Ullormut oqaluuserisassat
Ullut ataatsimiiffiusut 28-iat, marlunngorneq 19. November 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 22
Uunga siunnersuut: Inuussutissat pillugit Inatsisartut inatsisaat nr. xx, xx. xxx 2019-imeersoq.
Aalisarnermut, Piniarnermut Nunalerinermullu Naalakkersuisoq
Imm./pkt.: 43
Pisortat ataatsimoortumik allaffissornerisa aaqqissugaanerannut atatillugu naliliinissamut ataatsimiititaliarsuarmik pilersitsisoqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut. Maanna suliassaasut aallaavigalugit allaffissornerup annertussusaa ataatsimiititaliarsuup nalilersussavaa, suleriaatsit sunniuteqarluarnerusut pilersinnissaannut immikkoortortaqarfiillu suliassaqarfiillu (sektorit) akimorlugit suleqatigiinnerup pitsanngorsaaviginissaanut periarfissat misissussallugit, kiisalu allatut aaqqissuussinissamut periarfissanik siunnersuuteqarluni. Siunnersuutini tamani inatsisit ingerlatsinermut tunngasut qasukkartinneqannginnissaat aallaaviussaaq. Ataatsimiititaliarsuaq inunnit sektorinit assigiinngitsuneersunit inuttaqassaaq, tassa pisortat sektoriineersut aamma namminersortut sektoriineersut ilaasortat misilittagaqartut amerlaqatigiissallutik. Ataatsimiititaliarsuaq assigiinngissitaartuneersunit ilaliussanik sulisitaqassaaq, sulininilu ukiut marluk iluanni naammassissallugu. Tamatuma kingorna ataatsimiititaliarsuup innersuussutai Inatsisartuni politikkikkut suliarineqassapput.
Inatsisartunut ilaasortaq Peter Olsen, Inuit Ataqatigiit
Imm./pkt.: 103
Immikkoortuni Namminersorlutik Oqartussat kommunillu akuuffigisaanni marloqiusamik allaffiossornerup pinngitsoortinneqarnissaanut, ataatsimut suleriaatsit pisariillisarnissaannut isumalluutillu avitseqatigiissutigineqarnissaannut periarfissat qulaajaaffigalugit Naalakkersuisut nassuiaammik UKA2021-mut saqqummiussinissamik peqquneqarnissaannik Inatsisartut aalajangiiffigisassaatut siunnersuut.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 60
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Cigarittikut taamatullu cigarittit kimmivikui utertittartussanngorlugit qularnaveeqquserneqartalernissaasa iluaqutissartai ajoqutissartaalu misissuivigeqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup inernera Inatsisartunut saqqummiuteqquneqarpoq kingusinnerpaamik UKA 2020-mi ataatsimiinneq aallartippat.
Inatsisartunut ilaasortaq Justus Hansen, Demokraatit
Imm./pkt.: 131
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq
Namminersorlutik Oqartussat ingerlataanni errorsinermut qaqorsaatit aammalu kingunerutit taamaallaat avatangiisinut innarliisuunngitsunik nalunaaqutsikkanik aammalu tipigissaateqanngitsunik atuilernissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Tamatuma ilutigisaanik inoqutigiinnut inuiaqatigiit errorsinermut qaqorsaatinik aammalu kingunerutit avatangiisinut innarliisinnaasunik atuinerisa millisinnissaat anguniarlugu Naalakkersuisut paasititsiniaanermik ingerlataqarnissaannik peqquneqassapput.
Inatsisartunut ilaasortaq Sofia Geisler, Inuit Ataqatigiit
Imm./pkt.: 127
Aappassaaneerinninnermi allannguutissatut siunnersuut Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit isumaqatigiittumit saqqummiunneqartoq akuerineqarpoq.
Naalakkersuisut Atuarfik pillugu Inatsisartut inatsisaannik allannguinissaminni atuarfimmi klassimi ataatsimi atuartut annerpaamik 18-inik amerlassuseqartalernissaannik qulakkeerinneqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Peter Olsen, Inuit Ataqatigiit
Imm./pkt.: 223
Aappassaaneerinninnermi allannguutissatut siunnersuut Aningaasaqarnermut Akileraartarnermullu Ataatsimiititaliamit isumaqatigiittumit saqqummiunneqartoq akuerineqarpoq
UPA2019-imut malittarisassat atuutsinnerini ersarinnerusumik aammalu aalajangersimanerunissamik Namminersorlutik Oqartussat pigisaanni taamatullu suliffeqarfinni pigisat ilaanniittuni siulersuisunik ilaasortaatitaqartuni akissarsitinneqartarnerat pillugu politikikkut malittarisassanik aaqqissuussinermi Naalakkersuisut peqquneqarnissaannik Inatsisartut aalajangiiffigisassaattut siunnersuut.
Partii Naleqqamit Inatsisartunut ilaasortaatitai
Imm./pkt.: 141
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Uunga siunnersuut: Tapersiissutitalimmik inissialiortiternermut taarsigassarsititsisarneq pillugu Inatsisartut inatsisaat nr. xx, xx. xxx 2019-imeersoq.
Ineqarnermut Attaveqaqatigiinnermullu Naalakkersuisoq
Imm./pkt.: 24
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata (aatsitassanut ikummatissanullu inatsit) allanngortinneqarnissaa pillugu Inatsisartut inatsisaat nr. xx, xx. xxx-imeersoq. (Piiaanissamut akuersissummik pissarsinissamut tunngavissarititaasunut piumasaqaatit allanngortinneqarnerat aamma sumiiffiit piiaanissamut akuersissummi pineqartunut ilaasut illersorneqarnissaat)
Aatsitassanut Suliffeqarnermullu Naalakkersuisoq
Imm./pkt.: 140
Pingajussaaneerinninnermi allannguutissatut siunnersuut Sanaartornermut Ataatsimiititaliamit saqqummiunneqartoq akuerineqarpoq.
Uunga siunnersuut: Inissianik aningaasalersuisarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq. (Inissialiortiternermut tapiissutitalimmik illulianik iluarsaassinermut, pitsanngorsaanermut alliliinermullu taarsigassarsititsisarneq tapiissuteqartarnerlu)
Ineqarnermut Attaveqaqatigiinnermullu Naalakkersuisoq
Imm./pkt.: 44
Aappass. UPA 2020
Itilliarsummi ikerasaliortoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Stine Egede, Inuit Ataqatigiit
Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
Inatsisartut Siulittaasoqarfiat
Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
Inatsisartut Siulittaasoqarfiat