Arlaat toqqaruk

Oqaluuserisassat oqaluuserineqarfissaasalu ullui

2019-imi Upernaakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5x
Partiit siuttuisa apeqqarissaarnerat.
Nal. 10:00-imiit 12:00-imut apeqquteqarfissaq.

Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat

Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq. (Matoqqasumik ataatsimiinneq)
Inatsisartut Siulittaasoqarfiat

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq. (Matoqqasumik ataatsimiinneq)
Inatsisartut Siulittaasoqarfiat

Imm./pkt.: 6
2019-mi Inatsisartut Ukiakkut ataatsimiinnissaata aalajangiiffigineqarnera.
Inatsisartut Siulittaasoqarfiat

Imm./pkt.: 10
2019-imi Aningaasaqarnikkut ingerlatsineq pillugu nalunaarut.
Aningaasaqarnermut Nunanilu Avannarlerni suleqatigiinnermut Naalakkersuisoq

Imm./pkt.: 12
2020-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiiffigisassaattut siunnersuut:
1. Inummut ilanngaat..............................................................kr. 48.000 (ukiumut)
2. Ilanngaat aalajangersimasoq..............................................kr. 10.000 (ukiumut)
3. Aningaasarsiat B-t akileraaruteqaataasussaanngitsut.....kr. 5.000 (ukiumut)
4. Killilimmik akileraartussaatitaasunut ilanngaat……......kr. 1.000 (ukiumut)
5. Kommuninut ataatsimut akileraarut........................................6%
Aningaasaqarnermut Nunanilu Avannarlerni Suleqatigiinnermut Naalakkersuisoq

Imm./pkt.: 16
Naalakkersuisunik qinersineq.
Naalakkersuisut Siulittaasuat

Uunga siunnersuut: Sanaartornermi neqerooruteqartitsisarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019- imeersoq. (Suliariumannittussarsiuussisarnermut maalaaruteqartarneq pillugu aalajangersakkat allanngortinneqarnerat)
Ineqarnermut Attaveqaqatigiinnermullu Naalakkersuisoq

Imm./pkt.: 25
Inatsisartut aalajangiiffigisassaattut siunnersuut Namminersorlutik Oqartussat ilalissagaat piginneqqaartussaatitaaneq pillugu inatsisip Kalaallit Nunaanni atortuulersinneqarnissaa Kunngip peqqussutaatigut.
Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq

Imm./pkt.: 28
Issittup Imartaata qeqqani malittarisassaqanngitsumik aalisarnerup pinngitsoortinnissaa pillugu isumaqatigiissummik Kunngeqarfiup Danmarkip atuutsitsilernissaata Namminersorlutik Oqartussanit akuerineqarnissaa pillugu Inatsisartut aalajangiiffigisassaattut siunnersuut.
Aalisarnermut, Piniarnermut Nunalerinermullu Naalakkersuisoq

Imm./pkt.: 30
Nuungaatsiarmiut Illorsuarmiullu qimarnunneqarneranni, inuiaqatigiinniit inissanik taarsiiluni agguaassinermi neqeroorutaasut pillugit apeqquteqaat aallaavigalugu oqallinnissamik siunnersuut.
Inatsisartunut ilaasortaq Karl-Kristian Kruse, Siumut

Imm./pkt.: 32
Allannguutissatut siunnersuut Sanaartornermut Ataatsimiititalimit isumaqatigiittumit saqqummiunneqartoq akuerineqarpoq.
Aqqusinernik aaqqissuussinernut pilersitsisarnernullu, ilisimalikkanik ataqatigiissaariitigaluni katersuivimmik, kommunillu susassaqarfimmi suliniutaannik ikorfartuisarfimmik aqqusineqarnikkut ingerlatsivimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Hermann Berthelsen, Siumut

