Arlaat toqqaruk

Oqaluuserisassat oqaluuserineqarfissaasalu ullui

2018-imi Ukiakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat

Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat

Imm./pkt.: 3a
Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat

Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq. (Matoqqasumik ataatsimiinneq)
Inatsisartut Siulittaasoqarfiat

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
Inatsisartut Siulittaasoqarfiat

Imm./pkt.: 6
2019-mi Inatsisartut Upernaakkut ataatsimiinnissaata aalajangiiffigineqarnera.
Inatsisartut Siulittaasoqarfiat

2019-mut aningaasanut inatsisissatut siunnersuut.
Aningaasaqarnermut Naalakkersuisoq

Imm./pkt.: 14
Nunanut allanut tunngasutigut naalakkersuinikkut ingerlatsineq pillugu nassuiaat 2018.
Ilinniartitaanermut, Kultureqarnermut, Ilageeqarnermut Nunanut Allanullu Naalakkersuisoq

Imm./pkt.: 15
Naalakkersuisut siulittaasuata ammaanermi oqalugiaataa.
Naalakkersuisut Siulittaasuat

Naalakkersuisunik qinersineq.
Naalakkersuisut Siulittaasuat

Uunga siunnersuut: Meeqqanut tapiissutit pillugit Inatsisartut inatsisaata allanngortinnera pillugu Inatsisartut inatsisaat nr. xx, xx. xxx 2018-imeersoq.
(Naatsorsuinermut periaaseq nutaaq, aningaasarsiat akileraarutaasussat maannakkorpiaq aningaasarsianit taarserneqarput aamma procenti aaqqiissutissaq atorlugu meeqqanut tapiissutit aaqqiivigineqartarneri)
Peqqissutsimut, Isumaginninnermut Inatsisinillu Atuutsitsinermut Naalakkersuisoq

Kalaallit Nunaanni pinerluttulerinermi inatsisip aamma Kalaallit Nunaanni eqqartuussisarneq pillugu inatsisip (Kinguaassiuutitigut pinerluttarnerit il.il.) allanngortinneri pillugit inatsisissatut siunnersuummut missingiummut Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
Peqqissutsimut, Isumaginninnermut Inatsisinillu Atuutsitsinermut Naalakkersuisoq

Imm./pkt.: 21
Uunga siunnersuut: Nuummi aamma Ilulissani nunanit tamalaanit mittarfiit kiisalu Qaqortumi nunap immikkoortuani mittarfiup sananeqarnissaannut, ingerlanneqarnissaannut aningaasalersorneqarnissaannullu killiliussatut piumasaqaatit pillugit Inatsisartut inatsisaat nr. xx, xx. xxx 2018-imeersoq.
Ineqarnermut Attaveqaqatigiinnermullu Naalakkersuisoq

Imm./pkt.: 26
Qinigaanerup Misilinneqarnissaanut Ataatsimiititaliap qinigaasinnaaneq pillugu inassuteqaataa.
Qinigaanerup Misilinneqarnissaanut Ataatsimiititaliaq

Imm./pkt.: 27
Inuit nappaammik eqqorneqarsimasut oqaaseqartartoqalersinnaanerat pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Jess Svane, Siumut

Uunga siunnersuut: 2019-mut aningaasanut inatsisissamut siunnersuutip akuersissutiginissaanut killigititat sivitsorneqarneri, nuna tamakkerlugu akileraarutip procentiata aalajangersarnera, nuna tamakkerlugu immikkut akileraarut aamma 2019-imi kommuninut akileraarut kiisalu kommunini meeqqanut suli atualinngitsunut ulluunerani neqeroorutinut 2019-imi akiliuteqartarneq pillugit Inatsisartut inatsisaat nr. xx, xxx 2018-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq

