Ullormut oqaluuserisassat
Ullut ataatsimiiffiusut 26-iat, ataasinngorneq 23. maajip 2016, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 16
Imm./pkt.: 102
Uunga siunnersuut: Inuussutissarsiutinik ingerlatsisutut aningaasaateqarfiit pillugit inatsisip atuutsilernissaa pillugu Kalaallit Nunaannut peqqussummut oqaaseqaatissamut Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 50
Allannguutissatut siunnersuut akuerineqanngilaq.
Siunissami qimaasunik agguataarinerni aalajangersimasumik amerlassusilinnik nunatsinnut tikisitsisinnaanerput periarfissinniarlugu Naalagaaffiup aamma Naalagaaffiit Peqatigiit isumaqatigiissuteqarfiginiarneqarnissaat siunertaralugu iliuuseqarnissanik Naalakkersuisut peqquneqarnissaat Inatsisartut aalajangiiffigisassaattut siunnersuut.
(Inatsisartunut ilaasortaq Naaja H. Nathanielsen, Attaviitsoq)
Imm./pkt.: 66
Nunatsinni ujaqqanik pinnersaasiassanik aatsitassanillu katersisinnaanermut kiisalu annikitsumik aatsitassarsiorluni ujaqqanik piiaanissamut akuersissummik tunniussinissamut inatsisitigut immikkut aalajangersaanissamut UPA 2017-imi suliniuteqaqqullugit Naaalakkersuisut inatsisartut aalajangiiffigisassaattut siunnersuut.
(Inatsisartunut ilaasortaq Anthon Frederiksen, Partii Naleraq)
Imm./pkt.: 37
Innarluutillit pisinnaatitaaffii pillugit Nunarsuarmioqatigiit isumaqatigiissutaasa nunatsinnilu innarluutillit pisinnaatitaaffiisa tamakkiisumik illersorneqarsinnaasumillu atuutsinneqarnissaat anguniarlugu Naalakkersuisut kingusinnerpaamik 2017-imi Innarluutillit illersuisuannik pilersitseqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Vivian Motzfeldt, Siumut)
Imm./pkt.: 126
Allannguutissatut siunnersuut
Kommunit tamaasa suleqatiginissaat aallartisarniaqqullugu, kommunillu akornanni naligiinnerulernissaq siunertaralugu iliuuseqarnissamut periarfissaasinnaasunik qulaajaanissaq, tamatumanilu kommunit ataasiakkaat suliassanik isumagisassaminnik aningaasaqarnikkut periarfissaat eqqarsaatigalugu, taamatuttaarlu iliuuserisassat pineqartut aningaasatigut allaffissornikkullu kingunerisassaat qulaajaqqullugit Naalakkersuisut peqquneqarnissaattut Inatsisartut aalajangiiffigisassaannik siunnersuut. Qulaajaanissami aningaasatigut naligiissaarinermut aaqqissuussineq atuuttoq ilaatinneqassaaq, taamaattorli taannaannaq killiffigineqassanngilaq.
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 63
Allannguutissatut siunenrsuut akuerineqanngilaq.
Nammisornersorlutik Oqartussat kommunillu Danmarkimi nunanilu allani kiffartuussinernut atatillugu aningaasartuutigisartagaasa Naalakkersuisut UKA 2017-mut misissuinermik saqqummiussinissamik suliniuteqaqqullugit inatsisartut aalajangiiffigisassaattut siunnersuut. Misssuinermi aamma innersuussutit qanoq ililluni nunatsinni kifartuussinerit atorluarneqarnerusinnaanerat, taamaalilluni nunatta avataaniit kiffartuussinerit annikillisarnissaat anguneqaqqullugu.
(Inatsisartunut ilaasortaq Anthon Frederiksen, Partii Naleraq)
Imm./pkt.: 21
Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 20 16-imeersoq. (Soraarnerussutisiaqarnissamut aaqqissuussinernut nunani allaniittunut akiliutit akileraaruserneqartarnerat)
(Aningaasaqarnermut Aatsitassanullu Naalakkersuisoq)
Imm./pkt.: 47
Aappass. UKA 2016
Pisortat ataatsimoortumik allaffissornerisa aaqqissugaanerannut atatillugu naliliinissamut ataatsimiititaliarsuarmik pilersitsisoqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut. Maanna suliassaasut aallaavigalugit allaffissornerup annertussusaa ataatsimiititaliarsuup nalilersussavaa, suleriaatsit sunniuteqarluarnerusut pilersinnissaannut immikkoortortaqarfiillu suliassaqarfiillu (sektorit) akimorlugit suleqatigiinnerup pitsanngorsaaviginissaanut periarfissat misissussallugit, kiisalu allatut aaqqissuussinissamut periarfissanik siunnersuuteqarluni. Siunnersuutini tamani inatsisit ingerlatsinermut tunngasut qasukkartinneqannginnissaat aallaaviussaaq. Ataatsimiititaliarsuaq inunnit sektorinit assigiinngitsuneersunit inuttaqassaaq, tassa pisortat sektoriineersut aamma namminersortut sektoriineersut ilaasortat misilittagaqartut amerlaqatigiissallutik. Ataatsimiititaliarsuaq assigiinngissitaartuneersunit ilaliussanik sulisitaqassaaq, sulininilu ukiut marluk iluanni naammassissallugu. Tamatuma kingorna ataatsimiititaliarsuup innersuussutai Inatsisartuni politikkikkut suliarineqassapput.
(Inatsisartunut ilaasortat Múte B. Egede, Inuit Ataqatigiit aamma Naaja H. Nathanielsen, Attaviitsoq)