Ullormut oqaluuserisassat
Ullut ataatsimiiffiusut qulingat, marlunngorneq 3. May 2022, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 28
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Napparsimasup najugaqarfimmi avataani misissorneqarnerani katsorsarneranilu kiffartuussinerit pillugit Namminersornerullutik Oqartussat nalunaarutaat nr. 2, 24. januar 2005-meersumi §9 meeqqanut arfinillit inorlugit ukiulinnut ingiaqataasinnaasut inuit marlunngortinnissaanik Naalakkersuisunut allanngorteqqullugu aalajangiiffigisassatut siunnersuut.
Inatsisartunut ilaasortaq Agathe Fontain, Inuit Ataqatigiit
Imm./pkt.: 18
Aningaasalersuisarnermik ingerlataqarneq pillugu peqqussutip Kalaallit Nunaanni atuutilerneqarneranut Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Aningaasaqarnermut, Naligiissitaanermullu Naalakkersuisoq
Imm./pkt.: 43
Aappassaaneerinermut allannguutissatut siunnersuut Aningaasaqarnermut Akileraartarnermullu Ataatsimiititaliamit saqqummiunneqartoq.
Inoqarfinnut isorliunerusuniittunut nunaqarfinnullu periarfissat pillugit inuttut ilanngaammut, nuna tamakkerlugu akileraarutip appasinneruneratigut, ilinniarnermilu taarsigassarsiniarnermi taarsersuinermut iluaqusersuinerit il. il. nunatsinni atulersinnaanerat pillugu Norgemi Finnmarkimut atugassaritinneqartut isumassarsiorfigalugit Naalakkersuisut misissueqqullugit peqquneqarnissaannik Inatsisartut aalajangiiffigisassaattut siunnersuut. Misissuinermi periutsit taamaattut nunatsinni atuutsinneqalersinnaanerannut aningaasaqarnikkut allaffissornikkullu pisortanut, namminersortunut innuttaasunullu aningaasatigut malitsigisassaat ilaatinneqassapput. Misissuinerup inerneri kingusinnerpaamik UPA2023-imi inatsisartunut agguaanneqariissapput.
Siumumi Inatsisartunut gruppiat
Imm./pkt.: 51
2. Sul. UKA 2022
Nunatsinni illoqarfinni avinngarusimasuniittuni peqqissaaviit minnerni nakorsaqarniarneq aammalu peqqinnissaqarfimmi sulisunik amigaateqarneq pillugu Naalakkersuisut UPA2023 nallertinnagu nassuiaasioqquneqarnissaannik Inatsisartut aalajangiiffigissaassaattut siunnersuut.
Naleqqap Inatsisartunut ilaasortaatitai
Imm./pkt.: 37
Matumuuna siunnersuutigaara Naalakkersuisut peqquneqassasut Danskit Naalakkersuisuinut saaffiginneqqullugit Kangaatsiami piaartumik politeqarfeqalernissaanik noqqaassuteqaqqullugit.
Inatsisartunut ilaasortaq Hans Aronsen, Inuit Ataqatigiit