Ullormut oqaluuserisassat
Ullut ataatsimiiffiusut arfersaneq-sisamaat, tallimanngorneq 6. novembarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 122
Aningaasarsianit akileraarutit pillugit inatsisartut inatsisaata allanngortinneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 98
Meeqqanut tapiissutit pillugit Inatsisartut inatsisaattut siunnersuut.
(Isumaginninnermut Naalakkersuisoq )
Imm./pkt.: 125
Meeqqanut ileqqaarutit atorunnaarsinneqarnissaat pillugu Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 61
Aappass. UPA 2010-mut kinguartinneqarpoq
Namminersorlutik Oqartussat sanaartornermut aningaasaliuttagaasa kommuninut ingerlatassanngorlugit tunniunneqannginnerini sanaartornermut inatsisit ataatsimoortut naammassineqarsimanissaat atuutsinneqalersimanissaallu siunertaralugu sanaartornermut inatsisissatut siunnersuummik ataatsimoortumik saqqummiussinissaq siunertaralugu Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(ATASSUT-ip Inatsisartuni ilaasortaatitai: Finn Karlsen, Siverth K. Heilmann, Knud Kristiansen)
Imm./pkt.: 40
Aappassaaneernissaa UPA 2010-mut kinguartippoq
Piniartut aalisartullu piffissap ilaanni inuuniarnikkut ajornartorsiulernerminni pisortanit ikiorserneqarsinnaanerisa pitsaanerulernissaat siunertaralugu sulisoqarnissaanik Naalakkersuisut peqquneqarnissaannik Inatsisartut aalajagiffigisassaattut siunnersut.
(Inatsisartunut ilaasortaq Hans Aronsen, Inuit Ataqatigiit)
Imm./pkt.: 135
Meeqqat Inussuttullu Pillugit Ilisimasaqarfik (MIPI) pillugu Inatsisartut inatsisaata nr. 26, 18. december 2003-meersup siulersuisut 2008-mi ukiumoortumik nalunaarutaat naapertorlugu siunnersuutigineqartut najoqqutaralugit allanngortinnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja H. Nathanielsen, Inuit Ataqatigiit)
Imm./pkt.: 35
Aappass. UPA 2010-mut kinguartinneqarpoq
Meeqqanik kinguaassiutitigut atornerluinermut pinngitsaaliillunilu atoqatiginninnernut atatillugu pineqaatissiissutit sukannernerulernissaat aammalu pineqaatissinneqarsimasut pineqaatissinneqarnerminnut atatillugu katsorsarneqartalernissaat siunertaralugu Naalakkersuisut Qallunaat Nunaanni Naalakkersuisunik isumaqatigiinniarnermik aallartitsissasut Inatsisartunit peqquneqarnissaannik aalajangiiffigisassatut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 36
Stipendiatinik tallimanik naalakkersuisut ukiut tamaasa Aningaasanut Inatsit aqqutigalugu ilisimatuusutsikkut misissuinernut qinnutigineqarsinnaasunik atugassanik kiisalu Kalaallit Nunaanni namminerisamik ilisimatuusutsikkut siunnersuisoqatigiinnik peqalernissamik siunnersuummik saqqummiussaqarnissaannik inatsartunit peqquneqarnissaannik siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 12
Uunga siunnersuut: Inatsisartut Ombudsmandiat pillugu Inatsisartut i-natsisaat nr. xx, uu. qqqq 20xx-meersoq.
(Inatsisartut Siulittaasoqarfiat)