Ullormut oqaluuserisassat
Ullut ataatsimiiffiusut 24-iat, pingasunngorneq 18. novembarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 117
Unammillerneq pillugu inatsisartut inatsisaata allanngortinnissaa pillugu Inatsisartut inatsisaattut siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 123
Raajanut akitsuut pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 8
Inatsisartut 2008-imut ilassutitut aningaasaliissutissanut inatsisissaattut siunnersuut.
(Aningaasaqarnermut Naalakkersuisoq)
Imm./pkt.: 92
Uunga siunnersuut: Meeqqat atuarfiat pillugu Inatsisartut peqqussutaata allanngortinneqarnera pillugu Inatsisartut peqqussutaat nr. xx, xx. xx 2009-meersoq. (Perorsaanermut aamma tarnip pissusaanut tunngasunik siunnersuinerup kommuninut suliassanngortinneqarnera)
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 41
Allannguutissatut siunnersuut itigartinneqarpoq. Siunnersuutaaqqaartoq akuerineqarpoq.
Illoqarfinni anginerni sisamani nalinginnaasumik attartortittakkanik inissialiortiternissamik ukiuni 2010-mit 2020-imut pisariaqartinneqartut pillugit Naalakkersuisut nassuiaammik saqqummiussaqarnissaannik Inatsisartut aalajangiussinissaannik siunnersuut. Nassuiaat upernaakkut 2010-mi saqqummiunneqassaaq.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 37
Kinguaassiutitigut atornerlunneqarsimasunut katsorsaavimmik pilersitsinissaq siunertaralugu naalakkersuisut Inatsisartunit peqquneqarnissaannik aalajangiiffigisassatut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 49
Kinguaassiuutitigut atornerlunneqarsimasunut katsorsaavissamik pilersitsinissamut naalakkersuisut suliaqaqqullugit Inatsisartut aalajangiiffissaattut siunnersuut.
(Inatsisartunut ilaasortaq Aleqa Hammond, Siumut)
Imm./pkt.: 31
Hepatitis B-mut akiuussutissamik nunatsinni meeqqat akiuussutissanut allanut kapitittarnerannut ilanngullugu kapittalernissaannik Naalakkersuisut suliniuteqaqqullugit peqquneqarnissaannik aalajangiiffigisassatut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 87
Amerlasuujusat qaartussiat pillugit nunat tamalaat isumaqatigiissutaannut Danmarkip akuersissuteqarneranut Kalaallit Nunaanni Namminersorlutik Oqartussat akuersinissaannut aamma Danmarkip akuersissuteqarnerminut atortorisaanik Naalagaaffiit Peqatigiit Generalsekretæriannut tunniunneqartussanik suliaqarnissamut akuersaarnissannut Inatsisartut aalajangiiffigisassaattut siunnersuut.
(Naalakkersuisut Siulittaasuat)
Imm./pkt.: 15
Sanaartugassanut Iluarsagassanullu Aningaasaateqarfik pillugu 2008-imut nassuiaat.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 26
Apeqquteqaat aallaafigalugu oqallisissiaq: Imigassaq pillugu politikki atuutereersoq qanoq ilillugu pitsanngorsarneqarsinnaava, taamaalilluni sunniuteqarluartumik uku akiorsinnaanerujumallugit; imerajuttuuneq, imigassartorsimalluni persuttaanerit, allallu imigassartorsimatilluni inunnik innarliinerit, kiisalu meeqqanik atornerluinerit?
(Inatsisartunut ilaasortaq Justus Hansen, Demokraatit)
Imm./pkt.: 32
Apeqquteqaat aallaavigalugu oqaallisissiatut siunnersuutigaara nunatsinni meeqqat tamarmik atuarnissamik periarfissaqaraluatut taamaattorli meerartatta isorliunerusuniittut nunaqarfinniittullu atuartitaanikkut periarfissaasa ilaatigut ungasianiit atuartitsinikkut, nunatta suatungaani najugaqarneq aporfiginagu nalimmassaaviginissaat qulakkeerneqarnissaallu piviusunngortinniarlugu Naalakkersuisut periarfissat assigiinngitsut qanoq atornialersaarneraat.
(Inatsisartunut ilaasortaq Jane Petersen, Inuit Ataqatigiit)