Imm./pkt.: 34
Avammut tunioraaneq pillugu Naalakkersuisunut susassaqartunullu sumulluunniit attuumassuteqanngitsumik nalilersueqqissaarluni inassuteqaasiortartussamik, Avammut Tunioraarneq pillugu Siunnersuisooqatigiinnik kingusinnerpaamik UPA2020-imi pilersitseqqullugit Naalakkersuisut peqquneqarnissaannik siunnersuut. Ilanngullugu siunnersuutigineqarpoq, avammut tunioraarnerup siuarsarneqarneranut suliniutit ingerlaavartumik nalilersorneqartarnissaat siunnersuisooqatigiit suliassaannut ilaatinneqassasoq.
Inatsisartunut ilaasortaq Karl-Kristian Kruse, Siumut

Imm./pkt.: 35
Naalagaaffiit Peqatigiit (NP) Meeqqat pillugit Isumaqatigiissutaata tamarmiusup Kalaallit Nunaanni tamarmi atuutsinneqarlernissaa anguniarlugu aammalu Meeqqat Illersuisuata inassuteqaataanut matumunnga aalajangiiffigisassatut siunnersuummut ilanngussatut ilaatinneqartunut naammassinnittumik ingerlaasissamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Laura T. Uitsatikitseq, Siumut

Imm./pkt.: 39
Siull. UKA 2019
Aapp. UKA 2019
Aningaasanut inatsimmi konto pingaarneq 64.01.05 naapertorlugu inuussutissarsiutitigut nunaqarfinnut isorliunerusunullu siuarsaanermik tapiissutinik suliassap ulloq 1. januar 2020 aallarnerfigalugu Namminersorlutik Oqartussanit kommuninut nuunneqarnissaanik, apeqqutillu tassunga attuumassuteqartup 2019-p ingerlanerani kommuninik ataatsimoortumik tapiissutinik isumaqatiginninniarnermut ilanngunneqarnissaanik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 42
Aalajangiiffigisassatut siunnersuummut uunga ilanngussaq 1 naapertorlugu piaarnerpaamik, kingusinnerpaamillu ulloq 1. oktober 2019-mi atuutilersussamik, Meeqqanut ulloq unnuarlu paaqqinniffinnik pilersitsineq ingerlatsinerlu pillugit Namminersorlutik Oqartussat nalunaarutaannut nr. 1, 25. januaari 2019-imeersuut allannguinissamik Naalakkersuisut peqquneqarnissaat pillugu Inatsisartunut aalajangiiffigisassatut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 43
Allannguutissatut siunnersuut Naalakkersuisunit saqqummiunneqartoq akuerineqarpoq.
Meeqqat Atuarfianni atuartut akornanni pimmatiginnittarneq pinaveersaartinniarlugu periusissiamik kingusinnerpaamik UPA2020-mi saqqummiunneqartussamik Naalakkersuisut peqquneqarnissaannik Inatsisartut aaliangiiffigisassaattut siunnersuut. Periusissiap atuutsinneqalernissaanut suliniutit assigiinngitsut qaqugukkut aallarnisarneqarnissaannut piffissalersuut ilanngunneqassaaq.
Inatsisartunut ilaasortaq Aqqa Samuelsen, Inuit Ataqatigiit

Imm./pkt.: 44
INI A/S-ip, Illuut A/S-ip kiisalu Namminersorlutik Oqartussat illuutaannik aallaqqaataasumik akiliutigineqartartut kattunneqarnissaat pillugu Naalakkersuisut UPA2020-mut pilersaarusioqqullugit peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Aqqaluaq B. Egede, Inuit Ataqatigiit

Imm./pkt.: 45
Ujaqqat pinnersaasiassat aalajangersimasut nunatsinni piaarneqarsimasut su-liareqqaarlugit sileqqaarlugillu nunatsinniit anninneqartarnissaat pi-umasaqaatigineqalissagaluarpat pitsaaqutigisinnaasai pitsaanngequtigisin-naasaalu pillugit apeqquteqaat aallaavigalugu oqallisissiaq.
Inatsisartunut ilaasortaq Peter Olsen, Inuit Ataqatigiit

