Inatsisartoqarfik
UPA2017
Arlaat toqqaruk

Oqaluuserisassat oqaluuserineqarfissaasalu ullui

2017-imi Upernaakkut Ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
Suliani takuneqarsinnaapput kikkut apeqqarissaarfigineqarnersut
Imm./pkt.: 1
Ataatsimiinnerup ammarneqarnera
(Inatsisartut Siulittaasoqarfiat)
Imm./pkt.: 2
Ullormut oqaluuserisassanut nassuiaat
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
(Inatsisartut Siulittaasoqarfiat)
Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 5
Siunnersuisoqatigiinut aalajangiisartutullu ataatsimiititalianut ilaasortassanik sinniisussaannillu qinersineq. (Matoqqasumik ataatsimiinneq)
(Inatsisartut Siulittaasoqarfiat)
Imm./pkt.: 6
2017-mi Inatsisartut Ukiakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 8
2016-imut Ilassutissatut aningaasaliissutinut Inatsisissatut Siunnersuut.
(Aningaasaqarnermut Akileraartarnermullu Naalakkersuisoq)
Imm./pkt.: 10
2017-imut Aningaasaqarnikkut ingerlatsineq pillugu nalunaarut.
(Aningaasaqarnermut Akileraartarnermullu Naalakkersuisoq)
Imm./pkt.: 11
Nunatta Karsiata 2016-imut naatsorsuutaasa Inatsisartunit akuerineqar-nissaat pillugu Inatsisartut aalajangiiffigisassaattut siunnersuut.
(Aningaasaqarnermut Akileraartarnermullu Naalakkersuisoq)
Imm./pkt.: 12
2018-imi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik siunnersuut:
1. Inummut ilanngaat................……………………......kr. 48.000 (ukiumut)
2. Ilanngaat aalajangersimasoq......…………………....kr. 10.000 (ukiumut)
3.Aningaasarsiat B-t akileraaruteqaataasussaanngitsutkr..5.000 (ukiumut)
4. Killilimmik akileraartussaatitaasut ilanngaataat.....kr. 1.000 (ukiumut)
5. Kommuninut ataatsimut akileraarut……..............................................6%
(Aningaasaqarnermut Akileraartarnermullu Naalakkersuisoq)
Imm./pkt.: 16
Naalakkersuisunik qinersineq.
(Naalakkersuisut Siulittaasuat)
Imm./pkt.: 17
Siunnersuut: Inatsisartut Ombudsmandiat pillugu Inatsisartut inatsisaat nr. xx,xx.xx.2017-imeersoq.
(Inatsisartut Siulittaasoqarfiat)
Imm./pkt.: 18
Ukununnga siunnersuutit: Suliassani Kalaallit Nunaannut tunngassutilinni pisortat ingerlatsinerat pillugu inatsisip atuutilersinneqarneranik peqqussummik aamma Allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaanik peqqussummik Kalaallit Nunaanni Namminersorlutik Oqartussat akuersinerat pillugu Inatsisartut aalajangiinerat.
(Naalakkersuisut Siulittaasuat)
Imm./pkt.: 19
Uunga siunnersuut: Nunanit allanit aningaasanik taarsigassarsinissaq pillugu Inatsisartut inatsisaata atorunnaarsinneqarnissaanik Inatsisartut inatsisaat nr. xx, xx. xxx 2017-imeersoq.
(Aningaasaqarnermut Akileraartarnermullu Naalakkersuisoq)
Imm./pkt.: 20
Uunga siunnersuut: Procenti aaqqiissutissaq pillugu Inatsisartut inatsisaat nr. xx, xx. xxx 2017-imeersoq.
(Aningaasaqarnermut Akileraartarnermullu Naalakkersuisoq)
Imm./pkt.: 21
Uunga siunnersuut: Akileraaruserinermik ingerlatsineq pillugu Inatsisartut inatsisaata nr. 11, 2. november 2006-imeersup allanngortinneqarneranik Inatsisartut inatsisaat nr. xx, xx. xxx 2017-imeersoq. (Akileraaruseriffiup aamma Naalakkersuisut oqartussaaffiinik agguataarineq il.il.)
(Aningaasaqarnermut Akileraartarnermullu Naalakkersuisoq)
Imm./pkt.: 22
Uunga siunnersuut: Qalerallit aamma aalisakkat allat ilaasa akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2017-imeersoq.