Inuit inigisaminniit anisitaasarunnaarnissaat siunertaralugu Naalakkersuisut periusissiamik UPA2019-imi saqqummiussassamik suliaqaqqullugit peqquneqarnissaat Inatsisartut aalajangiiffigisassaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 40
Aappassaaneerinninnermi Allannguutissatut siunnersuut Sanaartornermut Ataatsimiititaliamit saqqummiunneqartoq akuerineqarpoq.
Kangerlussuarmi, Narsarsuarmi Kulusummilu innaallagissamut imermullu nunap sinnerani akinut naligiissarneqarnissaat pillugu Naalakkersuisut 1. Januar 2019-miit atuutilertussamik Mittarfeqarfiit aqqutigalugu naligiisitseqqullugit peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Nunatsinni aatsitassarsiornermi uranimik aatsitassallu allanik ulorianartunik qinngornertalinnik saniatigut tamakkiisumilluunniit piiaasoqarsinnaalissanersoq pillugu innuttaasunik taasititsisoqarnissaanik siunnersuut, taasititsinissarlu sioqqullugu inuit ilisimasanik tamakkiinerusunik tunngavisseqqullugit arlaannaannut attuumassuteqanngitsumik suliamillu ilisimasaqarnermik illuinnaasiunngittumillu tunngaveqartumik paasititsiniaanerit aallarteqqullugit Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut Inuit Ataqatigiit ilaasortaatitaat

Ujaqqanik pinnersaasiornermik ingerlatsisut misilittagaannik ilanngussisumik nassuiaammik, inuussutissarsiornermik ingerlatsereersut akornanni, aallartitsisussani kiisalu annikitsumik aatsitassarsiornermik akuersissutinik piginnittut nalilinnik annertunerusumik kaaviiaartitsinissamut sulisuminnillu amerlisaanissamut aaqqissuussaanikkut aammalu inatsisitigut aporfissat suunerannik kingusinnerpaamik UKA2019-imi Naalakkersuisut saqqummiussinissaat pillugu Inatsisartunut aalajangiiffigisassatut siunnersuut. Aporfittut suussusersineqartut qanoq ililluni piujunnaartinnissaannut sapinngisamilluunniit aporfiit annikinnerpaamiitinnissaannut siunnersuummik nassuiaat imaqassaaq.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 44
UPA 2019
INI A/S-ip, Illuut A/S-ip kiisalu Namminersorlutik Oqartussat illuutaannik aallaqqaataasumik akiliutigineqartartut kattunneqarnissaat pillugu Naalakkersuisut UPA2019-mut pilersaarusioqqullugit peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Ingerlatseqatigiiffimmik Namminersorlutik Oqartussat aalajangiisuusumik sunniuteqarfigisaanik aatsitassanut suliniutinik pilersaarusiornermik qalluinermillu siunertaqartumik pilersitsinissaq pillugu Naalakkersuisut kingusinnerpaamik UPA2020-mut nassuiaammik saqqummiussinissaat pillugu Inatsisartunut aalajangiiffigisassatut siunnersuut. Nassuiaammi ilanngullugu ingerlatseqatigiiffimmut aningaasalersueriaatsit piginneqatigeeriaatsillu ilanngunneqarnissaannik Naalakkersuisut kissaateqarfigineqarput. Nassuiaammissaaq aatsitassanut suliniutinut qanoq annertussusilinnut ingerlateqatigiiffiup aningaasalersuinissaanik piviusunngortitsinissaanullu siunnerfilerneqarnissaa ilanngullugu eqqarsaatigineqassaaq.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 47
Aappassaaneerinninnermi Allannguutissatut siunnersuut Naalakkersuisunit saqqummiunneqartoq akuerineqarpoq.
Nappaatit suut napparsimasut sivikitsumik piffissamiluunniit aalajangersimasumik sivisussusiligaanngitsumi Danmarkiliarlutik katsorsartikkiartortariaqalertanerannik kinguneqartarnersut pillugit Naalakkersuisut UPA2019-mi nassuiaammik saqqummiussinissaat pillugu Inatsisartunut aalajangiiffigisassatut siunnersuut. Nassuiaammi aningaasatigut nakorsaanikkullu periarfissat suut ungasinnerusoq isigalugu napparsimasunik Danmarkimut katsorsartikkiartortunik ikilisitsisinnaasut ilanngunneqassapput.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 49
Imm. 49, 81 aamma 140 ataqatigiisillugit siullermeerneqarput.

