Ullormut oqaluuserisassat
Ullut ataatsimiiffiusut aqqaneq-tallimaat, sisamanngorneq 22. oktobarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 87
Amerlasuujusat qaartussiat pillugit nunat tamalaat isumaqatigiissutaannut Danmarkip akuersissuteqarneranut Kalaallit Nunaanni Namminersorlutik Oqartussat akuersinissaannut aamma Danmarkip akuersissuteqarnerminut atortorisaanik Naalagaaffiit Peqatigiit Generalsekretæriannut tunniunneqartussanik suliaqarnissamut akuersaarnissannut Inatsisartut aalajangiiffigisassaattut siunnersuut.
(Naalakkersuisut Siulittaasuat)
Imm./pkt.: 37
Kinguaassiutitigut atornerlunneqarsimasunut katsorsaavimmik pilersitsinissaq siunertaralugu naalakkersuisut Inatsisartunit peqquneqarnissaannik aalajangiiffigisassatut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 49
Kinguaassiuutitigut atornerlunneqarsimasunut katsorsaavissamik pilersitsinissamut naalakkersuisut suliaqaqqullugit Inatsisartut aalajangiiffissaattut siunnersuut.
(Inatsisartunut ilaasortaq Aleqa Hammond, Siumut)
Imm./pkt.: 41
Allannguutissatut siunnersuut itigartinneqarpoq. Siunnersuutaaqqaartoq akuerineqarpoq.
Illoqarfinni anginerni sisamani nalinginnaasumik attartortittakkanik inissialiortiternissamik ukiuni 2010-mit 2020-imut pisariaqartinneqartut pillugit Naalakkersuisut nassuiaammik saqqummiussaqarnissaannik Inatsisartut aalajangiussinissaannik siunnersuut. Nassuiaat upernaakkut 2010-mi saqqummiunneqassaaq.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 31
Hepatitis B-mut akiuussutissamik nunatsinni meeqqat akiuussutissanut allanut kapitittarnerannut ilanngullugu kapittalernissaannik Naalakkersuisut suliniuteqaqqullugit peqquneqarnissaannik aalajangiiffigisassatut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 13
2009-mi Naalakkersuisut Nunani Avannarlerni suliniutissat pillugit Nalunaarutaat.
(Aningaasaqarnermut Naalakkersuisoq)
Imm./pkt.: 123
Raajanut akitsuut pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 46
Takornarissat tikillugit sullissinermik inuussutissarsiuteqalerusuttunut inuussutissarsiuteqareersunullu ilinniarfimmik pilersitsinissamut, soorlu: outfitteritut, qimussiussisartutut il.il. naalakkersuisut suliaqaqqullugit peqquneqarnissaannut Inatsisartut aalajangiiffigisassaattut siunnersuut.
(Inatsisartunut ilaasortaq Aleqa Hammond, Siumut)