(Avaleraasartuut akitsuutaannik allannguineq)
(Aningaasaqarnermut Akileraartarnermullu Naalakkersuisoq)
Imm./pkt.: 23
Innarluutillit najugaqaqatigiiffiini naleqquttumik najugaqartinneqarnissaminnut pisinnaatitaaffiannut FN-ip Innarluutillit pillugit Isumaqatigiissutaanut naapertuuttumik innarluutillit qanoq ittunik sinaakkusikkanik avatangiiseqartinneqartariaqarnersut pillugu apeqquteqaat aallaavigalugu Inatsisartut oqallinnissaannik siunnersuut.
(Inatsisartunut ilaasortaq Martha Lund Olsen, Siumut)
Imm./pkt.: 24
Uunga siunnersuut: Sullivimmi avatangiisit pillugit Inatsisartut inatsisaat nr. xx, xx. xxx 2017-imeersoq.
(Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq)
Imm./pkt.: 25
Uunga siunnersuut: Sullivinni avatangiisinut suliassaqarfiup ilaata, nunami sullivinni avatangiisinut tunngasup, Namminersorlutik Oqartussanit tiguneqarnissaanik Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq)
Imm./pkt.: 26
Uunga siunnersuut: Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisaat nr. xx, xx. xxx 2017-imeersoq.
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)
Imm./pkt.: 27
Uunga siunnersuut: Suliffeqarfinnik tunniussisoqartillugu sulisut inatsisitigut inissisimanerat pillugu Inatsisartut peqqussutaata allanngortinneqarneranik Inatsisartut inatsisaat nr. xx, xx. xxx 2017-imeersoq. (Suliassaqarfinnik tigusinermut atatillugu sulisunut tjenestemanditut atorfeqartitaanngitsunut atorneqarnera)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)
Imm./pkt.: 28
Uunga siunnersuut: Inuussutissarsiummik ingerlataqarneq pillugu Inatsisartut inatsisaata allanngortinnissaa pillugu Inatsisartut inatsisaat nr. xx, xx.xxx 2017-imeersoq. (IIN-normup CVR-normunngorlugu allanngortinnera, kiisalu kalaallisoortaani allannguut)
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)
Imm./pkt.: 29
Siull. 26/4
Ataatsimiititaliap isumaqatigiittup allannguutissatut siunnersuutaa akuerineqarpoq.
Inatsisartut ataatsimiittarfianni ataatsimiinnerit, siumut aalajangersarneqareersumik annertussusilimmik, radiukkut aallakaatinneqartarnissaannik KNR-ip pisussaaffilerneqarnissaanik sulissuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siulittaasoqarfimmut ilaasortat)
Imm./pkt.: 30
Annertuumik innarluutillit sullivinni illersugaasuni ulluuneranilu suliassaqartitsiniarfinni sulinerminni aningaasarsiarisartagaat qanoq pitsanngorsarneqarsinnaanersut pillugu apeqquteqaat aallaavigalugu Inatsisartut oqallinnissaannik siunnersuut.
(Inatsisartunut ilaasortaq Martha Lund Olsen, Siumut)
Imm./pkt.: 31
Siull. 5/10-2016
Nukissiorfinni Innaallagissamut, imermut kiassarnermullu assigiimmik akeqartitsinerup atuutseqqilersinnaanerata kingunerisinnaasai aammalu malitsigisaasussanut sunniutaasussat misissoqqissaarnerat nalilersorneqarnerallu pillugit nalunaarusiamik UKA2017-imi saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Immanuelsen, Siumut
Imm./pkt.: 33
Illoqarfiup najugaqarfigisap avataanut peqqissariartorluni nakorsiartup toqukkut qimagunnerani illoqarfigisaanut angerlaannerani ilaqutaasut atuligaannik qanoq iliorluni oqilisaasoqarsinnaanersoq pillugu apeqquteqaat aallaavigalugu Inatsisartut oqallinnisaannik siunnersuut.
(Inatsisartunut ilaasortaq Vivian Motzfeldt, Siumut)
Imm./pkt.: 41
Siull. 9/5
2. Allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq
Meeqqat atuarfianni fagini tamani akunnernut ilinniartitsiviusussanut minnerpaaffiliinissaq anguniarlugu inatsimmut atuuttumut allannguutissatut siunnersuummik saqqummiussinissamut Naalakkersuisut peqquneqarnissaannut inatsisartut aalajangiiffigisassaattut siunnersuut. Inatsisip allanngortinneqarneranittaaq akullerni atuartuniit tulluttut danskisullu akunnerit ilinniartitsiviusut amerlaqatigiilernissaat qulakkeerneqassaaq. Allanguut aggustimi 2020-mi atuutilissaaq.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 42
Naalakkersuisut UKA 2017-mut inuit nunaqarfinni, illoqarfinnilu mikinerni illuliornissamut aningaasaliiffigineqarnissaminnut pitsaanerusumik periarfissaqalernissaat pillugu pilersaarusioqqullugit Inatsisartut aalajangiiffissaattut siunnersuut.