Imm./pkt.: 46
Allannguutissatut siunnersuut Inuussutissarsiornermut Aatsitassanullu Ataatsimiititaliamut saqqummiunneqartoq akuerineqarpoq
Ujaqqanik pinnersaasiassanik nunatsinneersuunerannik uppernarsaammik allagartalersuinermik pilersitsillutik atuutitsilernissaannik Naalakkersuisut peqquneqarnissaannik inatsisartut aaliangiiffigisassaattut siunnersuut. Tunngavineqassalluni ujaqqat pinnersaasiassat nunatsinneersut ujaqqallu qiperukkat nunatsinneersut pillugit uppernarsaammik allagartaliisarneq pillugu nalunaarusiaq juni 2017-meersoq.
Inatsisartunut ilaasortaq Peter Olsen, Inuit Ataqatigiit

Imm./pkt.: 47
2020-mut aningaasanut inatsimmi ukiuni sisamani ukiumut 6 mio. kr-inik immikkut misileraalluni aningaasaliissuteqarnissamik Naalakkersuisut peqquneqarnissaannut Inatsisartuni aalajangiiffigisassatut siunnersuut. Suliniummut aningaasaliissutit 2020-mit meeqqanut inuusuttunullu sumiginnakkanut qimarnuinnik (isumassuivinik) pilersitsinermik misiligutitut suliniutinut sukumiisunut qinnuteqarnikkut kommuninut atugassanngortinneqassapput.
Inatsisartunut ilaasortaq Peter Olsen, Inuit Ataqatigiit

Imm./pkt.: 48
Allannguutissatut siunnersuut Ataatsimiititaliami amerlanerussuteqartut Siumumit aamma Demokraatinit saqqummiunneqartoq akuerineqarpoq
FN-ip inuit innarluutillit pisinnaatitaaffii pillugit aalajangersagaanut Nunatta malitsitsinissaa qulakkeerniarlugu nuna tamakkerlugu iliuusissatut periusissiamik kingusinnerpaamik UPA 2020-mi saqqummiunneqartussamik Naalakkersuisut suliaqarnissaat pillugu Inatsisartut aalajangiiffgisasasattut siunnersuut.
Inuit Ataqatigiit Inatsisartuni ilaasortaatitaat

Imm./pkt.: 49
Siull. 18/10-2018
Imm. 49, 81 aamma 140 ataqatigiisillugit siullermeerneqarput.
Allannguutissatut siunnersuut Inatsisinut Ataatsimiititaliamit saqqummiunneqartoq akuerineqarpoq.
Peqquserluuteqartarnerup akiorniarnerani suliniutit qanoq nukittorsarneqarsinnaanerat pillugu UKA 2019-mi nassuiaammik innersuussutitalimmik agguaasseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Nassuiaammi aamma allaasereqquneqarput iluaqutissat ajoqutillu aamma aningaasatigut kingunissat inatsisitigullu tunngavissat, arlaannaannulluunniit attuumassuteqanngitsumik Peqquserlutsaaliuisussanik pilersitsisoqassasuuppat taamatullu aamma peqquserlutsaaliuisussat pillugit inatsisiliortoqassasuuppat, peqquserluuteqartarnerup akiornerani suliniutinik katersiviusussamik.
Inatsisartunut ilaasortaq Steen Lynge, Demokraatit

Imm./pkt.: 51
UPA2020 tikitsinnagu uangut politikerit mingutsitsinnginnerunissamut silallu pissusaanik allanngortitsinnginnerusussanik iliuusissatsinnut innersuussisussamik suleqatigiisitamik immikkut ilisimasalinnik inuttalimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Innersuussinerit tamarmik immikkut imaqassapput aningaasatigut kingunerusussanik inuiaqatigiinnut aamma innuttaasunut/sullivinnut.
Inatsisartunut ilaasortaq Steen Lynge, Demokraatit