Aappass. UPA 2019
Peqquserluuteqartarnerup akiorniarnerani suliniutit qanoq nukittorsarneqarsinnaanerat pillugu UKA 2019-mi nassuiaammik innersuussutitalimmik agguaasseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Nassuiaammi aamma allaasereqquneqarput iluaqutissat ajoqutillu aamma aningaasatigut kingunissat inatsisitigullu tunngavissat, arlaannaannulluunniit attuumassuteqanngitsumik Peqquserlutsaaliuisussanik pilersitsisoqassasuuppat taamatullu aamma peqquserlutsaaliuisussat pillugit inatsisiliortoqassasuuppat, peqquserluuteqartarnerup akiornerani suliniutinik katersiviusussamik.
Inatsisartunut ilaasortaq Steen Lynge, Demokraatit

Imm./pkt.: 50
Imm. 50 aamma 79 ataqatigiisillugit siullermeerneqarput.
Aningaasarsiaqartitaaneq pillugu inatsisip ilaasortaajunnaarnersiutisiaqartarnermut malittarisassartaasa allanngortinnissaannut siunnersuuteqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni ilaasortaajunnaarnersiutisiaqarnerup nalaani akissarsiat tamarluinnaasa ilaasortaajunnaarnersiutisianit ilanngaatigineqarsinnaanngorlugit.
Inatsisartunut ilaasortaq Niels Thomsen, Demokraatit

Imm./pkt.: 51
Ilinniartut inuutissarsiutigilerumaagassaminnut ilinniakkamut naammassigunik tigusinnaanngortagassaannik ilinniartunuinnarlu atuuttussamik nammineq initaarnissamut ileqqaartalernissamut periarfissamik eqqusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Ileqqaakkat taamaallaat piginneqatigiilluni illussamut imaluunniit nammineq pigisassamik illussamut aallaqqaasiutitut atorneqartassapput.
Inatsisartunut ilaasortaq Malene Vahl Rasmussen, Demokraatit

Imm./pkt.: 52
Imm. 52, 53, 54 aamma 55 ataqatigiisillugit siullermeerneqarput.

Aappassaaneerinninnermi Allannguutissatut siunnersuut Naalakkersuisunit saqqummiunneqartoq akuerineqarpoq.
Inuusuttut 18-t norlugit ukiullit unnukkut nalunaaqutaq 20:00-p kingorna Cafèliarlutik kakaoitorsinnaanngornissaat, sodavanditorsinnaanngornissaat assigisaannilluunniit najoqqaasinnaanngornissaat pillugu Imigassaq pillugu Inatsisartut Inatsisaanni § 20 imm. 4 atorunnaarsinnissaanut siunnersuuteqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Malene Vahl Rasmussen, Demokraatit

Imm./pkt.: 53
Imm.52, 53, 54 aamma 55 ataqatigiisillugit siullermeerneqarput.

Aappassaaneerinninnermi Allannguutissatut siunnersuut Naalakkersuisunit saqqummiunneqartoq itigartinneqarpoq.
Imigassaq pillugu inatsit allanngortinniarlugu siunnersuummik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasillutik niuertarfiit imigassanik aalakoornartortalinnik nioqquteqarsinnaalersillugit ataasinngornermiit arfininngornermut nalunaaqutaq ullaakkut quliniit unnukkut arfineq-pingasup tungaanut.
Inatsisartunut ilaasortat Justus Hansen aamma Randi Vestergaard Evaldsen, Demokraatit

Imm./pkt.: 54
Imm.52, 53, 54 aamma 55 ataqatigiisillugit siullermeerneqarput.

Aappassaaneerinninnermi Allannguutissatut siunnersuut Inuit Ataqatigiinnit saqqummiunneqartoq itigartinneqarpoq.
Imigassamut inatsimmi imigassat aalakoornartortallit pillugit pilerisaarutit suulluunniit inerteqqutaanerata atorunnaarsinnissaa imaluunniit allamik taama sakkortutigisumik taarserneqarnissaanut Imigassaq pillugu Inatsisartut inatsisaata allanngortinnnissaanut allannguutissamik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 55
Imm.52, 53, 54 aamma 55 ataqatigiisillugit siullermeerneqassapput.