(Inatsisartunut ilaasortaq Bendt B. Kristiansen, Inuit Ataqatigiit)
Imm./pkt.: 44
Meeqqat atuarfianni atuarnermut ilaatillugu sungiusaammik sulinermi assigiimmik sillimmaserneqarnissaannut Naalakkersuisut suliniuteqarnissaat pillugu inatsisartut aalajangiiffigisassaattut siunnersuut. Suliami tassani kommunit, Center for Arbejdsskadesikring attuumassuteqartullu allat sapinngisamik Naalakkersuisunit akuutinneqartariaqarput.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 46
Siull. 18/5
Aappass. UKA 2017
Umiatsiaararsorlutik aalisartut saarullinnik bundgarninik pisarineqartunik pisarineqareerlutik aniseqqinneqartut annertussusaat pillugit nalunaaruteqartarnissaat, kiisalu nalunaarutigineqartut Pinngortitalerfimmut atugassanngortinneqarnissaat qulakkeerniarlugu Naalakkersuisut suliniuteqarnissamik peqquneqarnissaat pillugu Inatsisartut aalajangiiffissaattut siunnersuut.
(Inatsisartunut ilaasortaq Hans Aronsen, Inuit Ataqatigiit)
Imm./pkt.: 47
Siull. 3/5
Aappass. UKA17

(Imm.47 aamma 183 ataqatigiisillugit siullermeerneqarput)
Illoqarfinni annerusuni arfineq marluusuni ungasissumiit kiassarnikkut, innaallagissamillu kiassarnikkut ullumikkuminngarnit suli annerusumik atorluaanerulernissarput siunertaralugu, Naalakkersuisut suliniuteqaqqullugit peqquneqarnissaannik Inatsisartut aaliangiiffigisassaatut siunnersuut. Illoqarfiit pineqartut tassaapput Ilulissat, Qasigiannguit, Aasiaat, Sisimiut, Maniitsoq, Nuuk aamma Qaqortoq.
(Inatsisartunut ilaasortaq Peter Olsen Inuit Ataqatigiit)
Imm./pkt.: 48
Siull. 3/5
Aappass. UKA 2017
1. januar 2018-miit atuutilersumik inatsisinut nalunaarutit atuutsinneqalernissaannut Naalakkersuisut peqquneqarnissaannik Inatsisartut aaliangiiffigisassaattut siunnersuut.
(Inatsisartunut ilaasortaq Peter Olsen Inuit Ataqatigiit)
Imm./pkt.: 49
Siull. 12/10-2016
Ukiut qulit ingerlaneranni angujartuaarneqartussamik nunatsinni suliffeqarfinni sulisorisat sapinngisamik amerlanerpaat nunatsinneersuunissaat siunniullugu, Naalakkersuisut UPA 17-mut saqqummiunneqartussamik periusissiamik suliaqarnissaminnut peqquneqarnissaannut Inatsisartut aalajangiiffigisassaattut siunnersuut.
(Siunnersuut Inatsisartunut ilaasortamit Kelly Berthelsen-imit Inuit Ataqatigiinneersumit nanginneqassaaq, Inuit Ataqatigiit)
Imm./pkt.: 50
Naalakkersuisut oqaatsinut kiffartuussivimmik pilersitseqqullugit aalajangiiffigisassatut siunnersuut. Oqaatsinik kiffartuussivik oqaatsinut siunnersortinik inuttaqassaaq, kalaallisut oqaatsitta atorneqarnerini nakkutilliiviussalluni aammalu siunnersuinermik neqerooruteqassalluni, tusagassiuutinilu oqaatsitta atorneqarnissaannik ilinniartitsiffiusinnaassalluni.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 51
Siull. 8/5
Allannguutissatut siunnersuut Naalakkeruisunit saqqummiuneqartoq akuerineqarpoq.
Naalakkersuisooqatigiit isumaqatigiissutaat naapertorlugu Kujataani Itilliarsuup N 60.614 W45.46.622 ikerasaliorneqarnissaanik Naalakkersuisut suliniuteqarnissaannik peqquneqassasut Inatsisartut aalajangiiffissaattut siunnersuut.