Imm./pkt.: 52
Allannguutissatut siunnersuut Naalakkeruisunit saqqummiunneqartoq akuerineqarpoq.
Landskarsimit tapiiffigineqartartussamik nammineq piumassuseq tunngavigalugu suliffissaaleqilernissamut sillimmasiisarfimmik pilersitsisinnaanermut atatillugu inuiaqatigiinnut sulisartunullu aningaasatigut iluaqutissartai akorngutaalu pillugit misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermi ilanngunneqassapput periuseq ataatsikkut sullivinnut tamanut atuuttoq kiisalu periuseq sullivinnut assigiinngitsunik suliaqartunut ataasiakkaanut atuuttussaq ilaatillugu kattuffiit pineqartumut isumaat. Misissuinerup inernera Inatsisartunut ilaasortanut agguaanneqassaaq kingusinnerpaamik UKA2020-mi.
Inatsisartunut ilaasortaq Steen Lynge, Demokraatit

Arnat naartusut erninissaannut sapaatip akunneri sisamaannanngortut tagginneqarneraniit naartunerminnut atatillugu sulinngiffeqartalernissaat pillugu Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata nr. 14-p, 7. december 2009-imeersup allannguutissaanik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 56
Siull. 23/10-2018
Aappass. UKA 2020
Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaat allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, maannakkut periuseq imatut allanngortillugu, partiit Inatsisartuni sinniisuutitaqartut tunngaviusumik 850.000 koruuninik tapiissummik pisalersillugit kiisalu kingullermik Inatsisartunut qinersinerup inernera tunngavigalugu taasinermut ataatsimut 200 koruuninik pisalersillugit. Attaviitsut taasinermut ataatsimut 200 koruuninik ukiumut tapiissutisisalersinneqassapput agguaqatigiisitsineq 1/31 atorlugu kiisalu taasinerit tamarmiusut tunngavigalugit. Allannguineq atulersinneqassaaq ulloq 1. januaari 2019 aallarnerfigalugu.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 57
Allannguutissatut siunnersuut Inuussutissarsiornermut Aatsitassanullu Ataatsimiititalimit isumaqatigiittumit saqqummiunneqartoq akuerineqarpoq.
Tallimanngornerup arfininngornerullu unnuaani kiisalu ullut freerfiusussat nallilerneranni ullaassakkut 05.00-p tungaanut imigassamik sassaaliisalernissaq anguniarlugu Imigassamut inatsimmi § 26-p allanngortinnissaanut siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Justus Hansen, Demokraatit

Imm./pkt.: 58
Immiaaqqat aalakoornartortaqanngitsut eqqunneqarsinnaaleqqullugit nioqqutaalersinnaaqqullugillu immiaaqqat imeruersaatillu puui pillugit nalunaarummut (Immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutaannut nr. 16, 28. maj 2002-imeersumut) ilaajunnaarseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Justus Hansen, Demokraatit

Imm./pkt.: 59
Allannguutissatut siunnersuut Naalakkersuisunit saqqummiunneqartakuerineqarpoq.
Meeqqat atuarfiani digitalimut piorsaanerup taamatullu digitalimik atuinerup immikkut ilinniartitsissutigineqartalernissaat anguniarlugu inatsisissamut siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliamut tassunga atatillugu Naalakkersuisut attavigissavaat Institut for Læring aamma kommunit siunertaralugu UV-mut atortunik naapertuuttunik ineriartortitsinissaq aamma ilinniartitsisutut ilinniagaqareersut ilinniaqqissinnaanissaat.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 60
Immikkut akileraarummik taamaallaat Kalaallit Nunaanni Ilagiinni ilaasortanit akilerneqartartussamik eqqusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 61
Aappass. UKA 2019
Qitiusumik kiassaateqarfinnik kissarsuuteqarfinnillu Namminersorlutik Oqartussanit toqqaannanngitsumik toqqaannartumilluunniit pigineqartunik atuisinnaanerup Nukissiorfinnut kingusinnerpaamik 1. januar 2020-mi tunniunneqarnissaanik qulakkeerinneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Atuisinnaanerup nuunneqarnera ilutigalugu kiassaateqarfinni aningaasat uninngasuutit Nukissiorfinnut nuunneqassapput. Atuisinnaanerup nuunneqarnerani atortulersuutit aserfallatsaalineqarnissaannut pisussaaffiit atuuttut allanngortinneqassanngillat atortulersuutillu piumasaqaatit Naalakkersuisunit aalajangersarneqartut naapertorlugit aserfallatsaalineqartussaassapput.
Inatsisartunut ilaasortat Anders Olsen, Pele Broberg, Nikkulaat Jeremiassen, Peter Olsen aamma Justus Hansen

