Nunatsinni inatsisartoqarnikkut sulineq pillugu Nunat Avannarliit Siunnersuisoqatigiivinit aallartitat tamarmiusut ilisimatinneqarnissaat siunertaralugu ualeq taanna Inatsisartut Siulittaasoqarfiata Inatsisartut ataatsimiittarfiannut matu ammassavaa.

Tikeraat nunanit avannarlerneersut, takuniaanerit ataatsimeeqatiginninnerillu arlalissuit aqqutigalugit nunatsinni ilinniartitaanikkut ilisimatusarnikkullu iliuutsinik assigiinngitsunik erseqqinnerusumik paasisaqarnissaminnut periarfissinneqarnermik saniatigut eqqumiitsuliortunik naapitsinissamut periarfissinneqartussat annertuumik pilersaarusiuunneqarsimapput.

Kalaallit Nunaanni taamatullu Nunani Avannarlerni kultureqarnikkut ilinniartitaanikkullu aalajangiinerit iliuutsillu kingulliit pillugit ilisimateqatigiinnissaq siunertaralugu Inatsisartut Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaannit sinniisut Nunani Avannarlerni Siunnersuisoqatigiinneersunik ulloq 27. juni ataatsimeeqateqassapput.