(Inatsisartunut ilaasortaq Kelly Berthelsen, Inuit Ataqatigiit)
Imm./pkt.: 52
Siull. 9/5
Allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq
Meeqqat atuarfianni nukarlerni ilitsoqqussaralugu oqaatsit kisiisa atorlugit atuartitsisalernermi pitsaaqutigisinnaasai pitsaanngequtigisinnaasalu pillugit, Naalakkersuisut misissueqqullugit peqquneqarnissaannik Inatsisartut aaliangiiffigisassaatut siunnersuut. Tamatumani ilitsoqqussaralugu oqaatsit danskisut kalaallisullu oqaatsit pineqarput, misissuinermilu angusat UPA2018 sioqqullugu Inatsisartunut saqqummiunneqareersimassapput.
(Inatsisartunut ilaasortaq Peter Olsen, Inuit Ataqatigiit)
Imm./pkt.: 53
UPA 2018-imi saqqummiunneqartussamik utoqqalinersiallit siusinaartumillu sulisinnaajunnaarnersiutillit saniatigut sulisarnerminni pisartakkaminnik ilanngaaffigitittarunnaarnissaata kinguneqaataanik Naalakkersuisut misissuinissamik peqquneqarnissaat pillugu Inatsisartut aalajangiiffissaattut siunnersuut.
(Inatsisartunut ilaasortaq Villy Olsvig, Inuit Ataqatigiit)
Imm./pkt.: 54
Ilinniagaqartut 16-it 25-illu akornanni ukiullit kalaallisut oqaaseqartut, meeqqat atuarfiannit anillutik ilinniakkamik ingerlatsisinnaanerat anguniarlugu, ilinniarfiit sorliit annertuumik aningaasartuuteqarfiunngitsumik isersinnaanermut piumasaqaataasa ilinniartitsissutillu ilinniartunut kalaallisut oqaasilinnut nalimmassarneqarnissamut piukkunnaateqarnerannik misissuinermik UPA 2018-imi saqqummiunneqartussamik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 55
Siull. 17/5
Aappass. UKA 2017
Siunissami aalisarsinnaanermut akuersissutip aqutsisoqarfimmi ataasiinnarmi atorneqartalernissaa - taamatullu aqutsisoqarfiup "Kalaallit Nunaata sinnerata" siunissami aqutsivinnut immikkoortunut arfinilinnut aggornilersorneqarnissaa (Maniitsoq, Paamiut, Qaanaaq, Sisimiut, Kalaallit Nunaata kujataa aamma Tasiilaq) anguniarlugu sinerissamut qanittumi qaleralinniarneq pillugu nalunaarut allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Michael Rosing, Demokraatit)
Imm./pkt.: 56
Siull. 23/5
Aappass. UKA 2017
Angajoqqaat naartunermut, erninermut meeravissiartaarnermullu atatillugu sulinngiffeqarsinnaatitaanerisa sapaatit akunnerinik sisamanik sivitsorneqarnissaa siunertaralugu Inatsisartut Inatsisaata nr. 14-p 17. december 2009-meersup allanngortinnissaanut siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Allannguut atortuulersinneqassaaq ulloq 1. juli 2018 aallarnerfigalugu.
(Inatsisartunut ilaasortaq Randi Vestergaard Evaldsen, Demokraatit)
Imm./pkt.: 57
1. klassimiik meeqqat atuarfiisa tamarmik pinngitsooratik tuluit oqaasiinik takornartat oqaasiisut atuartitsisalernissaat qularnaarumallugu Meeqqat Atuarfiat pillugu Inatsisartut inatsisaannut nr. 15, 3. December 2012-imeersumut allannguutissamik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliniutip tamatuma kinguneranik kalaallit danskillu oqaasiinik atuartitsineq ajornerulersinneqassanngilaq. Allannguut atuutilersinneqassaaq ukiup atuarfiusup 2018-mi aallartinneraniit.
(Inatsisartunut ilaasortaq Nivi Olsen, Demokraatit)
Imm./pkt.: 58
Uunga siunnersuut: Inatsisartut Inatsisaat nr. xx ulloq xx xx 2017-meersoq imigassamik aalakoornartulinnik nioqquteqartarneq sassaallertarnerlu pillugit Inatsisartut inatsisaata allanngortinnissaa pillugu.
(Imigassanik kimittuunik kimikitsunillu aalakoornartortalinnik nioqquteqartarnerup sivitsorneqarnissaa)
(Inatsisartunut ilaasortat Randi Vestergaard Evaldsen aamma Justus Hansen, Demokraatit)
Imm./pkt.: 59
Siull. 17/11-2016
Ataatsimiititaliap isumaqatigiittup allannguutissatut siunnersuutaa akuerineqarpoq.
