Ullormut oqaluuserisassat
marlunngorneq 27. November 2018, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 149
Kingusinnerpaamik UKA2019-imi inuussutissarsiornermik siuarsaanermik aaqqissuussinerit maanna ingerlasut nalilersorneqarnerannik Naalakkersuisut saqqummiussinissaat pillugu Inatsisartunut aalajangiiffigisassatut siunnersuut. Nalilersuinermi aaqqissuussinerit maanna ingerlasut suliffeqarfinnik suliaqarfinnillu nutaanik qanoq annertutigisumik siuarsaanerat qulaajaavigineqassaaq. Nalilersuinermilu namminersorlutik inuussutissarsiortunut manna sinaakkutissatut atugassarititat ilanngunneqassapput, maannalu aaqqissuussinernut kiisalu manna tikillugu misilittagaareersut tunuliaqutaralugit sinaakkutissanut aaqqiissutaasinnaasunillu pitsanngorsaatinillu siunnersuusiortoqarluni. Nalilersuinermik suliaqarnermi namminersorlutik inuussutissarsiortut qanimut suleqatigineqarnissaannik Naalakkersuisut kaammattorneqarput.
Inatsisartunut ilaasortaq Múte Bourup Egede, Inuit Ataqatigiit
Imm./pkt.: 41
Nunatsinni aatsitassarsiornermi uranimik aatsitassallu allanik ulorianartunik qinngornertalinnik saniatigut tamakkiisumilluunniit piiaasoqarsinnaalissanersoq pillugu innuttaasunik taasititsisoqarnissaanik siunnersuut, taasititsinissarlu sioqqullugu inuit ilisimasanik tamakkiinerusunik tunngavisseqqullugit arlaannaannut attuumassuteqanngitsumik suliamillu ilisimasaqarnermik illuinnaasiunngittumillu tunngaveqartumik paasititsiniaanerit aallarteqqullugit Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut Inuit Ataqatigiit ilaasortaatitaat
Imm./pkt.: 50
Aningaasarsiaqartitaaneq pillugu inatsisip ilaasortaajunnaarnersiutisiaqartarnermut malittarisassartaasa allanngortinnissaannut siunnersuuteqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni ilaasortaajunnaarnersiutisiaqarnerup nalaani akissarsiat tamarluinnaasa ilaasortaajunnaarnersiutisianit ilanngaatigineqarsinnaanngorlugit.
Inatsisartunut ilaasortaq Niels Thomsen, Demokraatit
Imm./pkt.: 133
Aappassaaneerinninnermi Allannguutissatut siunnersuut Aningaasaqarnermut Akileraartarnermullu Ataatsimiititaliamit saqqummiunneqartoq akuerineqarpoq.
Suliffeqarfissuit immikkoortortallit, suliffeqarfissuarni piginnittut aalajangersimasumillu ingerlatsiviusut akornanni nakkutigisaasumik nussuisarnerit akiinik aalajangersaasarnerit pillugit malitassat nalilersoqqissaaqqullugit inerneralu UKA2019-imi agguaateqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut (“Transfer-pricing”). Matumani siunertarineqarpoq akileraartarnikkut pilersarutipalaalersorsinnaanerit pinngitsoortinniarlugit malitassat sukateriffigineqarsinnaanerat, taassumalu ataani ulluinnarni ingerlatsinerit ataqqineqarnissaat.
Inatsisartunut ilaasortaq Henrik Fleischer, Siumut
Imm./pkt.: 175
Aappassaaneerinninnermi Allannguutissatut siunnersuut Aningaasaqarnermut Akileraartarnermullu Ataatsimiititaliamit amerlanerussuteqartunit tassa Siumumit aamma Demokraatinit saqqummiunneqartoq akuerineqarpoq.
Nuup Sisimiut Ilulissat Qaqortullu avataatigut illoqarfiit mikinerit aningaasarsiornikkut ineriartornissaat pillugu, kommunit suleqatigalugit, pilersaarusiortoqarnissaa suliareqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Pilersaarusiaq kingusinnerpaamik UPA 2020-mi Inatsisartunut saqqummiunneqassaaq.
Inatsisartunut ilaasortaq Anders Olsen, Siumut
Imm./pkt.: 163
Naalakkersuisut nunatsinni eqqumiitsuliortut atorsinnaasaannik eqqumiitsuliortut suliffiannik pilersitsisinnaanermi pitsaaqutinik pitsaanngequtinillu imaqartumik suliniummut pilersaarummik suliaqaqqullugit, suliniummullu pilersaarut kingusinnerpaamik UPA2020-imi Inatsisartunut agguaanneqassasoq, pilersitsinermilu ingerlatsinermilu aningaasaqarnermut allanullu tunngasunik misissueqqissaarnermik imaqassalluni. Tamatuma saniatigut Naalakkersuisut eqqumiitsulioriaatsit sorliit sullivimmut taamaattumut periarfissaqarnermik iluaquteqassanerat pillugit kaammattuuteqarnissaannik tunngasunik Inatsisartuni aalajanngiffigisassatut siunnersuut.
Inatsisartuni ilaasortaq Aqqaluaq B. Egede, Inuit Ataqatigiit
Imm./pkt.: 11
2017-imut Nunatta Karsiata naatsorsuutaasa akuersissutigineqarnissaannik siunnersuut.
Aningaasaqarnermut Naalakkersuisoq