Imm./pkt.: 56
Aappass. UPA 2019
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaat allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, maannakkut periuseq imatut allanngortillugu, partiit Inatsisartuni sinniisuutitaqartut tunngaviusumik 850.000 koruuninik tapiissummik pisalersillugit kiisalu kingullermik Inatsisartunut qinersinerup inernera tunngavigalugu taasinermut ataatsimut 200 koruuninik pisalersillugit. Attaviitsut taasinermut ataatsimut 200 koruuninik ukiumut tapiissutisisalersinneqassapput agguaqatigiisitsineq 1/31 atorlugu kiisalu taasinerit tamarmiusut tunngavigalugit. Allannguineq atulersinneqassaaq ulloq 1. januaari 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 57
Inunnik perulunnertik aamma ikiorneqarsinnaajunnaarnertik pissutigalugu toquinnarusullutik kissaateqartunut ikiuineq inuiaqatigiittut qanoq isummerfigissallugu kissaateqarnersugut pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 58
Pisortat ingerlatseqatigiiffiisa allattugaataanik innuttaasut piniarsinnaalersinnissaat anguniarlugu Pisortat ingerlatsinerat pillugu paasitinneqarsinnaatitaanermut inatsisartut inatsisaat allanngortittariaqarnersoq pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Justus Hansen, Demokraatit

Imm./pkt.: 60
Imm.60 aamma 234 ataqatigiisillugit siullermeerneqassapput.
Piniakkat killilersukkat avanersuarmi Ittoqqortoormiinilu killilersorneqarunnaarnissaat anguniarlugu apeqquteqaat aallaavigalugu oqallisissiaq.
Inatsisartunut ilaasortaq Jens Napãtôk´, Partii Naleraq

Imm./pkt.: 61
Apeqquteqaat aallavigalugu oqallinnissamik ingerlateqatigiiffiit akileraarutaannik appaaratarsinnaanermik siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 62
Aappass. UPA 2019
Namminersorlutik Oqartussat suliffeqarfiutaanni aktieselskabini siulersuisuinut siulittaasunik toqqaasarneq pillugu oqallinnissamik siunnersuut.
Inatsisartunut ilaasortaq Jens Napãtôk´, Partii Naleraq

Uunga siunnersuut: Kalaallit Nunaanni Inatsisartunut qinersisarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, uu. qqqq 2018-imeersoq.
(Partiit qinigassanngortitsisinnaatitaanerat, namminersorneq pillugu inatsimmi taaguutinut naleqqussaaneq, inatsisiliornerillu allanngornerisa malitsigisaannik iluarsiinerit)
Inatsisartunut ilaasortaq Bentiaraq Ottosen, Atassut

Imm./pkt.: 79
Imm.50 aamma 79 ataqatigiisillugit siullermeerneqarput.
Kingusinnerpaamik UKA 2019-mi aningaasarsiaqartitaanermut inatsisip allanngortinnissaanut siunnersuusioqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, tassani aalajangersarneqassalluni, Inatsisartunut ilaasortat Folketingimi ilaasortaasut imaluunniit aamma kommunalbestyrelsimi ilaasortaasut aningaasarsiaat appartinneqartassasut tassani atorfimmik aappaani aningaasarsiaasa amerlaqataannik aamma taamannak ilanngaassisoqartassasoq borgmesteritut, borgmesterilluunniit tullersortaatut atorfik eqqarsaatigalugu. Inatsit atortussanngortinneqassaaq tulliani Inatsisartunut qinersisoqarneraniit.
Inatsisartunut ilaasortaq Tillie Martinussen, Suleqatigiissitsisut

Nuna tamakkerlugu Pinaveersaartitsinermut Siunnersuisoqatigiinnik pilersitsinissaq pillugu
kingusinnerpaamik UKA2019 - mi siunnersuummik saqqummiusseqqullugit Naalakkersuisut
peqquneqarnissaanik Inatsisartut aalajangiiffigisassaattut siunnersuut. Siunnersuisoqatigiit
Naalakkersuisunut, Inatsisartunut taamatullu kommuninut siunnersuisartuussapput atulissallutillu najukkani pinaveersaartitsinermut ataatsimiititaliaq, Imigassaq aamma Ikiaroornartoq pillugit Siunnersuisoqatigit kiisalu immaqa Peqqinnissaqarfinni pinaveersaartitsisutut siunnersortitut atorfillit taarserlugit.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 81
Imm.49, 81 aamma 140 ataqatigiisillugit siullermeerneqarput.