Meeqqat atuarfianni angajulliit atuartinneqarnerini MMS imaluunniit nittartakkakkut naapittarfikkut tamataqanngitsunik assinik avitseqatigiittarnermut tunngasunik paasissutissiisarneq eqqunneqarnissaannut Naalakkersuisut peqquneqarnissaannut aalajangiiffigisassatut siunnersuut.
Demokraatit Inatsisartunut ilaasortaatitai
Imm./pkt.: 60
2018-miit ukiuni marluugallartuni misiliilluni unnukkut ammasartussamik (nal. 16-24) nuna tamakkerlugu call-centerimik, Nuna tamakkerlugu Ilitsersuisarfik (NTI-p) ataani pilersitsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Call-Centeri sukkasuumik kinaassutsimillu isertuussilluni ilinniartunut, ilinniarnikkut, aningaasatigut inuttulluunniit ajornartorsiuteqartunut ikorfartuissaaq siunnersuisarlunilu. Call-centerip aamma taamatut siunnersuisarsinnaassaaq ilinniartut ilaqutaannut.
(Inatsisartunut ilaasortaq Nivi Olsen, Demokraatit)
Imm./pkt.: 61
Siull. 4/5
Allannguutissatut siunnersuut Naalakkeruisunit saqqummiuneqartoq akuerineqarpoq.
Tasiilami inunnik isumaginninnikkut pissutsit pitsanngorsarneqarnissaat qularnaarumallugu 2018-mut aningaasanut inatsisissamut atatillugu 2018-mi ukiunilu missingersersuusiorfisuni ukiumut 5 millioner koruuninik immikkoortitsisoqartarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliniut ingerlanneqassaaq Kommuneqarfik Sermersooq qanimut ataqatigiissaareqatigalugu.
(Inatsisartunut ilaasortat Randi Vestergaard Evaldsen aamma Justus Hansen, Demokraatit)
Imm./pkt.: 62
Qanoq iliorluta iluarsartuussinerit aqqutigalugit imminut attattumik aningaasarsiulersinnaanerput pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Randi Vestergaard Evaldsen, Demokraatit)
Imm./pkt.: 63
Qitornavut pitsaasumik inuiaqatigiinni innuttaaqataalernissaasa pingaaruteqarnerat pillugu perorsaalernissarput qanoq oqallisiginerulersinnaaneripput pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Nivi Olsen, Demokraatit)
Imm./pkt.: 64
Siull. 16/5
Aappass. UKA 2017
Paasissutissanik piniarnermut atatillugu inatsisitigut tunngavissaqarnissaq qularnaarumallugu, takuuk ilanngussaq 1 formatimi nassuiarneqareersumi, kingusinnerpaamik UPA2018-mi siunnersuummik saqqummiusseqqullugit, Naalakkersuisut peqquneqarnissaannik Inatsisartut aalajangiiffigisassaattut siunnersuut. Ilanngussaq 1-mi taaneqartut paasissutissat eqqarsaatigalugit Naalakkersuisut peqquneqarput tamanit iserfigineqarsinnaasumik nittartagalioqqullugit paasiuminartunik naatsorsoqqissaakkanik katersanik imalimmik, tassani soqutinittut meeqqat atuarfiat pillugu paasissutissanik naapertuuttunik aallarsinnaalersillugit. Naatsorsoqqissaakkanik katersivik suliarineqassaaq meeqqat atuarfii ataasiakkaat naleqqiunneqarsinnaanngorlugit, imatulli sanallugu inunnut ataasiakkaanut paasissutissat pissarsiariniarneqarsinnaajunnaarlugit.
(Inatsisartunut ilaasortaq Nivi Olsen, Demokraatit)
Imm./pkt.: 65
Tasiilami timmisartunut suluusalinnut mittarfissap ingerlatseqatigiiffiup suliassaanut ilaaqqullugu Kalaallit Airport A/S-mut nalunaaruteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 71
Siull. 18/10-2016
Kingusinnerpaamik 1. januar 2017 aallarnerfigalugu ukiuni tallimani misiligummik teriannissat, tulukkat naajallu eqqissisimatinneqarunnaarallarnissat pillugu Naalakkersuisut peqquneqarnissaannik Inatsisartut aaliangiiffigisassaattut siunnersuut. Misileraanerup naareersimalernerani misileraanerup kingunerisaasa sunniutai pillugit nalilersuiffiginerat saqqummiunneqassalluni, ilaatigut eqqissisimatitsinerup atorunnaavissinnaanera pillugu nalilersuisoqassalluni.
