Inatsisartoqarfik
UKA2018

Ullormut oqaluuserisassat

pingasunngorneq 14. November 2018, nal. 11:00
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 73
Uunga siunnersuut: Kalaallit Nunaanni Inatsisartunut qinersisarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, uu. qqqq 2018-imeersoq.
(Partiit qinigassanngortitsisinnaatitaanerat, namminersorneq pillugu inatsimmi taaguutinut naleqqussaaneq, inatsisiliornerillu allanngornerisa malitsigisaannik iluarsiinerit)
Inatsisartunut ilaasortaq Bentiaraq Ottosen, Atassut
Imm./pkt.: 139
Kalaallit Nunaanni sumiiffinni amerlasuuni unammilleqatigiinneq amingarsin-naasartoq ataqqillugu piffissap ilaani biilinik misissuisarnissamut siunnersuusiortussanik suleqatigiisitamik suligasuartussanik ataatsimoorluni pilersitsinissaq kissaatigalugu danskit Transportministereqarfiannut saaffiginneqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Steen Lynge, Demokraatit
Imm./pkt.: 191
Siull. 11/10
Aappass. 14/11
Aappassaaneerinninnermi Allannguutissatut siunnersuut Naalakkersuisunit saqqummiunneqartoq akuerineqarpoq.
Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2018-imeersoq.
(Kalaallit Nunaanni soraarnerussutisiaqalernissamut aningaasaateqarfinni soraarnerussutisiaqalernissamut ileqqaakkanit iluanaarutit akileraarusersorneqartarunnaarnissaat, aquuteralannut inuussutissarsiutigalugu umiatsiaararsorluni aalisarnermi atorneqartunut nalikilliliinermut malittarisassani allannguutit, takornariartitsilluni imaluunniit attartorluni imaatigut angalaneq, kiisalu nuussinernik nakkutigisanik uppernarsaanissamut il.il. piumasaqaatit aamma nunamit nunamut nalunaarusiornerit il.il.)
Aningaasaqarnermut Naalakkersuisoq
Imm./pkt.: 192
Uunga siunnersuut: Kommunit Namminersorlutillu Oqartussat missingersuutaat naatsorsuutaallu pillugit Inatsisartut Inatsisaata allanngortinneqarnissaa pillugu Inatsisartut inatsisaat nr. xx, xx. xxx 2018-imeersoq. (Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmut isertitassanut tunngavissat annertusineqarnerat, innersuussutip naqqiissuteqarfigineqarnera, pisortat ataatsimoorussamik IT atorlugu aaqqissuussinerat aamma missingersuutit oqimaaqatigiinnerat pillugu §§ 2-5-imik atorunnaarsitsigallartarneq)
Aningaasaqarnermut Akileraartarnermullu Naalakkersuisoq
Imm./pkt.: 195
Siull. 8/10
Aappass. 14/11
Imm.195 aamma 196 ataqatigiisillugit siullermeerneqarput.
Uunga siunnersuut: Soraarnerussutisiaqalernissamut aningaasaatit ilaannit pissarsiat akileraaruserneqartarnerat pillugu Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2018-imeersoq. (Inatsisip atuuffiata ilaneqarnera)
Aningaasaqarnermut Naalakkersuisoq
Imm./pkt.: 196
Siull. 8/10
Aappass. 14/11
Imm.195 aamma 196 ataqatigiisillugit siullermeerneqarput.

Allannguutissatut siunnersuut akuerineqarpoq.
Uunga siunnersuut: Pigisanit pissarsiat ilaasa akileraaruserneqartarnerat pil-lugu Inatsisartut Inatsisaata allanngortinneqarneranik Inatsisartut inatsisaat nr. xx, xx. xxx 2018-imeersoq. (Akileraartussaasut ilaneqarnerat aamma inatsisip atuuffianik millisitsineq)
Aningaasaqarnermut Naalakkersuisoq
Imm./pkt.: 19
Kalaallit Nunaanni pinerluttulerinermi inatsisip aamma Kalaallit Nunaanni eqqartuussisarneq pillugu inatsisip (Kinguaassiuutitigut pinerluttarnerit il.il.) allanngortinneri pillugit inatsisissatut siunnersuummut missingiummut Namminersorlutik Oqartussat isumaqataanissaat pillugu Inatsisartut aalajangiiffigisassaattut siunnersuut.
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 8
2017-imut Ilassutissatut aningaasaliissutinut Inatsisissatut siunnersuut.
Aningaasaqarnermut Naalakkersuisoq
Imm./pkt.: 121
Siull. 18/10
Aappass. 14/11
Immikkoortut 159 aamma 121 ataqatigiisillugit siullermeerneqassapput.
Taaguutinik akuersissuteqartarnermi Oqaasiliortut sulinerat nalilersuiffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalilersuineq inaarsarneqassaaq UKA2019 tikitsinnagu, kalaallisut taaguusersuinerup ineriartortinneqarnissaanut suliat annertusarnissaannut innersuussutinik aamma imaqartinneqassaaq.
Siumup inatsisartunut ilaasortaatitai
Imm./pkt.: 159
Siull. 18/10
Aappass. 14/11
Immikkoortut 159 aamma 121 ataqatigiisillugit siullermeerneqassapput.
Oqaasiliortut peqatigalugit inatsisilerinermi kalaallisut oqaatsinik ineriartortitsinermik akuersinissamillu suliaqarnermik Naalakkersuisut salliutsitsinissaat pillugu Inatsisartuni aalajangiiffigisassatut siunnersuut. Taamattaaq Naalakkersuisut Oqaasiliortunik oqaloqateqarnermik kingorna UPA2019 sioqqullugu sulinissamut piffissamut pilersaarummik saqqummiussinissaannik peqquneqarput.
Inuit Ataqatigiit Inatsisartuni ilaasortaatitai
Imm./pkt.: 57
Inunnik perulunnertik aamma ikiorneqarsinnaajunnaarnertik pissutigalugu toquinnarusullutik kissaateqartunut ikiuineq inuiaqatigiittut qanoq isummerfigissallugu kissaateqarnersugut pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Randi Vestergaard Evaldsen, Demokraatit
Imm./pkt.: 60
Sul. 14/11
Imm.60 aamma 234 ataqatigiisillugit siullermeerneqassapput.
Piniakkat killilersukkat avanersuarmi Ittoqqortoormiinilu killilersorneqarunnaarnissaat anguniarlugu apeqquteqaat aallaavigalugu oqallisissiaq.
Inatsisartunut ilaasortaq Jens Napãtôk´, Partii Naleraq
Imm./pkt.: 234
Sul. 14/11
Imm.60 aamma 234 ataqatigiisillugit siullermeerneqassapput.
Piniakkat killilersukkat Tasiilami nunaqarfiinilu killilersorneqarunnaarnissaat anguniarlugu apeqquteqaat aallaavigalugu oqallisissiaq saqqummiuppara.
Inatsisartunut ilaasortaq Jens Napaattooq, Partii Naleraq