Ullormut oqaluuserisassat
Ullut ataatsimiiffiusut 21-iat, pingasunngorneq 11. novembarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 97
Aalisarnermut aningaasaliissutinut immikkoortitat pillugit Inatsisartut inatsisaata allanngortinneqarnera pillugu Inatsisartut inatsisaattut siunnersuut.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 100
Siusinaartumik soraarnerussutisiat pillugit Inatsisartut peqqussutaata allanngortinneqarnissaa pillugu Inatsisartut peqqussutissaattut siunnersuut.
(Isumaginninnermut Naalakkersuisoq )
Imm./pkt.: 92
Uunga siunnersuut: Meeqqat atuarfiat pillugu Inatsisartut peqqussutaata allanngortinneqarnera pillugu Inatsisartut peqqussutaat nr. xx, xx. xx 2009-meersoq. (Perorsaanermut aamma tarnip pissusaanut tunngasunik siunnersuinerup kommuninut suliassanngortinneqarnera)
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 117
Unammillerneq pillugu inatsisartut inatsisaata allanngortinnissaa pillugu Inatsisartut inatsisaattut siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 123
Raajanut akitsuut pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 44
Ataatsimiititalialiamit allanguutissatut siunnersuut ilanngullugu akuersissutigineqarpoq.
Naalakkersuisut utoqqalinersiat pillugit Inatsisartut peqqussutaata nr. 3-p 7. maj 2007-imeersup allanngortinnissaa siunertaralugu siunnersuummik saqqummiussaqaqqullugit peqquneqarnissaannik aalajangiiffigisassatut siunnersuut, aapparisap imaluunniit inooqatigisap toqukkut qimagunneratigut utoqqalinersiaasa qaammatini marlunni tulliuttuni aapparisamut qimataasumut tunniunneqartalernissaat siunertaralugu.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 55
Utoqqalinermi pensionisiat pillugit Inatsisartut Peqqussutaata nr. 3-ip, 7. maj 2007-imeer-sup kingusinnerpaamik 2010-imi upernaakkut inatsisartut ataatsimiinnissaanni, 2011-imi atulersussamik allannguutissamik Naalakkersuisut saqqummeeqqullugit peqquneqarnissaannik inatsisartunut aalajangiiffigisassatut siunnersuut, tamatuma kingorna utoqqalinersiutit inooqatigisap aapparisalluunniit isertitaasa kingunerisaanik ikilisinneqarsinnaajunnaassapput, taassuma saniatigut utoqqalinersiat tunngaviusut annerpaat tamanut atuutilissapput kisimiittuuneq, inooqateqarneq katissimasuunerluunniit apeqqutaatinnagu.
(Inatsisartunut Siumup Gruppia)
Imm./pkt.: 59
Pisortanit pensionisiat pillugit Inatsisartut Peqqussutaata nr. 4-ip, 7. maj 2007-imeersup kingusinnerpaamik 2010-imi upernaakkut inatsisartut ataatsimiinnissaanni 2010-imi atulersussamik allannguutissamik Naalakkersuisut saqqummeeqqullugit peqquneqarnissaannik inatsisartunut aalajangiiffigisassatut siunnersuut, tamatuma kingorna kisimiittunut tunniunneqartartut utoqqalinersiat annerpaat siusinaartumik pensionisialinnut tamanut atuutsinneqalissapput, taassuma saniatigut siusinaartumik pensionisiat inooqatigisap aapparisalluunniit isertitaasa kingunerisaanik ikilisinneqarsinnaajunnaassapput.
(Inatsisartunut Siumup Gruppia)
Imm./pkt.: 8
Inatsisartut 2008-imut ilassutitut aningaasaliissutissanut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 43
Aappass. UPA 2010-mut kinguartinneqarpoq
Inatsisartuni aalajangiiffigisassatut siunnersuutigaara, Nunatsinni naalakkersuisut Qallunaat Nunaanni naalakkersuisunut isumaqatigiinniarnermik aallartitsissasut, nunatsinni ikiaroornartup atugaaneranut tuniniarneqartarneratalu akiorniarneqarneranut, Qallunaat Nunaanni nunatsinnilu politiit suliniutinut annertusaanissamik suleqatigiinnissaat siunertaralugu.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 103
Atuarfik pillugu Inatsisartut peqqussutaat nr. 8, 21. maj 2002-meersup allanngortinneqarnissaa pillugu Atuarfitsialammi tuluit oqaasiisa atuartitsissutigineqartarnerat qallunaat oqaasiitulli 1. klassimiit aallartittalernissaat anguniarlugu Naalakkersuisut suliniuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 7
2010-mut Inatsisartut aningaasanut inatsisissaannut siunnersuut.
(Aningaasaqarnermut Naalakkersuisoq )