Ullormut oqaluuserisassat
pingasunngorneq 21. November 2018, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
( § 37 imm. 5, naapertorlugu)
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 156
2020-imit aallartittumik 2020-imut aningaasanut inatsit aqqutigalugu ukiuni sisamani misiligutaasumik ukiumut 4 mio. kr-it angullugit salliutitsilluni, ulloq 1. januar 2020 aallarnerfigalugu meeqqanut inuussuttunullu sumiginnagaasunut ornigullutik pinaveersaartitsinermik suliaqartussanik ”Unnuarissatut” taagorneqartunik isumassuisartunik illoqarfinni Nuummi, Tasiilami, Sisimiuni, Aasianni Qaqortumilu sisamanngornermit nal. unnukkut arfineq pingasunit sapaammi ullaakkut arfineq pingasut tungaanut aqqusinerni angalaartartussanik pilersitsinissaq pillugu Naalakkersuisut peqquneqarnissaannut Inatsisartuni aalajangiiffigisassatut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 171
Meeqqat inuusuttullu sumiginnagaasut ikilisinniarlugit nuna tamakkerlugu iliuusissatut pilersaarummik kingusinnerpaamik UKA2019-mi saqqummiunneqartussamik Naalakkersuisut suliaqarnissaat pillugu Inatsisartuni aalajangiiffigisassatut siunnersuut.
Inuit Ataqatigiit Inatsisartuni ilaasortaatitai
Imm./pkt.: 104
Kalaallit Nunaanni pinerluttulerinermi Inatsimmi § 20 imm. 2-p allanngortinnissaa pillugu danskit naalakkersuisuinut attaveqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni unioqqutitsinerit imaluunniit inatsimmi § 99 naapertorlugu unioqqutitsinerit ilungersunartut immikkut taasat pisortanit unnerluutiginnittussaatitaasunit eqqartuussinermut utaqqisitassamut atatillugu unnerluutiginnissutissanngortillugit.
Inatsisartunut ilaasortaq Steen Lynge, Demokraatit
Imm./pkt.: 207
Inatsisartut aalajangiiffigisassaattut siunnersuut, Namminersorlutik Oqartussat ilalissagaat NemID-mik pisortat digitaliusumik signatur-iannik imaqartumik inunnut aamma inatsisit naapertorlugit immikkoortortani sulisunut Kalaallit Nunaanni atortuulersinneqassasoq Kunngip peqqussutaagut.
Ilinniartitaanermut, Kultureqarnermut, Ilageeqarnermut, Nunanullu Allanut Naalakkersuisoq
Imm./pkt.: 8
2017-imut Ilassutissatut aningaasaliissutinut Inatsisissatut siunnersuut.
Aningaasaqarnermut Naalakkersuisoq
Imm./pkt.: 150
Qanoq ililluta nunatta iluani timersornikkut pitsanngorsaallutalu ineriartortitseqqissinnaavugut? Nunatta nunanut allanut unammisartoqarnerup tungaatigut inerisaajumalluta, timersoqatigiiffiit nunatsinni pissartanngorniuuttarnerit avataatigut, nunatta iluani unammisaqattaartarnerat akulikinnerulersinneqassappata taava qanoq iliuuseqartariaqarpugut? Apeqquteqaat aallaavigalugu oqallinnissamik siunnersuut.
Inatsisartunut ilaasortaq Peter Olsen, Inuit Ataqatigiit