¿Avatangiisit Aatsitassanillu atorluaaneq¿ qulequtaralugu Eqqissisimatitsinermut Avatangiisinullu Ataatsimiititaliap suliaasa ilaatut takuniaaneq pilersaarusiorneqarpoq, pisuussutitsinnik uumaatsunik atorluaanermi avatangiisitigut pissutsit ataatsimiititaliamit sammineqarlutik.

Angallammit kalittaammit Stevns Icebird-mit ikiorserneqarluni Niaqunngunap qinnguanut Olivinisiorfimmut siku aserorterlugu angalaqatigiit apuupput.

Angalaqatigiit aatsitassarsiorfimmi takusassarsiortinneqarput aprilimi arfininngornermi nalinginnaasumi  nunatsinni qaqqani Sverigemi Europamilu sumiiffinni allani saviminissamik suliarinneqqaarnermi atuinissaq siunertaralugu Olivinimik tamakkiisumik piiaalluni, assartuilluni aatsitassamillu aserorteriluni qanoq sulisoqartarnera paasisassarsiorfigineqarluni.

Paasisassarsiorluni takuniaanermi Olivinimik atorluaanermut atatillugu sanaartornikkut, ingerlatsinikkut sulisoqarnikkullu pissutsit pillugit angalaqatigiit erseqqinerusumik paasissutissinneqarput. 

Niaqunngunamut utimullu angalanermi angalaqatigiit Seqi Olivine A/S-ip pisortaanit Robert Näslundimit aammalu Aatsitassanut Ikummatissanullu pisortaqarfiup Olivinisiorfimmi nakkutilliisuanit Ingerørimit Poul Thomas Rasmussenimit angalaqatigineqarput. Angalaqatigiit takuniaaneranni ikiuussimanerannut paaserusunneqartunillu paasissutissiinerannut manna iluatsillugu tamarmik qujaffigerusunneqarput.

. 

Eqqissisimatitsinermut avatangiisinullu Ataatsimiititaliamit peqataasut:

Inatsisartunut ilaasortaq Vittus Mikaelsen, siulittaasuugallartoq

Inatsisartunut ilaasortaq Juliane Henningsen, ilaasortaq

Inatsisartunut ilaasortaq Marie Fleischer, sinniisussaq

Paasissutissanik allanik pissarsiniaraanni saaffigineqassaaq Eqqissisimatitsinermut Avatangiisinullu Ataatsimiititaliap allattaa Jakob Hartmann Hansen, tlf. 34 61 15  imaluunniit mail jhh@gh.gl