(Inatsisartunut ilaasortaq Anthon Frederiksen, Partii Naleraq)
Imm./pkt.: 79
Siull. 16/5
Allannguutissatut siunnersuut Naalakkersuisunit saqqummiunneqartoq akuerineqarpoq.
Inatsisartut aalajangiiffigisassaattut siunnersuutigineqarpoq, Naalakkersuisut ukioq 2017 naatinnagu kaajallaasitamik nutaamik atulersitsissasut pisortat pisiortortarnerat pillugu, tassanilu aamma kiffartuussinerit ilanngullugit naleqqussarneqarnissaa, siunertaralugu neqerooruteqartitsisarnermut inatsisissamut tunngavissiinissaq eqqarsaatigalugu, soorlu tamanna Inatsisartut UPA2015/118-imi akuersaarneqarneratigut pisussanngortinneqartoq.
(Inatsisartunut ilaasortaq Mala Høy Kuko, Atassut)
Imm./pkt.: 82
Siull. 18/10-2016
Allannguutissatut siunnersuut Ataatsimiititaliamit isumaqatigiittumit saqqummiunneqartoq akuerineqarpoq
Inatsisartut aalajangiiffigisassaattut siunnersuutigineqarpoq, Naalakkersuisut peqquneqassasut danskit inatsisit attortinneranut ministerianut attaveqassasut Kalaallit Nunaanni Eqqartuussiveqarneq pillugu inatsip allanngortinneqarnissaa pillugu. Allannguut periarfissaqartitsilissaaq hashi-mik pinerluttoqarsimatillugu aamma allatigut peqqarniitsumik pinerluttoqarsimatillugu, politiit ilisimannittunik illersuinissannut, taamaaliornikkut unnerluussamut taassumallu illersuisuanut ilisimannittup aqqanik kalerriussinngissinnaallutik.
(Atassutip Inatsisartunut ilaasortaatitai)
Imm./pkt.: 100
Siull. 19/10-2016
Allannguutissatut siunnersuut Ataatsimiititaliami amerlanerussuteqartut Inuit Ataqatigiit, Siumup Partii Naleqqallu ilaasortaatitaanit saqqummiunneqartoq akuerineqarpoq.
Namminersorlutik Oqartussat iluanni aammalu suliffeqarfiit Namminersorlutik Oqartussat pigisaasa iluanni atorfilittat qullersaasa tullersortaasalu 60 - 70 %-ii piginnaasaqarnikkut tulluartut marlunnik oqaaseqartuunissaat anguniarlugu ukiut qulit ingerlaneranni sulisussarsiussinermut tunngaveqartitsisussamik atorfinitsitsisarnermut aalajangersimasumik anguniagaqarnissamut periusissiornissamut, ilinniartitaanermullu ilinniaqqinnermullu periusissiamik UPA 2017 sioqqullugu Naalakkersuisut saqqummiussaqaqqullugit peqquneqarnissaannik Inatsisartut aaliangiiffigisassaattut siunnersuut.
(Inatsisartunut ilaasortaq Peter Olsen, Inuit Ataqatigiit)
Imm./pkt.: 102
Naalakkersuisut peqquneqarnissaannik Inatsisartut aalajangiiffigisassaattut siunnersuut, inuussutissat pillugit politikikkut nalerassamik anguniagassamillu siunnerfiliineq. Nerisassanik peqqinnartunik assigiinngisitaartunillu innuttaasut nerisaqalersinnaanerat pillugu misissuinermik suliaqaqqullugit. Misissuinerup ilanngutissavaa Kalaaliminerit tunisassiarineqarneranni akitigut apparsarneqarsinnaanerat pillugu suliniutaasinnaasut qulaajarneqarnissaat.
(Inatsisartunut ilaasortaq Vivian Motzfeldt, Siumut)
Imm./pkt.: 103
Silaannakkut angallannermi kimmut aqqutimik ammaasoqarsinnaaneranik periarfissaq pillugu misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, misissuinerup inernera kingusinnerpaamik UPA2018-imi saqqummiunneqassaaq.
