Ullormut oqaluuserisassat
Ullut ataatsimiiffiusut arfersaneq-sisamaat, sisamanngorneq 9. May 2019, nal. 11:34
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 112
Inuit ernumanermik isummakkullu nanertisimanermik eqqugaasartut isumassorneqarluarnissaat qulakkeerniarlugu nuna tamakkerlugu iliuusissatut pilersaarummik kingusinnerpaamik UPA2020-mi saqqummiunneqartussamik Naalakkersuisut suliaqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Aqqa Samuelsen, Inuit Ataqatigiit
Imm./pkt.: 137
Illerfinnik angerlaassilluni assartuinermut ikiorserneqarsinnaanermut piumasaqaatinik illuinnaasiunngitsunik aalajangersaalluni pisortanit ikiorsiissutit pillugit malittarisassat atuuttut allanngortinneqarnissaannik siunnersuummik Naalakkersuisut kingusinnerpaamik UPA2020-mut saqqummiussaqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Siverth K. Heilmann, Atassut
Imm./pkt.: 58
Immiaaqqat aalakoornartortaqanngitsut eqqunneqarsinnaaleqqullugit nioqqutaalersinnaaqqullugillu immiaaqqat imeruersaatillu puui pillugit nalunaarummut (Immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutaannut nr. 16, 28. maj 2002-imeersumut) ilaajunnaarseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Justus Hansen, Demokraatit
Imm./pkt.: 181
Allannguutissatut siunnersuut Naalakkeruisunit saqqummiunneqartoq akuerineqarpoq.
Immiaaqqat imeruersaatillu qillertuusaniittut Kalaallit Nunaanni tamarmi nioqqutaalersinnaaqqullugillu immiaaqqat imeruersaatillu puui pillugit nalunaarut allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaasilluni qillertuusat aamma kalaallit nunaanni utertitsisarnermut ilaalersillugit.
Inatsisartunut ilaasortaq Nivi Olsen, Demokraatit
Imm./pkt.: 53
Arnat naartusut erninissaannut sapaatip akunneri sisamaannanngortut tagginneqarneraniit naartunerminnut atatillugu sulinngiffeqartalernissaat pillugu Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata nr. 14-p, 7. december 2009-imeersup allannguutissaanik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Randi Vestergaard Evaldsen, Demokraatit
Imm./pkt.: 121
Ilinniagaqarnersiutit pillugit nalunaarutip allannguutissaatut siunnersuuummik kingusinnerpaamik UKA 2019 sioqqullugu saqqummiusseqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut. Taamaalilluni ilinniartup ilinniarluni aallartinnermi kingorna, akiliunneqarluni angalasinnaatitaanini siulleq juullimi imaluunniit aasakkut atuanngiffiup nalaani atussanerlugu nammineerluni aaliangersinnaaleqqullugu.
Inatsisartunut ilaasortaq Peter Olsen, Inuit Ataqatigiit
Imm./pkt.: 10
2019-imi Aningaasaqarnikkut ingerlatsineq pillugu nalunaarut.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 61
Aappass. UKA 2019
Qitiusumik kiassaateqarfinnik kissarsuuteqarfinnillu Namminersorlutik Oqartussanit toqqaannanngitsumik toqqaannartumilluunniit pigineqartunik atuisinnaanerup Nukissiorfinnut kingusinnerpaamik 1. januar 2020-mi tunniunneqarnissaanik qulakkeerinneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Atuisinnaanerup nuunneqarnera ilutigalugu kiassaateqarfinni aningaasat uninngasuutit Nukissiorfinnut nuunneqassapput. Atuisinnaanerup nuunneqarnerani atortulersuutit aserfallatsaalineqarnissaannut pisussaaffiit atuuttut allanngortinneqassanngillat atortulersuutillu piumasaqaatit Naalakkersuisunit aalajangersarneqartut naapertorlugit aserfallatsaalineqartussaassapput.
Inatsisartunut ilaasortat Anders Olsen, Pele Broberg, Nikkulaat Jeremiassen, Peter Olsen aamma Justus Hansen
Imm./pkt.: 183
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni aamma Islandimi Naalakkersuisut nunat akornanni sammisami timersornermut tunngasumi suleqatigiinnerup annertusarneqarsinnaaneranik mississueqqullugit kaammattorpai.
Aallartitat siulittaasuat Vivian Motzfeldt
Imm./pkt.: 185
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni Islandimilu Naalakkersuisunut kaammattuutigaa nunani avannarlerni killerni oqaatsit siunissaat pillugu suleqatigiinnissaq anguniarlugu pisortatigut oqaloqatigiittarfimmik pilersitsisoqassasoq. Suleqatigiissitamik nunanit ataasiakkaanit aallartitanik inuttalikkamik pilersitsineq alloriarneq siulliussaaq. Nalunaarusiamik nunani ataasiakkaani oqaatsit inissisimanerannik takussutissiiffiusumik siunissamilu periarfissaat pillugu allaaserisanik imaqartumik suliaqarnissaq suleqatigiissitap suliassarissavaa, tamanna pingaartumik qarasaasiarsornikkut ineriartorneq maanna atuuttoq tunngavigalugu.
Aallartitat siulittaasuat Vivian Motzfeldt
Imm./pkt.: 44
INI A/S-ip, Illuut A/S-ip kiisalu Namminersorlutik Oqartussat illuutaannik aallaqqaataasumik akiliutigineqartartut kattunneqarnissaat pillugu Naalakkersuisut UPA2020-mut pilersaarusioqqullugit peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit