliit Suleqatigiissitaat 2011-imi naggataarnersiorneqarpoq, Inatsisartunut kiisalu Nunat Avannarliit Siunnersuisoqatigiivinut ilaasortamit Kim Kielsenimit isumasioqatigiinnerni marlunni ingerlanneqartuni peqataaffigineqartumik
Isumasioqatigiinneq siulleq 28.-29. november 2011-imi Oslomi ingerlanneqarpoq tassanilu Ilisimatusaatit pillugit suliaqartunut - Topforskningsinitiativet (TFI) tunngasut sammineqarlutik. TFI tassaavoq nunani avannarlerni sila, nukissiuteqarneq avatangiisillu pillugit ilisimatusarnikkut piorsaanikkullu ataatsimoorussamik suleqatigiiffiusut annersaat. TFI kr. 400 millionit pallillugit aningaasaliivigineqarsimavoq, suliniut suliallu ataatsimut katillutik kr. 700 millionit tungaannut naleqarlutik.