Imm./pkt.: 62
Sul. UKA 2019
Namminersorlutik Oqartussat suliffeqarfiutaanni aktieselskabini siulersuisuinut siulittaasunik toqqaasarneq pillugu oqallinnissamik siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 65
Provstudvalgip atorunnaarsinneqarsimanerata nalilersueqqittoqarnissaanik UKA2019-imut piumasaqaat. Nalilersuinerup imarissavaa provstudvalgip atorunnaarsinneqarnerani sunniutit suut uuttuuttigineqarsimanersut neriuutillu suut eqquussimannginnersut. Nalilersuinerup naggataarutaasumik imarissavaa provstudvalgip atulerseqqinneqarnissaanut suut innersuussutaassanersut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 66
Siull. UKA 2019
Aappass. UKA 2019
Inatsisip nr. 262, 16. marts 2016 ilanngunnissaannut, selskab-it inatsisaata, inuussutissarsiutigalugu suliffeqarfiutilinnut inatsisaata, inuussutissarsiutigalugu fond-it inatsisaata, inatsisillu tamalaat (Piginnittuiit nalunaarsornissaat eqqunneqarnissaanut) allanngortinnissaat anguniarlugit Naalakkersuisut, Danmark-ip Naalakkersuisuinut attaveqarnissaannut peqquneqarnissaannik, Inatsisartut aalajangiiffigisassaattut siunnersuut.
Partii Naleqqamit Inatsisartunut ilaasortaatitai

Imm./pkt.: 67
Namminersorlutik Oqartussat pigisaanni, pisortat suliffeqarfiutaanni misissueqqissaarnermi iluaqutaasinnaasut aamma ajoqutaasinnaasut selskabit niuertorpalaartumik ilusiligaasimanerannut aaqqissuussisimanermi siunertaqartunuinnaanngitsoq taamaattorli aamma immikkuullarissumik politikikkut qajassuussinissaq pillugu UKA2019-mut saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Partii Naleraq

Imm./pkt.: 68
Sul. UKA 2019
Kalaallit Nunaat Namminiilivittoq Kalaallinut Inuiannut pillugu apeqquteqaat aallaavigalugu oqallinnissamik siunnersuut.
Partii Naleqqamit Inatsisartunut ilaasortaatitai

Imm./pkt.: 70
Sul. UKA 2019
Meeqqat atuarfianni, inuussutissarsiutinut, ilisimatusarfimmi il.il. ilinniartut ilitsoqqussaralugit kalaallisut oqaatsitik atorlugit inaarutaasumik misilitsittarnissaasa allatulluunniit misilitsittarnissaasa qanoq qulakkeerneqarsinnaanera pillugu apeqquteqaat aallaavigalugu oqallisissiatut siunnersuut.
Inatsisartunut ilaasortaq Jens Napãtôk´, Partii Naleraq

Imm./pkt.: 81
Siull. 18/10-2018
Imm.49, 81 aamma 140 ataqatigiisillugit siullermeerneqarput.
Immikkoortortamut arlaannaannulluunniit naammattumik attuumassuteqanngitsumut whistleblowerit pillugit misissuineq nooqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 85
Akiliut atorlugu aningaasartuutit, ilassinninnermut aningaasartuutit kiisalu angalanermut aningaasartuutit ilassutitallit Naalakkersuisutut sulinermut atatillugu aningaasartuutit qaammatit pingasukkaarlugit tamanut takusassiarisalernissaat anguniarlugu Naalakkersuisut siunnersuusioqqullugit peqquneqarnissaannik Inatsisartut aalajangiiffigisassaattut siunnersuut. Siunnersuut saqqummiunneqassaaq UPA2020-mi.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 88
Allannguutissatut siunnersuut Naalakkersuisunit saqqummiunneqartoq akuerineqarpoq.
Nunami maani angerlarsimaffeqanngitsut pillugit ajornartorsiuteqarnermut aaqqiissutissanut eqqarsartussamik suleqatigiisitamik suligasuartussamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitaq politikerinut aaqqiissutissanik tigussaasunik siunnersuuteqassaaq innersuussuteqarlunilu aamma kingusinnerpaamik ulloq 31. august 2019 saqqummiussissaaq suliniutissat akilersornissaannut aaqqiissutissanullu.
Inatsisartunut ilaasortaq Tillie Martinussen, Suleqatigiissitsisut

