Oqaluuserisassat oqaluuserineqarfissaasalu ullui

Ataatsimiinnerup ammarneqarnera.

Ullormut oqaluuserisassanut nassuiaat.

2010-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik siunnersuut, tak. suleriaasissani § 32, imm. 6, 2: <br/>

1. Inummut ilanngaat.............................kr. 48.000 (ukiumut) <br/>
2. Ilanngaat aalajangersimasoq...............kr. 10.000 (ukiumut) <br/>
3. Aningaasarsiat B-t akileraaruteqaataasussaanngitsut..kr. 5.000
(ukiumut) <br/>

4. Killilimmik akileraartussaatitaasut ilanngaataat kr. 1.000 (ukiumut) <br/>

5. Kommuninut ataatsimut akileraa-rut.............................6%

2009-mi Inatsisartut ukiakkut ataatsimiinnissaata aalajangerneqarnera.

Inatsisartut Aningaasaqarnermut Ataatsimiititaliaannut Royal Greenland A/S-imut aningaasaliinissaq aammalu akisussaaffilittalimmik aningaasanik atukkiinissaq siunertaralugu tapiliussatut aningaasaliissutissanik 503,75 mio. kr. iluanni qinnuteqaateqarnissamik Naalakkersuisut piginnaatinneqarnissaat pillugu Inatsisartut aalajangiiffigisassaattut siunnersuut.

Inatsisartut Aningaasaqarnermut Ataatsimiititaliaannut Great Greenland A/S-imut aningaasaliinissaq siunertaralugu tapiliussatut aningaasaliissutissanik 8 mio. kr. -nik qinnuteqarnissamik Naalakkersuisut piginnaatinneqarnissaat pillugu Inatsisartut aalajangiiffigisassaattut siunnersuut.

Nunaqarfinni nunaqarfinnulluunniit qanittuni tunisisinnaanikkut inuussutissarsiorsinnaanermut annermik periarfissaqarfiusuni suliffissaqartitsineq, ilinniartitsineq ilinniartitseqqiinerlu siuarsarniarlugit 20 mio. kr.-inik sillimatissanik pilersitsinissaq pillugu Naalakkersuisut Aningaasaqarnermut Ataatsimiititaliamut qinnuteqarnissamik peqquneqarnissaannik Inatsisartut aalajangiinissaannut siunnersuut. Sillimmatit Aningaasaqarnermut Ataatsimiititaliap siumut akuersereerneratigut suliniutinut aalajangersimasunut atugassanngortinneqarsinnaapput.