Ullormut oqaluuserisassat
Ullut ataatsimiiffiusut aqqaneq-sisamaat, sisamanngorneq 10. October 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 36
Arferit angisuut nunatsinnut pisassiissutaasartut tamakkerneqarneq ajornerat pillugu aammalu tamakkerlugit pisarineqannginnerannut aporfiusartut qanoq iliuuseqarnikkut piiarneqarsinnaanersut pillugu Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut. Nalunaarusiaq kingusinnerpaamik UKA2020-imi saqqummiunneqartussanngorlugu.
Inatsisartunut ilaasortaq Nikkulaat Jeremiassen, Siumut
Imm./pkt.: 98
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq
Peqqinnissaq pillugu ataatsimiititaliarsuup sulinissaanut tunngavissiamik UPA2020-mut siunnersuummik saqqummiusseqqullugit Naalakkersuisut peqquneqarnissaannik aalajangiiffigisassatut siunnersuut. Ataatsimiititaliarsuaq peqqinissaqarfimmi ataatsimut isigalugu pitsanngorsaatissanik inassuseqaasiussaaq, tassunga ilanngullugit sulisussarsiortarneq, sulisut sulisoriinnarnissat kiisalu Danmarkimik nunanillu allanik suleqateqarneq. Inassuteqaatit peqqinnissaqarfimmi aaqqissuusseqqinnissamut Inatsisartut politikkikkut tunngavigissavaat. Minnerpaamik peqqinnissamik suliaqartut kattuffii aamma soqu-tisaqartut Kalaallit Nunaanni peqqinnissaqarfissaqarfimmi suliaqarnermik ilisimasaqartut ataatsimiititaliarsuarmi sinniisoqassapput.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 86
Unnuisarfinnut nunatta avataaneersunut unnuisunut nunatsinni unnuinermut akitsuummik takornariaqarnermut inuussutissarsiornikkut nunatta inuinut tamanut isertitaqaataasussamik siunnerfilimmik Naalakkersuisut UKA2020 misissuinissamik peqquneqarnissaanik inatsisartut aalajangiiffissaatut siunnersuut. Misissoqquneqarluni takornariaqarnermut innarliutaasinnaanngitsumik nunat allat ilinniarfigalugit aaqqissuussinissaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 139
Peqqinnissaqarfiup aqunneqarnera, aaqqissuussaanera kiisalu peqqinnissamut tunngasutigut sullissisut aamma tarnip pissusaanik ilisimasallit pillugit Inatsisartut inatsisaanni nr. 27, 18. november 2010-meersumi § 3, imm. 2 naapertorlugu nalunaarusiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarutip minnerpaamik imarissavai atorfiup illersugaanera aammalu katsorsartittut pisinnaatitaaffii pillugit aalajangersakkat. Soqutigisaqartut attuumassuteqartut nalunaarutip imarisassaanik suliaqarnermi akuutinneqassapput.
Inatsisartunut ilaasortaq Aqqa Samuelsen, Inuit Ataqatigiit