Ullormut oqaluuserisassat
Ullut ataatsimiiffiusut 31-iat, tallimanngorneq 22. November 2019, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 26
Inatsisartut Suleriaasiannut allannguutissatut siunnersuut.
Inatsisartut Siulittaasoqarfiat
Imm./pkt.: 141
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Uunga siunnersuut: Tapersiissutitalimmik inissialiortiternermut taarsigassarsititsisarneq pillugu Inatsisartut inatsisaat nr. xx, xx. xxx 2019-imeersoq.
Ineqarnermut Attaveqaqatigiinnermullu Naalakkersuisoq
Imm./pkt.: 18
Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2019-imeersoq. (Uppernarsaatinik piffissami killilimmi paarinnittussaatitaanerup sivitsorneqarnera kiisalu illuutinik aalaakkaasunik attartortitsinernik kiisalu najukkani kalaalimineerniarfinni tuniniaanernik sullissinerit pillugit paasissutissanik nalunaarutiginnittarneq)
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 24
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata (aatsitassanut ikummatissanullu inatsit) allanngortinneqarnissaa pillugu Inatsisartut inatsisaat nr. xx, xx. xxx-imeersoq. (Piiaanissamut akuersissummik pissarsinissamut tunngavissarititaasunut piumasaqaatit allanngortinneqarnerat aamma sumiiffiit piiaanissamut akuersissummi pineqartunut ilaasut illersorneqarnissaat)
Aatsitassanut Suliffeqarnermullu Naalakkersuisoq
Imm./pkt.: 140
Pingajussaaneerinninnermi allannguutissatut siunnersuut Sanaartornermut Ataatsimiititaliamit saqqummiunneqartoq akuerineqarpoq.
Uunga siunnersuut: Inissianik aningaasalersuisarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq. (Inissialiortiternermut tapiissutitalimmik illulianik iluarsaassinermut, pitsanngorsaanermut alliliinermullu taarsigassarsititsisarneq tapiissuteqartarnerlu)
Ineqarnermut Attaveqaqatigiinnermullu Naalakkersuisoq
Imm./pkt.: 135
Qamutit motoorillit akileraarutaat pillugit Inatsisartut inatsisaata allanngortinnissaa, imaalillugu ATV-it taakkununngalu assingusut qamutit motoorillit nunakkoorutit mikinerit sisamanik amerlanernilluunniit assakaasullit ukiumut akileraarutaat 2.000 kronemut appartinnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Stine Egede, Inuit Ataqatigiit)
Imm./pkt.: 132
Siull. 16/5 - 2019
Aappassaaneerinninnermi allannguutissatut siunnersuut Naalakkersuisunit saqqummiunneqartoq itigartinneqarpoq.
Inuussutissalerinermut aamma uumasut nakorsaqarnerannut tunngasunut suliassaqarfiup tamakkiisumik tiguneqarnissaat pillugu nassuiaasioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Pineqartut tiguneqarnerisigut inatsisilerinikkut allaffissornikkullu aallaavissat sukumiinerusut, taamatullu aamma pilersitsinermut ingerlatsinermullu aningaasatigut kingunerisassat nassuiaammi allaaserineqassapput. Suliassaqarfiup ulluinnarni ingerlanneqarsinnaaneranut, sulisussarsiniartarneq ilanngullugu, periarfissat nassuiaammi nalilersorneqassapputtaaq. Nassuiaat Inatsisartunut UPA2020-mi saqqummiunneqassaaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 32
Nunatta inuiattut timersornikkut unammersuartarfissaanik FIFA-p piumasaqaataanut naapertuuttumik pilersitsinerup avataaniit aningaasaliisussarsiuunnissaanut periarfissanik aningaasalersueriaasissatut ilusissamillu misissuisussanik suleqatigiisitamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitaq aningaasalersuinissamik misissuinerup inerneranik UKA2020-imi Naalakkersuisut Inatsisartunut saqqummiutissagaat.
Inatsisartunut ilaasortaq Anders Olsen, Siumut
Imm./pkt.: 37
Inuit sulisinnaassusillit inuiaqatigiinnut arlaatigut tunniussaqarnatik pisortat ikiorsiissutaannik pisannginnissaat qanoq qulakkiissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Simigaq Heilmann, Demokraatit
Imm./pkt.: 120
Meeqqat atuarfianni naammassisut amerlanerpaat ilinniartitaanerup iluani ingerlaqqittarnissaat qulakkeerniarlugu meeqqat atuarfiata siunertaata qanoq ittuuneranik ittuusariaqarneranillu naatsorsuutiginninneq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Sofia Geisler, Inuit Ataqatigiit
Imm./pkt.: 16
Naalakkersuisunit tunuarnissamik qinnuteqaat.
(Naalakkersuisut Siulittaasuat)