Ullormut oqaluuserisassat
sisamanngorneq 25. October 2018, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 193
Uunga siunnersuut: Kommunit suliffeqarfinnik pigisaasa sanaartukkanillu pigisaasa ilaasa pisiarinerinut, qularnaveeqqusernerinut attartornerannulluunniit akuersisarneq pillugu Inatsisartut inatsisaat nr. xx, xx. xxx 2018-imeersoq.
Aningaasaqarnermut Naalakkersuisoq
Imm./pkt.: 48
1. juli 2019-miit atuutilersumik inatsisinut nalunaarutit atuutsinneqalernissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 108
Inissianik attartortitsisarneq pillugu Inatsisartut peqqussutaani nr. 2-mi, 12. maj 2005-imeersumi ilanngussaq 4 (Ileqqorissaarnissamut malittarisassat) allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasillunga tunngaviusumik pisortat inissiaataanni qimmeqarnissaq aamma/imaluunniit qitsuuteqarnissaq akuerineqarsinnaalersillugu.
Inatsisartunut ilaasortaq Randi Vestergaard Evaldsen, Demokraatit
Imm./pkt.: 133
Aappassaaneerinninnermi Allannguutissatut siunnersuut Aningaasaqarnermut Akileraartarnermullu Ataatsimiititaliamit saqqummiunneqartoq akuerineqarpoq.
Suliffeqarfissuit immikkoortortallit, suliffeqarfissuarni piginnittut aalajangersimasumillu ingerlatsiviusut akornanni nakkutigisaasumik nussuisarnerit akiinik aalajangersaasarnerit pillugit malitassat nalilersoqqissaaqqullugit inerneralu UKA2019-imi agguaateqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut (“Transfer-pricing”). Matumani siunertarineqarpoq akileraartarnikkut pilersarutipalaalersorsinnaanerit pinngitsoortinniarlugit malitassat sukateriffigineqarsinnaanerat, taassumalu ataani ulluinnarni ingerlatsinerit ataqqineqarnissaat.
Inatsisartunut ilaasortaq Henrik Fleischer, Siumut
Imm./pkt.: 107
Aappass. UPA 2019
Aningaasartuutit suulluunniit Inatsisartunit taakkulu allattoqarfianit aningaasartuutigineqartut kikkunit tamanit takuneqarsinnaanngornissaat pillugu taamatullu kikkut tamarmik paasiniaasinnaanngornissaat pillugu Inatsisartut Suleriaasiata allanngortinnissaanut Inatsisartut Siulitaasoqarfiat siunnersuuteqaqqullugu peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Niels Thomsen, Demokraatit
Imm./pkt.: 139
Kalaallit Nunaanni sumiiffinni amerlasuuni unammilleqatigiinneq amingarsin-naasartoq ataqqillugu piffissap ilaani biilinik misissuisarnissamut siunnersuusiortussanik suleqatigiisitamik suligasuartussanik ataatsimoorluni pilersitsinissaq kissaatigalugu danskit Transportministereqarfiannut saaffiginneqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Steen Lynge, Demokraatit
Imm./pkt.: 137
Aappassaaneerinninnermi Allannguutissatut siunnersuut Inuussutissarsiornermut Atsitassanullu Ataatsimiititaliamit saqqummiunneqartoq akuerineqarpoq.
Kingusinnerpaamik UKA 2019-mi Majoriaq pillugu naliliinermik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Naliliinermi nassuiarneqassaaq innuttaasut ilinniniarnissaannut sulilernissaannullu piareersaasarnissaminut Majoriap siunertani qanoq naammassitigisimaneraa. Naliliinermut ilanngullugu aamma maannamut misilittakkat tunngavigalugit pitsanngorsaanissanut sipaarutissanullu siunnersuutit ilannguteqquneqarput.
Inatsisartunut ilaasortaq Nivi Olsen, Demokraatit
Imm./pkt.: 141
Aappassaaneerinninnermi Allannguutissatut siunnersuut Sanaartornermut Ataatsimiititaliamit saqqummiunneqartoq akuerineqarpoq.
Nuummi illut minillugit Illunik aningaasalersuisarnerup, niueruteqarnerup attartortitsisarnerullu unammilleqatigiinnermik tunngaveqarnerulernissaat pillugu 2020-mi Upernaakkut ataatsimiinnissamut najukkani assigiinngitsuni illut suuneri najoqqutaralugit periarfissat pillugit nalunaarusioqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Nalunaarusiami aamma ineriartorneq tamanna siuarsarumallugu periarfissaasinnaasut pingaarnersiorlugit allaasereqquneqarput.
Inatsisartunut ilaasortaq Justus Hansen, Demokraatit