Ullormut oqaluuserisassat
Ullut ataatsimiiffiusut aqqaneq-sisamaat, marlunngorneq 10. May 2022, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 162
Uunga siunnersuut: Imigassaq pillugu Inatsisartut inatsisaata allanngortinneqarnissaa pillugu Inatsisartut inatsisaat. (Imigassaq pillugu akuersissummi aalakoornartullip procentianik allannguineq, imigassanik aalakoornartortalinnik sassaalliinermi piffissamik ammaffiusumik allannguinermik erseqqissaaneq, imigassanik aalakoornartortalinnik tuniniaanerup sassaalliinerullu killilersornissaa pillugu piffissamut aalajangersimasumut nuna tamakkerlugu nunalluunniit ilaannaanik malittarisassanik aalajangersaasinnaanerit, kiisalu Inatsisartut inatsisaanik unioqqutitsinerni aalajangersimasuni arsaarinnissinnaaneq)
Peqqissutsimut Naalakkersuisoq
Imm./pkt.: 26
Uunga siunnersuut: Kukkunersiuisut akuerisaasut aamma kukkunersiuinermik suliffeqarfiit pillugit inatsisip Kunngip peqqussutaatigut Kalaallit Nunaannut atuutilersinneqarnissaata Namminersorlutik Oqartussanit ilalerneqarnissaa pillugu Inatsisartut aalajangiinissaat.
Inuussutissarsiornermut, Niuernermullu Naalakkersuisoq
Imm./pkt.: 70
Inatsisartut aalajangiiffigisassaattut siunnersuut Inatsisartunut Siulittaasoqarfik partiit tapiissutaat pillugit inatsimmi allannguutissatut siunnersuummik saqqummiussinissaat Namminersorlutik Oqartussani ukiumut sipaaruteqartarnissaq aammalu partiit akunnerminni aningaasatigut naligiinngissuseq annikillisarnissaa siunertaralugu. Partiinut tapiissuteqartarneq pillugu inatsimmi allannguutissatut siunnersuuteqarnermi suliniutit uku ilaatinneqassapput:
1. Partiinut tunngaviusumik tapiissutit ukiumut 1 million kr.-mut qaffanneqassooq
2. Qaffasinnerpaafissaanut killiliussaq atuutsinneqalissaaq taamaasilluni annertunerpaamik qinigaatitanut tapiissutigineqartartoq qinikkanut arfinilinnut killiliunneqarluni.
Inatsi 1. januar 2024 atuutilersinneqassaaq.
1. Partiinut tunngaviusumik tapiissutit ukiumut 1 million kr.-mut qaffanneqassooq
2. Qaffasinnerpaafissaanut killiliussaq atuutsinneqalissaaq taamaasilluni annertunerpaamik qinigaatitanut tapiissutigineqartartoq qinikkanut arfinilinnut killiliunneqarluni.
Inatsi 1. januar 2024 atuutilersinneqassaaq.
Inatsisartunut ilaasortaq Jens-Frederik Nielsen, Demokraatit
Imm./pkt.: 120
Inatsisartut aalajangiiffigisassaattut siunnersuut, Inatsisartut Siulittaasoqarfiat peqquneqassasoq siunnersuummik saqqummiussissasoq, Naalakkersuinikkut partiit ingerlatsisut naatsorsuutaasa tamanut saqqummiunneqartarnerat pillugit Inatsisartut Inatsisaat allanngortinneqarnissaannik taamaasilluni partiimut 10.000kr. sinnerlugu aningaasaliissuteqarsimanermi partiip naatsorsuutaanni kina aningaasaliissuteqarsimanersoq taamaallaat allaqqanani, kisiannili aamma aningaasaliissutit qanoq annertutigineri aamma allaqqasalerluni. Aningaasaliissutigineqarsinnaasullu killissarititaa avaqqunneqarsinnaassanngilattaaq inatsisitigut pisussaatitaasunit arlaliusunit avinneqarsimalluni.
Inatsisartunut ilaasortaq Jens-Frederik Nielsen, Demokraatit
Imm./pkt.: 75
Inatsisartut aalajangiiffigisassaattut siunnersuut, Naalakkersuisut peqquneqassasut suleqatigiissitamik pilersitsissasut Kalaallit Nunaanni filmiliortartut silarsuaata qanoq nukittorsarsinnaaneranut innersuussuteqartussanik. Naalakkersuisut sapinngisaq tamaat suleqatigiissitami attuumassuteqartut peqataatissavaat. Siunnersuutit UPA 2023-mi saqqummiunneqassapput.
Inatsisartunut ilaasortaq Nivi Olsen, Demokraatit
Imm./pkt.: 98
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnerat akuerineqarpoq.
Saammaasseqatigiinnissamut Isumalioqatigiissitat innersuussutaat arfineq marluk naammassiniarlugit suliniummik aallartitsinissaat pillugu Naalakkersuisut peqquneqarnissaannik Inatsisartut aaliangiiffigisassaattut siunnersuut, iliuusissatullu pilersaarut UPA23-imi Inatsisartunut Naalakkersuisunit saqqummiunneqassasoq.
Inatsisartunut ilaasortaq Doris Jakobsen Jensen, Siumut