(Inatsisartunut ilaasortaq Vivian Motzfeldt, Siumut)
Imm./pkt.: 104
Angajoqqaarsiat atugaasa pitsanngorsaavigineqarnissaat aningaasatigullu paaqqinninnerminni tigusartagaasa qaffaavigineqarnissaat, taamatuttaaq nerisaqarnermut-, atisarsiutissat-, kiisalu kaasarfimmiorisartakkanut aningaasartuutaasartut ullutsinnut naapertuuttunngorlugit naleqqussarneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Laura Táunâjik, Siumut)
Imm./pkt.: 105
Innarluutillit angajoqqaami nunaqarfiisa avataanut inissinneqarsimatillugu, angajoqqaat atugaanut pitsanngorsaanissamut sunik periarfissaqarnersoq pillugu apeqquteqaat aallaaavigalugu oqallinnissamik siunnersuut?
(Inatsisartunut ilaasortaq Laura Táunâjik, Siumut)
Imm./pkt.: 107
Nunatsinni innaarlutilinnut amigartumik naammaginanngitsumillu neqerooruteqartarneq peqqutigalugu Danmarkimi innarluutillit ullumikkut siunissamilu inissinneqartartut/tussat pillugit Nunatsinni innaarluutilinnut sullissivimmik pilersitsisoqassappat periarfissat unammillernartullu pillugit Naalakkersuisut kingusinnerpaamik 2017-ip naannginnerani saqqummiunneqartussamik nalunaarusioqqullugit peqquneqarnissaannik Inatsisartut aalajangiiffigisassaattut siunnersuut.
(Siumuts Inatsisartutgruppe)
Imm./pkt.: 109
Meeqqat tamarmik tunngavimmigut assigiimmik tapisiaqartinneqarnissaat qulakkeerniarlugu, meeqqanut tapip allanngortiterneqarnissaa pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anders Olsen, Siumut)
Imm./pkt.: 110
Siull. 4/5
Allannguutissatut siunnersuut Naalakkeruisunit saqqummiuneqartoq akuerineqarpoq.
Angallatit nunatsinni talittarfinnut talinnerini avalattussanngornerinilu ilanngaaserisut misissuisarnerat pillugu nukittorsaasoqassappat pisariaqartitsineq, periarfissat piumasaqaatillu pillugit Naalakkersuisut nalunaarusioqqullugit kingusinnerpaamik UPA2018-imi saqqummiussassamik peqquneqarnissaannik Inatsisartut aalajangiiffigisassaattut siunnersuut.
(Siumup gruppia)
Imm./pkt.: 111
Siull. 19/4-2016
Inuup sananeqaataasa ilisarnaataannik qitiusumik nalunaarsuiffik pillugu inatsisip atuutilersinneqarneranik peqqussutissamut siunnersuut aamma inuup sananeqaataasa ilisarnaataannik qitiusumik nalunaarsuiffik pillugu inatsisip, eqqartuussisarneq pillugu inatsisip aamma qamutinik assakaasulinnik nalunaarsuisarneq pillugu inatsisip allanngortinneqarnerannik inatsimmi § 1-ip Kalaallit Nunaannut atuutilersinneqarneranik peqqussutissatut siunnersuummut (Naalagaaffinnik Den Europæiske Unionip avataneersunik inuup sananeqaataasa ilisarnaatai, pussuit ipaasa assilineqarnerinik aamma qamutit pillugit paasissutissanik paarlaateqatigiittarneq) Namminersorlutik Oqartussat oqaaseqaateqarnissaat pillugu Inatsisartut aalajangiiffigisassaattut siunnersuut.

(Pinngortitamut, Avatangiisinut Inatsisinillu Atuutsitsinermut Naalakkersuisoq)
Imm./pkt.: 112
Siull. 11/5
Allannguutissatut siunnersuut Naalakkersuisunit saqqummiunneqartoq akuerineqarpoq.
Tunumiut Kalaallisuuinik Kalaallisuuliornermut Ilinniarfissamik Naalakkersuisut Tasiilami pilersitsiniarnissaat pillugu peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Laura Tàunâjik, Siumut)
Imm./pkt.: 113
Siull. 23/9-2016
Aappass. 10/11-2016
Pingajuss. 21/11-2016
Maajip aappaanni 2017-imi pingajussaneerneqarnissaa tunuartinneqarpoq.
Uunga siunnersuut: KNI A/S pillugu Inatsisartut peqqussutaata allanngortinneqarneranik Inatsisartut inatsisaat nr. xx, xx 2016-imeersoq. (Ingerlatseqatigiiffissuup KNI-p suliassaasa killilerneqarnerat)
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 114
Nuummi inissisimasussamik Nunatta inuiattut timersornikkut unammersuartarfissaannik pilersaarutip FIFA-p piumasaqaataanut naapertuuttumut aningaasalersorneqarnissaannut periarfissanik misuissuisussamik suleqatigiisitamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Anders Olsen, Siumut)
Imm./pkt.: 115
Siull. 11/5
Ataatsimiititaliap isumaqatigiittup allannguutissatut siunnersuutaa akuerineqarpoq.
