Ullormut oqaluuserisassat
Ullut ataatsimiiffiusut 26-iat, sisamanngorneq 14. November 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 145
Uunga siunnersuut: Siusinaartumik pensionisiat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2019-imeersoq. (Kalaallit Nunaanni, Danmarkimi Savalimmiunilu kommunit akornanni paasissutissanik paarlaasseqatigiittarneq, nuunnermi siusinaartumik pensionisianik qaammatini 12-ini attassiinnarnissaq, ingerlaannartumik qaffasinnerpaanik siusinaartumik pensionisianik pisartagaqalersitsineq)
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 147
Uunga siunnersuut: Meeqqat illersuisuat aamma Meeqqat pillugit Siunnersuisoqatigiit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq. (Meeqqat illersuisuata aamma Meeqqat pillugit Siunnersuisoqatigiit ilaasortaasa piffissamik toqqagaaffiannik allannguineq)
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 36
Arferit angisuut nunatsinnut pisassiissutaasartut tamakkerneqarneq ajornerat pillugu aammalu tamakkerlugit pisarineqannginnerannut aporfiusartut qanoq iliuuseqarnikkut piiarneqarsinnaanersut pillugu Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut. Nalunaarusiaq kingusinnerpaamik UKA2020-imi saqqummiunneqartussanngorlugu.
Inatsisartunut ilaasortaq Nikkulaat Jeremiassen, Siumut
Imm./pkt.: 98
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq
Peqqinnissaq pillugu ataatsimiititaliarsuup sulinissaanut tunngavissiamik UPA2020-mut siunnersuummik saqqummiusseqqullugit Naalakkersuisut peqquneqarnissaannik aalajangiiffigisassatut siunnersuut. Ataatsimiititaliarsuaq peqqinissaqarfimmi ataatsimut isigalugu pitsanngorsaatissanik inassuseqaasiussaaq, tassunga ilanngullugit sulisussarsiortarneq, sulisut sulisoriinnarnissat kiisalu Danmarkimik nunanillu allanik suleqateqarneq. Inassuteqaatit peqqinnissaqarfimmi aaqqissuusseqqinnissamut Inatsisartut politikkikkut tunngavigissavaat. Minnerpaamik peqqinnissamik suliaqartut kattuffii aamma soqu-tisaqartut Kalaallit Nunaanni peqqinnissaqarfissaqarfimmi suliaqarnermik ilisimasaqartut ataatsimiititaliarsuarmi sinniisoqassapput.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 193
Siull. 24/4-2019
Aappass. 4/6-2019
Aappass. 4/6-2019
Piniakkanik killilersukkanik ukiumi pisassiiffiusumi Qilalukkanik qernertanik Qilalukkanik qaqortanik aammalu Nannunik, ukiup qaammataani qaammatit marluk Decemberimi Januar-milu pisassiiffiujunnaartinneqarnissaannik Naalakkersuisut peqquneqarnissaannik inatsisartut aaliagiiffigisassaattut siunnersuut.
Inatsisartunut ilaasortaq Karl-Kristian Kruse, Siumut
Imm./pkt.: 221
Siull. 24/4-2019
Aappass. 4/6-2019
Aappass. 4/6-2019
Piniakkat killilersukkat Avanersuarmi Ittoqqortoormiinilu qilalukkat qernertat qaqortallu, aaveq aamma nanoq pillugit periarfissaqarnersoq misissuisoqassasoq, kiisalu sunik suliniutinik killilersuisoqarunnaarnissaa pillugu Naalakkersuisut UPA2020-imut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq
Imm./pkt.: 39
Aappassaaneerinninnermi allannguutissatut siunnersuut Inuit Ataqatigiinnit saqqummiunneqartoq itigartinneqarpoq
Aningaasanut inatsimmi konto pingaarneq 64.01.05 naapertorlugu inuussutissarsiutitigut nunaqarfinnut isorliunerusunullu siuarsaanermik tapiissutinik suliassap ulloq 1. januar 2020 aallarnerfigalugu Namminersorlutik Oqartussanit kommuninut nuunneqarnissaanik, apeqqutillu tassunga attuumassuteqartup 2019-p ingerlanerani kommuninik ataatsimoortumik tapiissutinik isumaqatiginninniarnermut ilanngunneqarnissaanik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 144
Uunga siunnersuut: Utoqqalinersiaqarneq pillugu Inatsisartut inatsisaata allanngortinnissaa pillugu Inatsisartut inatsisaat nr. xx, xx. xxx 2019-imeersoq. (Utoqqalinersianik ikilisitsisoqartinnagu aningaasanik innuttaasup akissarsiarisinnaasaanik qaffaaneq)
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 19
Uunga siunnersuut: Akiliisarfik Ilanngaassivik pillugu Inatsisartut inatsisaat nr. xx, xx. xx 2019-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 17
Uunga siunnersuut: Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2019-imeersoq. (Sulinermut ilanngaat, akissarsiat Politiets Efterretningstjenestemik immikkut kukkunersiuinermut ilaasut aamma soraarnerussutisiaqalernissaq siunertaralugu ileqqaakkat akileraaruserneqannginnerat)
Aningaasaqarnermut Nunanilu Avannarlerni suleqatigiinnermut Naalakkersuisoq