Ullormut oqaluuserisassat
Ullut ataatsimiiffiusut arfineq-aappaat, marlunngorneq 26. April 2022, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 106
Siull. 9/11-2021
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Siku Blocki malillugu nunatsinni sanaartornermut atugassatut pilersitsisoqarsinnaanera, taamaaliornikkut nunatsinni illuliornerup aningaasatigut imminut nammassinnaasumik ingerlanissaanut ilapittuutinngorlugu periarfissiuunnissaa pillugu Naalakkersuisut UKA2022-mi nassuiaammik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Agathe Fontain, Inuit Ataqatigiit
Imm./pkt.: 80
Siull. 11/11-2021
Eqqakkat plastikkiusut atoqqinneqarsinnaanngornissaannik, sanaartornikkullu atorneqarsinnaanngortinnissaannik periarfissat suunersut pillugu Naalakkersuisut UKA2022-mut agguaassassamik nassuiaasioqqullugit Inatsisartut aalajangiiffigisassaattut siunnersuut. Nalunaarusiami pisortat namminersortullu suleqatigiissutigisinnaat, aningaasartuutaasinnaasut, inatsisitigut suut allannguutaasariaqarnersut, allatigullu tapeeriaatsikkut periarfissiisinnaanissaq minguinnerusumut ikaarsaariarnissamullu iliuusissat qulaajarneqassapput, kiisalu immikkoortiterinermut atortorissaarutit allallu sanaartugassaasariaqarnersut ilanngunneqassapput.
Inatsisartunut ilaasortaq Aqqalu C. Jerimiassen, Atassut
Imm./pkt.: 166
Siull. 10/11-2021
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Illoqarfinni nunaqarfinnilu, immap tinittarnera ulerujussuartarneralu pillugit, angallatinut umiarsuarnullu talittarfiit qarsunneqartaleriartuinnarneri, isumannaannerusumik aaqqissuunneqarnissaat siunertaralugu, UKA2022-mut naammassereersimasussamik Naalakkersuisut pilersaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Siverth K. Heilmann, Atassut
Imm./pkt.: 83
Siull. 10/11-2021
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Ilulissat kangerluata UNESCO-miittortaata angissusaata pitsaaqutai ajoqutaalu pillugit Naalakkersuisut UKA2022-mut saqqummiussassamik nassuiaasioqqullugit peqquneqarnissaanut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut)
Imm./pkt.: 82
Siull. 10/11-2021
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnerat itigartinneqarpoq.
Kinguaassiutitigut peqquserlunnikut sakkortunerusumik pineqaatissinneqarsinnaalernissaat pillugu Naalakkersuisut Naalagaaffimmi oqartussaasunut saaffiginnissuteqarnissaat pillugu Inatsisartut aalajangiiffigisassaattut siunnersuut.
Atassutip Inatsisartuni ilaasortaatitai
Imm./pkt.: 74
Siull. 10/11-2021
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnerat akuerineqarpoq.
Inatsisartut isummerfigisassaattut siunnersuut Naalakkersuisut peqquneqassasut meeqqat atuarfiannut tulluussakkamik inuit pisinnaatitaaffii pillugit atuartitsissutissanik kalaallisut ataqatigiissumik sananissamik aammalu taassuma saniatigut suliniutigineqassasoq, meeqqat atuarfianni atuartitsisut inuit pisinnaatitaaffii pillugit ilinniartitsinissamut pikkorissarneqassasut.
Inatsisartunut ilaasortaq Nivi Olsen, Demokraatit
Imm./pkt.: 168
Siull. 10/11-2021
Tunngaviusumik inatsisissaq pillugu isumalioqatigiisitap unitsinnissaa, kiisalu isumalioqatigiisitami sulinerup unitsinneqarnissaa pillugu Inatsisartut aalajangiineranniit atuutilersussamik Naalakkersuisut peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut
Imm./pkt.: 19
Kalaallit Nunaanni eqqartuussisarnermik inatsisip aamma naalagaaffimmi tjenestemandit Kalaallit Nunaanniittut pillugit inatsisip allanngortinneqarnissaannik inatsisissatut siunnersuummut missingiutip (Pinerluttulerinermi eqqartuussisarnermi digitalimik attaveqaatinik atuineq, suliassat nassuernertut suliarineqartut, najuutinngitsoornermi eqqartuussutit, eqqartuussisut aamma najukkami eqqartuussisut tunuartussaatitaanerannut ukioritinneqartut il.il.) Namminersorlutik Oqartussanit akuersissutigineqarnissaa pillugu Inatsisartut aalajangiiffigisassaattut siunnersuut.
Aatsitassanut Inatsisillu Atuutsinneqarnerannut Naalakkersuisoq