Ullormut oqaluuserisassat
sisamanngorneq 29. November 2018, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 205
Allannguutissatut siunnersuut Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamit saqqummiunneqartoq akuerineqarpoq.
Uunga siunnersuut: Ilageeqarneq pillugu Inatsisartut inatsisaannik allanngortitsineq pillugu Inatsisartut inatsisaat nr. xx, xx. xxx 2018-imeersoq.
Ilinniartitaanermut, Kultureqarnermut, Ilageeqarnermut, Nunanut Allanullu Naalakkersuisoq
Imm./pkt.: 165
Nuna tamakkerlugu kulturikkut kingornussarsiat suussusiinik aalajangersaasussanik UPA2019-mut suleqatigiissitaliornissaannik kulturikkullu kingornussarsiat kingusinnerpaamik 2021-mi saqqummiutassatut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 158
Meeqqat inuusuttuaqqallu angerlarsimaffiup avataanut inissinneqarsimasut inersimasunut ikaarsaarneranni ilisimasat tunngavigalugit periusissiamik UKA 2019-imi saqqummiussaqarnissaannik Naalakkersuisut pisussaaffilerneqarnissaannik Inatsisatut aalajangivigisassaattut siunnersuut.
Inatsisartunut ilaasortaq Mikivsuk Thomassen, Inuit Ataqatigiit
Imm./pkt.: 106
Aappassaaneerinninnermi Allannguutissatut siunnersuut Ilaqutariinnermut Peqqissutsimullu Ataatsimiititaliamit saqqummiunneqartoq akuerineqarpoq.
Angajoqqaat sulinngiffeqartarnerat pillugu malittarisassani atuuttut allanngortinnissaannut siunnersuusioqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni sulinngiffeqartarneq sapaatip akunnerinik sisamanik sivitsorneqartussanngorlugu. Allannguut atuutilissaaq ulloq 1. juuli 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit
Imm./pkt.: 43
Ujaqqanik pinnersaasiornermik ingerlatsisut misilittagaannik ilanngussisumik nassuiaammik, inuussutissarsiornermik ingerlatsereersut akornanni, aallartitsisussani kiisalu annikitsumik aatsitassarsiornermik akuersissutinik piginnittut nalilinnik annertunerusumik kaaviiaartitsinissamut sulisuminnillu amerlisaanissamut aaqqissuussaanikkut aammalu inatsisitigut aporfissat suunerannik kingusinnerpaamik UKA2019-imi Naalakkersuisut saqqummiussinissaat pillugu Inatsisartunut aalajangiiffigisassatut siunnersuut. Aporfittut suussusersineqartut qanoq ililluni piujunnaartinnissaannut sapinngisamilluunniit aporfiit annikinnerpaamiitinnissaannut siunnersuummik nassuiaat imaqassaaq.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 164
Naalakkersuisut kingusinnerpaamik UKA2019-imut inatsisinik atuuttunik allanngortitsinissaq pillugu siunnersuummik saqqummiussinissaat, taamaaliornikkut eqqumiitsuliornermut aningaasaateqarfimmik pilersitsinikkut eqqumiitsuliornermut aningaasaliissutinik tamanik agguaassinermi attuumassuteqannginnissamik pilersitsinissaq periarfissinneqarsinnaanissaat ilanngullugu Inatsisartuni aalajangiiffigisassatut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 168
Aappassaaneerinninnermi Allannguutissatut siunnersuut Aalisarnermut, Piniarnermut Nunalerinermullu Ataatsimiititaliamit saqqummiunneqartoq akuerineqarpoq.
Nunatta kujataani aalisarnermut nunamilu inuussutissarsiornikkut periarfissanik tikkuaallunilu suussusersisussamik Naalakkersuisut UKA2019-imi saqqummiunneqartussamik nassuiaasiornissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 16
Naalakkersuisunik qinersineq.
Naalakkersuisut Siulittaasuat