Perorsaanermik Ilinniarfimmut piareersarfittut  ukiumik ataatsimik sivisussusilimmik  ikaarsaarnermik ilinniartitaanerup neqeroorutinngortinneqarnissaanik siunnersuut (II 2007/3) Inuusuttut Inatsisartuisa Ilinniartitaanermut Ataatsimiititaliaata taperserpaa.

Piffissamut sivikitsumut sunniutilinnik uuttorneqarsinnaasunik iliuuseqarnissamik piffissamullu sivisuumut sunniutilinnik uuttorneqarsinnaasunik iliuuseqarnissamik pisariaqartitsisoqartoq perorsaasunik 300-inik amigaateqarnerup erseqqilluinnartumik takutippaa.

Perorsaanermik Ilinniarfimmi (PI) ilinniartitaanermi qallunaat oqaasii atugaapput, tamannalu amerlasuunut oqaatsitigut ajornartornermik annertuumik pilersitsisarpoq.

Perorsaanermik Ilinniarfimmi ilinniartut akornanni ikaarsaariarnermik ilinniartitaaneq pisinnaasanik assigiissaarissutaasinnaavoq, aammalu kalaallisut qallunaatullu oqaasillit ilinniarnissaminnut periarfissaat assigiisinneqassallutik. Aamma perorsaasutut ilinniarnermi kalaallit oqaasii atorlugit ilinniartitsissutinik suliaqarnissaq siunniutissallugu tamatuma saniatigut pingaartuuvoq.

Atuarfitsialammik iluarsartuusseqqinneq fMeeqqerivitsialammik malitseqartissalugu pissusissamisoortuuvoq. Ilinniagallit amerlanerujussuit piginagit pingaarutilimmi tassani Meeqqerivitsialammik aallarnisaaneq ingerlanneqarsinnaanngingajappoq.

Ataatsimiititaliap ilaasortarai:

Inuusuttut Inatsisartuinut ilaasortaq Jane Petersen, ilinniarnertuunngorniarfik Aasiaat, siulittaasoq

Inuusuttut Inatsisartuinut ilaasortaq Ivalo Thorin, Perorsaanermik ilinniarfik, siulittaasup tullia

Inuusuttut Inatsisartuinut ilaasortaq Norsaq Mathæussen, Issittumi ingeniørit

Inuusuttut Inatsisartuinut ilaasortaq Maalia Kleist, ATI

Inuusuttut Inatsisartuinut ilaasortaq Susanne Egede Jeremiassen, Niuernermik Ilinniarfik, Qaqortoq

Inuusuttut Inatsisartuinut ilaasortaq Aqissiaq Sinclair Ström, Issittumi ingeniørit

Annertunerusumik paasisaqarusuttut ataatsimiititaliap siulittaasua Jane Petersenimut, oqarasuaat. 48 61 62-imut imaluuniit 26 16 08-mut, sianersinnaapput.