Imm./pkt.: 92
Angallatit nuannaariutit pillugit aammalu angallatinut nuannaariutinut tamanut isumannaallisaanermut ajunaalernermullu atortoqarnissamut piumasaqaateqalernissaq pillugu imaani isumannaallisaaneq pillugu apeqquteqaat aallaavigalugu oqallinnissamut siunnersuut.
Inatsisartunut ilaasortaq Aleqa Hammond, Nunatta Qitornai

Imm./pkt.: 97
Konflikråd-imut inatsit nr. 467 12. juni 2009-meersoq, tassa pineqaatisseereersimanerup qaangernerani pinerlussimasup pinerluffigineqartullu akornanni kiinneqatigiilluni oqaloqatigiissinnaanermut siunnersuineq, Kunngip akuerisaanik Kalaallit Nunaannut atuutilersinneqarsinnaasunngortikkumallugu Naalakkersuisut danskit Naalakkersuisuinut isumaqatiginninniarnissaannik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aleqa Hammond, Nunatta Qitornai

Imm./pkt.: 101
Sul. UKA 2019
Ilaqutariit nukittorsarumallugit ilaqutariinnik siunnersuisartut (coaching) pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Nivi Olsen Demokraatit

Imm./pkt.: 102
Sul. UKA 2019
"17-nik ukiulinnut biilernermut allagartamik misiliutigalugu tunniussisarnissaq pillugu nalunaarut" 2017-mi januarip ulluisa aallaqqaataani atuutilersoq akuerissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Randi Vestergaard Evaldsen, Demokraatit

Imm./pkt.: 103
Siull. 5/11-2018
Allannguutissatut siunnersuut Demokraatinit saqqummiunneqartoq akuerineqarpoq.
Inuussutissanik allagartalersuisarneq pillugu Namminersornerullutik Oqartussat nalunaarutaanni nr. 1-mi, 2. februar 1994-imeersumi § 11 imm. 2 nummer 1-p allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, nalunaaqutsersuisarneq aamma tuluttut pisinnaanngortillugu.
Inatsisartunut ilaasortaq Steen Lynge, Demokraatit

Imm./pkt.: 107
Siull. 25/10-2018
Allannguutissatut siunnersuut Suleqatigiissitsisunit saqqummiunneqartoq itigartinneqarpoq.
Aningaasartuutit suulluunniit Inatsisartunit taakkulu allattoqarfianit aningaasartuutigineqartut kikkunit tamanit takuneqarsinnaanngornissaat pillugu taamatullu kikkut tamarmik paasiniaasinnaanngornissaat pillugu Inatsisartut Suleriaasiata allanngortinnissaanut Inatsisartut Siulitaasoqarfiat siunnersuuteqaqqullugu peqquneqarnissaanik Inatsisartut aalajangiiffigisassaattut siunnersuut.
Inatsisartunut ilaasortaq Niels Thomsen, Demokraatit

Imm./pkt.: 109
Tamanut ammasumik tusarniaanerni ammanerunissap qulakkeerneqarnissaanik Naalakkersuisut peqquneqarnissaannik Inatsisartuni aalajangiiffigisassatut siunnersuut. Minnerpaamik tusarniaanernut najoqqutassanik tamanit pissarsisinnaanisssaat qulakkeerneqassaaq.
Inatsisartunut ilaasortaq Múte Bourup Egede, Inuit Ataqatigiit

