Ullormut oqaluuserisassat
Ullut ataatsimiiffiusut arfineq-aappaat, marlunngorneq 6. oktobarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 86
Qitornavissiartaartarneq pillugu inatsisip allanngortinneqarnera pillugu inatsisip Kalaallit Nunaannut atuutilersinneqarnera pillugu peqqussutip kiisalu meeqqat illersorneqarnerat pillugu aamma nunani tamani qitornavissiartaartarnerit eqqarsaatigalugit suleqatigiinneq pillugu Haagimi nunat tamalaat isumaqatigiissutaata 29. maj 1993-imeersup atuutilersinneqarnerata Kalaallit Nunaanni Namminersorlutik Oqartussanit akuerineqarnissaanik aalajangiiffigisassatut siunnersuut.
(Naalakkersuisut Siulittaasuat )
Imm./pkt.: 115
Sanaartornermi neqerooruteqartitsisarneq pillugu Inatsisartut inatsisissaattut siunnersuut nr. xx, xx. qaammat 2009-meersoq.
(Ineqarnermut, Attaveqarnermut Angallannermullu Naalakkersuisoq )
Imm./pkt.: 116
Erngup nukingata innaallagissiornermut atorneqartarnera pillugu Inatsisartut inatsisissaattut siunnersuut.
(Ineqarnermut, Attaveqarnermut Angallannermullu Naalakkersuisoq )
Imm./pkt.: 118
UPA 2010-mut kinguartippoq
Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaannut allannguutissatut siunnersuut.
(Inuussutissarsiornermut Aatsitassarsiornermullu Naalakkersuisoq)