Aalisarneq pillugu Inatsisartut Inatsisaat allanngorteqqullugu imaalillugu Kalaallit Nunaata kitaani raajanut TAC –ip agguaanneqarnerani sinerissap qanittuani aalisartunut avataasiortunullu assigiimmik 50/50-ngortillugu suliareqqullugu Naalakkersuisut peqquneqarnissaannik Inatsisartut aalajangiiffigisassatut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 119
Uunga siunnersuut: Piginnaanngorsaaqqinnissamut ikiorsiisarneq pillugu Inatsisartut peqqussutaata allanngortinneqarneranik Inatsisartut inatsisaat nr. xx, xxx 2017-imeersoq.
(Qulaajaaniarluni ingerlassaq, eqaannerusumik suliffeqarneq, aamma aningaasarsianut tapiissutit)
(Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq)
Imm./pkt.: 120
Uunga siunnersuut: Upalungaarsimanermut inatsimmi aalajangersakkat ilaasa atuutilersinneqarnerannik Kalaallit Nunaannut peqqussummut Namminersorlutik Oqartussat oqaaseqaatissaat pillugu Inatsisartut aalajangiiffigisassaattut siunnersuut.
(Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq)
Imm./pkt.: 121
Siull. 5/10-2016
Uunga siunnersuut: Atuarfik pillugu Inatsisartut inatsisaata allanngortinneqarneranik Inatsisartut inatsisaat nr. xx, xx xx 2016-imeersoq. (Atuarfik pillugu angajoqqaat nuna tamakkerlugu siunnersuisoqatigiivinik pilersitsineq)
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 122
Inatsisartut aalajangiiffigisassaattut siunnersuut Naalakkersuisut peqqunneqassasut Island-imi kalaallit sinniisoqarfiannik pilersitsinissamut, pitsaasumik sanileriinnerup ineriartornera qulakkeerniarlugu Kalaallillu Nunaannut inuiaqatigiinnullu kalaallinut Island-imik suleqateqarnerup sapinngisamik annertunerpaamik pitsaanerpaamillu iluanaarutigisinnaaqqullugu.
(Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq)
Imm./pkt.: 123
Uunga siunnersuut: Oqaasiliortut pillugit Inatsisartut inatsisaat nr. xx, xx. xxx 2017-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 124
Uunga siunnersuut: Nunat Aqqinik Aalajangiisartut pillugit Inatsisartut inatsisaat nr. xx, xx. xxx 2017-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 125
Uunga siunnersuut: Pisortani Digitalimik Allakkerineq pillugu Inatsisartut inatsisaat nr. xx, xx. xxx. 2017-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 126
Siull. 28/4
Aappass. aamma Pingajuss. UKA 2017
Uunga siunnersuut: Meeqqanut atuartunut perorsaanikkut inerikkiartuutaasunik sunngiffimmi neqeroorutit pillugit Inatsisartut inatsisaat nr. xx, xx. xxx 2017-imeersoq.
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 127
Uunga siunnersuut: Folkehøjskolit pillugit Inatsisartut inatsisaata allanngortinnera pillugu Inatsisartut inatsisaat nr. xx, xx. xxx 2017-imeersoq.
(Meeqqat atuarfianni inaarutaasumik misilitsinnerit ingerlannissaannut pisinnaatitsissut, aningaasalersuinermut aalajangersakkat aamma ilinniagaqarnersiat pillugit malittarisassat allannguutaat)
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 128
Siunnersuut uunga: Atornerluineq pillugu Inatsisartut Inatsisaat nr. xx xx. 2017-imeersoq.
(Peqqissutsimut Naalakkersuisoq)
Imm./pkt.: 130
Uunga siunnersuut: Utoqqalinersiaqarneq pillugu Inatsisartut inatsisaat nr. xx, xx xxx 2017-imeersup allanngortinnissaa pillugu Inatsisartut inatsisaat.
(Inatsisip kalaallisut oqaasertaani § 17, imm. 6-mut aaqqiissut)
(Ilaqutariinnermut, Naligiissitaanermut, Isumaginninnermut Inatsisinillu atuutsit-sinermut Naalakkersuisoq)