Aappass. UPA 2019
Immikkoortortamut arlaannaannulluunniit naammattumik attuumassuteqanngitsumut whistleblowerit pillugit misissuineq nooqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Tillie Martinussen, Suleqatigiissitsisut

Maannakkut ineqarnermut tapit pillugit malittarisassani isertitat tunngaviusarneri pinngitsoorani ilumut inunnut aningaasatigut pisariaqartitsinerpaaginnarnut atuunnersut pillugit allaaserinninnertalimmik misissuinertalimmillu UKA2019-mi nassuiaammik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Aamma ilanngunneqassaaq init ataasiakkaat ingerlanneqarnerannut aningaasartuutit piviusut aaqqissuussinerup qularnaartarnerai. Nassuiaammi aamma ilanngunneqassapput tigussaasut siunnersuutit innersuussinerillu Akileraartarnermut Atugarissaarnermullu Ataatsimiititaliap allaaserisai ineqarnermut tapiisarnermut tunngatillugu ataqatigiissaariniarnikkut ajornartorsiutaasartut ataatsimoortumik aaqqiiviginiarlugit.
Inatsisartunut ilaasortaq Tillie Martinussen, Suleqatigiissitsisut

Nalakkersuisut pisussaaffilerneqassasut kingusinnerpaamik UA/2019-imi aningaasaateqarfimmik pilersitsinissamik siunnersuuteqassasut Kalaallit Nunaanni isumagininnikkut ajornartorsiutaasunik ilisimatusarnissanut, nalilersuinissanut pinaveersaartitsinissanut misissuinissanullu atorneqartussamik. Meeqqat inuusuttullu navianartumik inissisimasut - imaluunniit meeqqat inuusutullu navianartorsiortinneqarnissaminnut aarlerinartumiittut ilaqutaallu pingaarnerusutigut aningaasaateqarfiup siunertatut siunertarissavaa. Siusinaarluni iliuutsit, aningaasarsiornertigut siusinaarluni iliuuseqarusulersitsisunik ingerlatinnarlunilu iliuuseqarnissat aamma periutsinik nalimmassaanerit, inunnik isumaginninnermi katsorsaanissamik allanillu neqeroorutit aningaasaateqarfimmi ukkatarineqarnerussapput.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 92
Sul. UPA 2019
Angallatit nuannaariutit pillugit aammalu angallatinut nuannaariutinut tamanut isumannaallisaanermut ajunaalernermullu atortoqarnissamut piumasaqaateqalernissaq pillugu imaani isumannaallisaaneq pillugu apeqquteqaat aallaavigalugu oqallinnissamut siunnersuut.
Inatsisartunut ilaasortaq Aleqa Hammond, Nunatta Qitornai

Imm./pkt.: 99
Kiffartuussinermut isumaqatigiissutit aqqutigalugit inunnut illoqarfissuit avataaniittunut timmisartumut billittit akikinnerusut qanoq iliorluta qulakkeersinnaanerigut pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Justus Hansen, Demokraatit

Imm./pkt.: 100
Inunnut ulorianartumik pinerluttarnerup qanoq iliorluni millisarneqarneqarsinnaanera pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Justus Hansen, Demokraatit

Imm./pkt.: 101
Sul. UPA 2019
Ilaqutariit nukittorsarumallugit ilaqutariinnik siunnersuisartut (coaching) pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Nivi Olsen Demokraatit

Imm./pkt.: 102
Sul. UPA 2019
"17-nik ukiulinnut biilernermut allagartamik misiliutigalugu tunniussisarnissaq pillugu nalunaarut" 2017-mi januarip ulluisa aallaqqaataani atuutilersoq akuerissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 103
Aappass. UPA 2019
Inuussutissanik allagartalersuisarneq pillugu Namminersornerullutik Oqartussat nalunaarutaanni nr. 1-mi, 2. februar 1994-imeersumi § 11 imm. 2 nummer 1-p allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, nalunaaqutsersuisarneq aamma tuluttut pisinnaanngortillugu.
Inatsisartunut ilaasortaq Steen Lynge, Demokraatit

