Ullormut oqaluuserisassat
Ullut ataatsimiiffiusut 27-iat, marlunngorneq 24. November 2020, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 193
Uunga siunnersuut: Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat nr. xx, xx. xxx 2020-meersoq.
Ilinniartitaanermut, Kultureqarnermut Ilageeqarnermullu Naalakkersuisoq
Imm./pkt.: 132
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
Kinguaassiutitigut atornerluisimasut pineqaatissinneqarnerannut atatillugu, kinguaassiuutitigut atornerlueqqinnissaq pinngitsoorniarlugu katsorsarneqartalernissaat siunertaralugu nunatsinni pinerluttulerinermut inatsisip allannguutissaanik saqqummiussisoqarsinnaaqqullugu Naalagaaffeqatigiinnermi oqartussaasut saaffigineqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Stine Egede, Inuit Ataqatigiit
Imm./pkt.: 114
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
Inatsisartut aalajangiiffigisassaatut siunnersuutigineqarpoq Naalakkersuisut amerikkarmiut aallartitaqarfiat qinnuvigisassagaat ikioqqulluta kalaallit timaasa panernikut Harvardip Universitianiittut Peabody Katsersugaasiviani Nunatsinnut uterteqqissallugit.
Inatsisartunut ilaasortaq Doris J. Jensen, Siumut
Imm./pkt.: 130
Atorfinni toqqaannartumik pisortat suliariumannittussarsiuussineranni suliassanik agguaanernik kiisalu isumalluutinik atuinissamik akuersissutinik agguaassinernik suliaqarfiusuni immikkut tatigisaallutik atorfilinnik nutaamik atorfinitsitsinermut atatillugu atorfinitsitsinermi piumasaqaatinik atulersitsinerup pitsaaqutaanik pitsaanngequtaanillu qulaajaaviusumik kingusinnerpaamik UKA2021-mi Naalakkersuisut nassuiaasiornissaat pillugu Inatsisartut aalajanngiffigisasasattut siunnersuut. Nassuiaammi minnerpaamik pissutsit ilanngussaq 1-mi taaneqartut qulaajaavigineqassapput.
Inatsisartunut ilaasortaq Múte Bourup Egede, Inuit Ataqatigiit
Imm./pkt.: 98
Aappass. UKIU21 2/3
Konflikråd-imut inatsit nr. 467 12. juni 2009-meersoq, tassa pineqaatisseereersimanerup qaangernerani pinerlussimasup pinerluffigineqartullu akornanni kiinneqatigiilluni oqaloqatigiissinnaanermut siunnersuineq, Kunngip akuerisaanik Kalaallit Nunaannut atuutilersinneqarsinnaasunngortikkumallugu Naalakkersuisut danskit Naalakkersuisuinut isumaqatiginninniarnissaannik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aleqa Hammond, Nunatta Qitornai
Imm./pkt.: 54
Aappass. UKIU21 2/3
Atuarfik pillugu inatsit atuuttup allanngortinneqarnissaanut, taamalu meeqqat atuarfianni tamani isumaginninnermut siunnersortimik imaluunniit inummik isumalluutigineqarsinnaasumik minnerpaamik ataatsimik atorfinitsisoqartarlernissaa anguniarlugu siunnersuusiornissaamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Meeqqat pisariaqartitsisut atuarfimmut tunngassuteqanngitsunik ajornartorsiutigisinnaasaminnik oqaasinngortitsinissamut, ikiorneqarnissamullu periarfissinneqarnissaat atorfinitsitsinerup qulakkiissavaa.
Inatsisartunut ilaasortaq / Medlem af Inatsisartut Nivi Olsen, Demokraatit
Inatsisartunut ilaasortaq / Medlem af Inatsisartut Nivi Olsen, Demokraatit
Inatsisartunut ilaasortaq Nivi Olsen, Demokraatit
Imm./pkt.: 69
Aappass. UKIU21 2/3
Atuarfik pillugu Inatsisartut inatsisaat nr. 15, 3. December 2012- meersoq naapertorlugu Naalakkersuisut nalunaarummik saqqummiusseqqullugit peqquneqarnissaannik Inatsisartut aalajangiiffigisassatut siunnersuut. Nalunaarummi aalajangersagaqassaaq nalilersuinermut immersugassamik ilitsersuutitalimmik pilersitsisoqassasoq pitsaasutsimik nalunaarusiortarnermut ilaatinneqartussamik, meeqqat atuarfianni siulersuisuisut, pisortat ilinniartitsisullu ineriartortitsinerminni atortagassaannik.
Inatsisartunut ilaasortaq Jens NapãtôK´ Partii Naleraq
Imm./pkt.: 91
Aappass. UKIU 2021 25/2
Illoqarfinni nunaqarfinnilu, immap tinittarnera ulerujussuartarneralu pillugit, angallatinut umiarsuarnullu talittarfiit qarsunneqartaleriartuinnarneri, isumannaannerusumik aaqqissuunneqarnissaat siunertaralugu, UKA2021-mut naammassereersimasussamik Naalakkersuisut pilersaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Bentiaraq Bendtsen Ottosen, Atassut
Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
Inatsisartut Siulittaasoqarfiat