Pressemeddelelse, 25. januar 2007

Torrallapparsi!

Inuusuttut Inatsisartuini peqataasut tupinnaannarumik sulinerat kajumissusiallu Demokraa­tit tupigusuutigilluinnarpaat. Inuusuttut Inatsisartuisa inaarutaasumik isummernerat siunnersuutinik suliniutinillu pitsaa­sunik imaqarpoq, tamannalu Demokraatit naalakkersuinikkut siunissami sulinerminni isu­massarsiorfigisinnaavaat.

Inuusuttut inatsisartuisa sapaatit akunnerani kingullermi suliaqarnerat Demokraatinit Inatsisartunut ilaasortat arfiniliusut tamarmik malinnaaffigaat. Naalakkersuinikkut pisinnaasat alutornartut malin­naaffigaagut.

Oqallinnerit sammisatigut pikkoriffigineqarlutik torersumillu ingerlanneqarpoq, inaarutaasumillu isummerneq siunnersuutinik suliniutinillu paatsuugassaanngitsunik tunngavilersorluakkanillu ima­qarput.

Torrallaallusi suliaqarpusi, qularutigissanngilarsilu inaarutaasumik isummernersi Demokraatit siu­nissami siunnersuutigisassaminnut suliniutigiagassaminnullu isumassarsiorfissatut atorumaaraat.

Neriuutigaarput ataatsimeeqataasut tamarmik naalakkersuinikkut suliaqarnissaminnik ima pilerisut­sigissalersut, partiillu arlaannut ilaasortanngorlutik, taamaaliornikkut siunnersuutit suliniutillu ilaat piviusunngortinneqarnissaannik kinguneqartillugit.

Tamanna Kalaallit Nunaanniittugut tamatta iluaqutiginissaa qularnassanngilaq,

Demokraatit Inatsisartuni gruppe sinnerlugu

Inussiarnersumik inuulluaqqusillunga

Jens B. Frederiksen, Ilinniagaqarnermut oqaaseqartartoq

Erseqqinnerusumik paasisaqarusukkaanni attavigineqarsinaavoq 54 71 97.