Kalaallit Nunaanni pinerluttulerinermi Inatsimmi § 20 imm. 2-p allanngortinnissaa pillugu danskit naalakkersuisuinut attaveqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni unioqqutitsinerit imaluunniit inatsimmi § 99 naapertorlugu unioqqutitsinerit ilungersunartut immikkut taasat pisortanit unnerluutiginnittussaatitaasunit eqqartuussinermut utaqqisitassamut atatillugu unnerluutiginnissutissanngortillugit.
Inatsisartunut ilaasortaq Steen Lynge, Demokraatit

Imm./pkt.: 106
Aappassaaneerinninnermi Allannguutissatut siunnersuut Ilaqutariinnermut Peqqissutsimullu Ataatsimiititaliamit saqqummiunneqartoq akuerineqarpoq.
Angajoqqaat sulinngiffeqartarnerat pillugu malittarisassani atuuttut allanngortinnissaannut siunnersuusioqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni sulinngiffeqartarneq sapaatip akunnerinik sisamanik sivitsorneqartussanngorlugu. Allannguut atuutilissaaq ulloq 1. juuli 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 107
Aappass. UPA 2019
Aningaasartuutit suulluunniit Inatsisartunit taakkulu allattoqarfianit aningaasartuutigineqartut kikkunit tamanit takuneqarsinnaanngornissaat pillugu taamatullu kikkut tamarmik paasiniaasinnaanngornissaat pillugu Inatsisartut Suleriaasiata allanngortinnissaanut Inatsisartut Siulitaasoqarfiat siunnersuuteqaqqullugu peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Niels Thomsen, Demokraatit

Inissianik attartortitsisarneq pillugu Inatsisartut peqqussutaani nr. 2-mi, 12. maj 2005-imeersumi ilanngussaq 4 (Ileqqorissaarnissamut malittarisassat) allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasillunga tunngaviusumik pisortat inissiaataanni qimmeqarnissaq aamma/imaluunniit qitsuuteqarnissaq akuerineqarsinnaalersillugu.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 113
Avammut tunioraaneq pillugu Naalakkersuisunut susassaqartunullu sumulluunniit attuumassuteqanngitsumik nalilersueqqissaarluni inassuteqaasiortartussamik, Avammut Tunioraarneq pillugu Siunnersuisooqatigiinnik kingusinnerpaamik UKA19-imi pilersitseqqullugit Naalakkersuisut peqquneqarnissaannik siunnersuut. Ilanngullugu siunnersuutigineqarpoq, avammut tunioraarnerup siuarsarneqarneranut suliniutit ingerlaavartumik nalilersorneqartarnissaat siunnersuisooqatigiit suliassaannut ilaatinneqassasoq.
Inatsisartunut ilaasortaq Karl-Kristian Kruse, Siumut

Ilinniarnertuunngorniarfinni ilinniutit, ilinnarnerup ingerlanera, atortussallu allat Namminersorlutik Oqartussanik tapiiffigineqarluni pineqartartut ilinniarnertuunngorniarfinni siunertanut tapersersuisuunersut Naalakkersuisunit misissuiffigineqarnissaannik nalunaarusiorneqarnissaannillu inatsisartunut aalajangiiffigisassaattut siunnersuut. Nalunaarusiaq kingusinnerpaamik UKA2019-mi saqqummiunneqassaaq siunissamut isigisumik pitsaassutsimik qulakkeerininnissamut innersuussinernik imaqassalluni.
Siumup Inatsisartunut ilaasortaatitai

Imm./pkt.: 115
Apeqquteqaat aallaavigalugu oqallinnissamik siunnersuut: Ingerlatseqatigiif-fissuit Namminersorlutik oqartussanit pigineqartut siunissami inuiaqatigiinni qanoq iliuusissatigullu pilersaarutini qanoq inissisimatinneqassappat.
Inatsisartunut ilaasortaq Karl-Kristian Kruse, Siumut

Imm./pkt.: 116
Suliniutini angisuuni illuliortiternernik sanaartornernillu suliassat pillugit Inatsisartut inatsisaanni nr. 25, 18. december 2012-imeersumi, §6 imm.1-imut allannguutissamik, pilersaarusiap sanaartornermut aningaasartuutissaasa 600 millionit kronit qaangeraagagit suliniutitut angisuutut isigineqarsinnaasunngorlugu, kingusinnerpaamik UKA2019-imi saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Siumup Inatsisartuni gruppia