Imm./pkt.: 110
Allannguutissatut siunnersuut Inuussutissarsiornermut Aatsitassanullu Ataatsimiititaliamut saqqummiunneqartoq akuerineqarpoq
Tugtupitsi nunatsinni pinnersaasiassatut pisortatigoortumik nunatta ujaraatut toqqarneqarnissaanik kiisalu pilersaarummik aammalu avammut niuernermi ussassaarusiornissamut periusissiamik UPA 2020-imut saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Inuit Kalaallit Nunaanni najugaqavissut ujaqqanik pinnersaasiassanik suliaqarnerminni aningaasaqarnerisa siuarsarneqarnissaat matumani suliniuteqarnermi siunertarineqarpoq.
Inatsisartunut ilaasortaq Múte Bourup Egede, Inuit Ataqatigiit

Imm./pkt.: 111
Allannguutissatut siunnersuut Naalakkersuisunit saqqummiunneqartoq akuerineqarpoq.

Imm./pkt.: 112
Inuit ernumanermik isummakkullu nanertisimanermik eqqugaasartut isumassorneqarluarnissaat qulakkeerniarlugu nuna tamakkerlugu iliuusissatut pilersaarummik kingusinnerpaamik UPA2020-mi saqqummiunneqartussamik Naalakkersuisut suliaqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Aqqa Samuelsen, Inuit Ataqatigiit

Imm./pkt.: 117
Meeqqat atuarfianni pisortat, ullumikkut piumasaqaataareersut saniatigut, pisortaasinnaanissaminnut atuarfinni pisortatut ilinniagaqarsimanissaannut piumasaqaateqarnissaq pillugu Naalakkersuisut siunnersuummik suliaqaqqullugit peqquneqarnissaannik siunnersuut. Piumasaqaat ilinniartitaanikkut aaqqissuusseqqinneq aallartinneqarsimasoq eqqarsaatigalugu meeqqat atuarfiat pillugu inatsisissatut siunnersuutissatut naatsorsuutigineqartumut kingusinnerpaamik ilanngunneqassaaq.
Inatsisartunut ilaasortaq Sofia Geisler, Inuit Ataqatigiit

Imm./pkt.: 118
Qanoq iliorluni nunatsinni inoqarfiit inuerukkiartortut, inuerukkiartornerisa illuanut saatsinnissaa pillugu apeqquteqaat aallaavigalugu Inatsisartunut oqallisissiaq.
Inatsisartuni Siumup gruppiani ilaasortat

Imm./pkt.: 119
Kinguaassiuutitigut atornerluisoqarsimatillugu ilaqutariit eqqugaasut ataatsimoortillugit avissaartuutsinnagit piffinni katsorsaqatigiittalernissaat anguniarlugu qanoq iliiuuseqartoqarsinnaanera pillugu apeqquteqaat aallaavigalugu inatsisartunut oqallisissiaq.
Inatsisartunut Siumup gruppiani ilaasortat

Imm./pkt.: 120
Allannguutissatut siunnersuut Inuit Ataqatigiinnit saqqummiunneqartoq itigartinneqarpoq.
Inissianik attartortitsisarneq pillugu Inatsisartut peqqussutaata § 60-ip allannguutissaanik kingusinnerpaamik UKA 19-mi saqqumiusseqqullugit Naalakkersuisut peqquneqarnissaanik inatsisartut aalajaangiiffigisassaattut siunnersuugut. Taamaalilluni attartortup toqukkut qimagunnerani utoqqat illuanulluunniit nuunnerani inoqutigiinni najugaqartut inigisaminnik anisinneqarsinnaanerannik pitsaanerusumik illersorneqarsinnaasunngorlugit. Uani ilanngullugu § 60, imm. 2, uniffiup appaa peerneqassasoq, taamaalilluni aamma § 60, imm. 1 aamma 2 allanngortinneqassasut ukiut marluk najugaqarnissamik piumasaqaataasup qaammatinut arfinilinnut allanngortinneratigut.
Inatsisartunut ilaasortaq Peter Olsen, Inuit Ataqatigiit

