Inatsisartoqarfik
UPA2015

Ullormut oqaluuserisassat

Ullut ataatsimiiffiusut 28-iat, marlunngorneq 26. maajip 2015, nal. 00:00
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 89
Allannguutissatut siunnersuut akuerineqarpoq
Uunga siunnersuut: Aalisarneq pillugu Inatsisartut inatsisaata allanngortinnera pillugu Inatsisartut inatsisaat nr. xx, xx.xx 2015-imeersoq.
(Inuussutissarsiutigalugu aalisarsinnaanermut akuersissutit tunniunneqartarnerat ingerlaannartarnerallu pillugit allannguutit)
(Aalisarnermut, Piniarnermut Nunalerinermullu Naalakkersuisoq)
Imm./pkt.: 148
Siunnersuut uunga: Inatsisartut Suleriaasiata allanngortinneqarnera.
(Inatsisartut Siulittaasoqarfiat)
Imm./pkt.: 19
Raajanut qaleralinnullu licensit killeqanngitsumik piffissalerlugit pigineqartarnerisa Aalisarneq pillugu inatsisartut inatsisaat nr. 18, 31. oktober 1996-imeersoq-mi § 14 atorlugu, ukiunik tallimanik sioqqutsisumik ilimasaaruteqarnikkut killilerneqartalersinnaanerat aningaasaqarnikkullu kinguneqaatissat ilanngullugit - Naalakkersuisut UKA2015-imi saqqummiussassamik misissueqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 20
Utoqqalinersiaqartut qanigisaannik toqusoqartillugu Kalaallit Nunaanni ilisiartornissamut ukiumut ataasiarlutik pisortanit akiliunneqartalernissaat isumageqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 54
Upernaviup eqqaani nunaqarfimmi Kullorsuarmi timersortarfiliornissamut Naalakkersuisut AIS 2016-mut 25 mio. koruninik immikkoortiteqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 58
Inatsisit attuumassuteqartut allanngortinneqarnissaannut siunnersuummik UPA 2016-imut Naalakkersuisut suliniuteqaqqullugit peqquneqarnissaat pillugu Inatsisartut aalajangiiffigisassaattut siunnersuut, taamaaliornikkut inoqutigiit 400.000 kr.-t ataallugit isertitallit napparsimasut angerlarsimaffianni nerisaqarnermut ineqarnermullu akiliuteqartarunnaarsinnaaqqullugit.
(Inatsisartunut ilaasortaq Anthon Frederiksen, Partii Naleraq)
Imm./pkt.: 115
Aappass. UKA 2015
Pinartumik napparsimasoqartillugu ilaqutaasut Københavnimi kalaallit peqqissartut najugaqarfianni ineqartinneqartillugit ineqarnermut aningaasartuutit 2016 aallarnerfigalugu pisortanit akilerneqartalernissaat sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 99
Allannguutissatut siunnersuut Inatsisinut Ataatsimiititaliamit isumaqatigiittumit saqqummiunneqartoq akuerineqarpoq.
Angajoqqaatut akisussaassuseqarneq pillugu inatsisip Kalaallit Nunaannut atuutilersinneqarnera pillugu Peqqussummut, Angajoqqaatut oqartussaassuseqarnermut aalajangiinerit il.il. nunani tamalaani atortussanngortinnissaat pillugit inatsisip Kalaallit Nunaanni atuutilersinnissaat pillugu Peqqussummut, Kalaallit Nunaannut oqartussaassutsimut inatsisip allanngortinnissaa pillugu inatsimmut, Aappariilersarnerup inatsisitigut sunniutai pillugit inatsisip Kalaallit Nunaanni atuutilersinneqarnera pillugu inatsimmut, Kalaallit Nunaannut eqqartuussisarneq pillugu inatsimmut aamma Kalaallit Nunaannut pinerluttulerinermut inatsimmut, Eqqartuussisarneq pillugu inatsisip allanngortinnissaa pillugu inatsisip Kalaallit Nunaanni atuutilersinnissaa pillugu Peqqussummut, Aappariilersarneq aappariigunnaartarnerlu pillugit inatsisip allanngortinnissaa pillugu inatsimmut kiisalu inatsisinut assigiinngitsunut Kalaallit Nunaanni Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
(Pinngortitamut, Avatangiisinut Inatsisinillu Atuutsitsinermut Naalakkersuisoq)
Imm./pkt.: 100
Aappariilersarneq aappariigunnaartarnerlu pillugu inatsisip allanngortinnissaa pillugu inatsisip ilaata Kalaallit Nunaannut atuutilersinneqarnera pillugu Peqqussummut, aappariinnerup inatsisitigut sunniuteqarnera pillugu inatsimmut aamma eqqartuussisarneq pillugu inatsimmut aamma nalunaarsukkamik inooqatigiinneq pillugu inatsisip atorunnaarsinneqarneranut Kalaallit Nunaanni Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
(Inuit marluk suiaassuseqatigiit akornanni aappariilersarnerup kingunerisaanik nalunaarsukkamik aappariilersarneq pillugu inatsit pillugu peqqussutip atorunnaarsinneqarnera).
(Pinngortitamut, Avatangiisinut Inatsisinillu Atuutsitsinermut Naalakkersuisoq)
Imm./pkt.: 101
Meeqqat illersorneqarnissaat pillugu Haagerimi isumaqatigiissut pillugu inatsisip Kalaallit Nunaanni atuutilersinneqarnera pillugu Peqqussummut Kalaallit Nunaanni Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
(Pinngortitamut, Avatangiisinut Inatsisinillu Atuutsitsinermut Naalakkersuisoq)
Imm./pkt.: 111
Qanoq iliorluta meeqqat pitsaanerusumik angerlarsimaffiup avataanut inissitagut nammineersinnaanissaannut ikiorsersinnaanerivut pillugu apeqquteqaat aallaavigalugu oqallisissiaq.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 143
Meeqqap illugiimmik angajoqqaaminik takunninnissaanut pisinnaatitaaffeqarnera naapertorlugu, tamannalu meeqqamut pitsaanerussappat, qanoq ililluta Inatsisartuni pilersaarusiuussisarnermut pitsanngorsaaqataasinnaavugut. Taamatuttaaq ataataasut meeqqaminnik attavigissaarnerunissaannut pitsaanerusunik periarfissiissagutta meeqqaminnik tigummiaqarsinnaanerat eqqarsaatigalugu ilaqutariit pillugit inatsisaatigut qanoq nutarterisinnaavugut. Aaqqiagiinngittoqartillugu isumaqatigiissitsiniarnissanut periarfissaqarnerunissaq, taamatullu meeqqap peqatiginissaagaluanik eqquutsitsisoqanngippat iliuuseqarnissamut periarfissiinissat Inatsisartuni sulissutigisariaqarpagut.
(Inatsisartuni ilaasortaq Aaja Chemnitz Larsen, Inuit Ataqatigiit)