Imm./pkt.: 119
Qanoq puisit amiinik tunisassiorneq siuarsarneqarsinnaava, kiisalu suut qanorlu iliuutsit sineriapput tamakkerlugu puisit amiinik tunioraarnerup siunissami qaffasissumiitittuarnissaanut iluaqutaasinnaappat.
Inatsisartunut ilaasortaq Jens Danielsen, Siumut

Imm./pkt.: 121
Immikkoortut 159 aamma 121 ataqatigiisillugit siullermeerneqassapput.
Taaguutinik akuersissuteqartarnermi Oqaasiliortut sulinerat nalilersuiffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalilersuineq inaarsarneqassaaq UKA2019 tikitsinnagu, kalaallisut taaguusersuinerup ineriartortinneqarnissaanut suliat annertusarnissaannut innersuussutinik aamma imaqartinneqassaaq.
Siumup inatsisartunut ilaasortaatitai

Imm./pkt.: 133
Aappassaaneerinninnermi Allannguutissatut siunnersuut Aningaasaqarnermut Akileraartarnermullu Ataatsimiititaliamit saqqummiunneqartoq akuerineqarpoq.
Suliffeqarfissuit immikkoortortallit, suliffeqarfissuarni piginnittut aalajangersimasumillu ingerlatsiviusut akornanni nakkutigisaasumik nussuisarnerit akiinik aalajangersaasarnerit pillugit malitassat nalilersoqqissaaqqullugit inerneralu UKA2019-imi agguaateqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut (“Transfer-pricing”). Matumani siunertarineqarpoq akileraartarnikkut pilersarutipalaalersorsinnaanerit pinngitsoortinniarlugit malitassat sukateriffigineqarsinnaanerat, taassumalu ataani ulluinnarni ingerlatsinerit ataqqineqarnissaat.
Inatsisartunut ilaasortaq Henrik Fleischer, Siumut

Imm./pkt.: 136
Meeqqerivinni pikkorissunik sulisoqalernissaq anguniarlugu qanoq iliorluta perorsaasutut ilinniarnerup sulinissallu pilerinarnerulernissaa pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Nivi Olsen, Demokraatit

Imm./pkt.: 137
Aappassaaneerinninnermi Allannguutissatut siunnersuut Inuussutissarsiornermut Atsitassanullu Ataatsimiititaliamit saqqummiunneqartoq akuerineqarpoq.
Kingusinnerpaamik UKA 2019-mi Majoriaq pillugu naliliinermik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Naliliinermi nassuiarneqassaaq innuttaasut ilinniniarnissaannut sulilernissaannullu piareersaasarnissaminut Majoriap siunertani qanoq naammassitigisimaneraa. Naliliinermut ilanngullugu aamma maannamut misilittakkat tunngavigalugit pitsanngorsaanissanut sipaarutissanullu siunnersuutit ilannguteqquneqarput.
Inatsisartunut ilaasortaq Nivi Olsen, Demokraatit

Imm./pkt.: 138
Sul. UPA 2019
Inuusuttut nunanut allanut ilinniariarsimasut inuiaqatigiinnut ilisimasaminnik piginnaasaminnillu ilapittuutaajartorlutik angerlaqqinnissaminnut piumassuseqarnerulernissaat anguniarlugu uagut Inatsisartuni ilaasortat qanoq iliorluta inuusuttut nunaminnut sakkortuumik attuumassuteqartutut misigisimalersissinnaanerigut pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Steen Lynge, Demokraatit

Kalaallit Nunaanni sumiiffinni amerlasuuni unammilleqatigiinneq amingarsin-naasartoq ataqqillugu piffissap ilaani biilinik misissuisarnissamut siunnersuusiortussanik suleqatigiisitamik suligasuartussanik ataatsimoorluni pilersitsinissaq kissaatigalugu danskit Transportministereqarfiannut saaffiginneqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Steen Lynge, Demokraatit

Imm./pkt.: 140
Imm.49, 81 aamma 140 ataqatigiisillugit siullermeerneqarput.

Aappass. UPA 2019
Namminersorlutik Oqartussat ingerlatseqatigiiffiini whistleblowerit pillugit aaqqissuussinermik eqqusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Steen Lynge, Demokraatit