Imm./pkt.: 121
Ilinniagaqarnersiutit pillugit nalunaarutip allannguutissaatut siunnersuuummik kingusinnerpaamik UKA 2019 sioqqullugu saqqummiusseqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut. Taamaalilluni ilinniartup ilinniarluni aallartinnermi kingorna, akiliunneqarluni angalasinnaatitaanini siulleq juullimi imaluunniit aasakkut atuanngiffiup nalaani atussanerlugu nammineerluni aaliangersinnaaleqqullugu.
Inatsisartunut ilaasortaq Peter Olsen, Inuit Ataqatigiit

Imm./pkt.: 122
Allannguutissatut siunnersuut Naalakkersuisunit saqqummiunneqartoq akuerineqarpoq.
Naalakkersuisut kingusinnerpaamik UPA2020-mi Kalaallit Peqqissartut Angerlarsimaffianni kalaaliminernik atuinerup qanoq iliorluni annertusineqarsinnaanera pillugu misissuinermik suliaqarnissaat pillugu Inatsisartuni aalajangiiffigisassatut siunnersuut. Misissuinermi - ajornanngippat - igaffissuarmi igaat kalaaliminersunninnerat qanoq ililluni annertunerulersinnaanera pillugu kaammattuuteqarfigineqassaaq.
Inatsisartunut ilaasortaq Stine Egede, Inuit Ataqatigiit

Imm./pkt.: 125
Allannguutissatut siunnersuut Naalakkeruisunit saqqummiunneqartoq akuerineqarpoq
Kræftimik nappaateqarnerup paasineqarnerata kingorna ullut 28-t qaangiutsinnagit kræfteqartut katsorsarneqarnissamut tamarmik pilersaarusiuunneqartarnissaat qanoq qulakkeerneqarsinnaanersoq kingusinnerpaamik ulloq 1. november 2019-mi qulaajaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Tamatumani nunatsinni kræfteqarlutik toqusartut ikilisinneqarnissaannik anguniagaqarnerup anguneqarnissaa siunertarineqarluni.
Inatsisartunut ilaasortat Stine Egede aamma Sofia Geisler Inuit Ataqatigiit

Imm./pkt.: 126
Kalaallit Nunatsinni ullumik pinngortitamut qujaniarfimmik Naalakkersuisut pilersitsinissamik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mimi Karlsen, Inuit Ataqatigiit

Imm./pkt.: 128
Allannguutissatut siunnersuut Ilaqutariinnermut Peqqissutsimullu Ataatsimiititaliamit isumaqatigiittumit saqqummiunneqartoq akuerineqarpoq.
Nunatsinni innarluutillit ilinniartitaanikkut suliffeqarnikkullu atugaannik misissuinerup kingusinnerpaamik UPA 2020-mi saqqummiunneqarnissaanik Inatsisartut aalajangiiffigisassaattut siunnersuut. Ilinniarfiusinnaasutut suliffiusinnaasutullu piukkunnaatillit qanoq tapersersorneqartiginerannik aammalu inunnit pineqartunit inuiaqatigiinnillu pisariaqarneratut atorneqartiginerannik erseqqinnerusumik qulaajaanermik misissuineq imaqassaaq, soorluttaaq misissuineq innarluutillit ilinniartitaanerannut suliffeqarneranullu tunngasumik siunissami ilisimasaqalernissamut qulakkeerinnittumik aalajangiisoqarneranik malitseqartinneqassasoq.
Inatsisartunut ilaasortaq Aqqa Samuelsen, Inuit Ataqatigiit

Imm./pkt.: 131
Nakorsat namminersortut nakorsiartarfimmik ingerlatsinissaminnut inatsisitigut allatigullu aporfigisinnaasartagaannik Naalakkersuisut UKA2019-mut misissueqqullugit peqquneqarnissaannik Inatsisartut aalajangiiffissaattut siunnersuut. Misissuinermilu siunnersuutigineqassaaq aporfiusinnaasut qanoq aaqqinneqarsinnaasersut.
Inatsisartunut ilaasortaq Siverth K. Heilmann, Atassut