Samling
|
Anthon Frederiksen Uka- 2004-65/01
|
ulloq, 23. September 2004 |
Pinisiniarfiit ammasarfiisa malittarisassiuunneqarnissaannik inatsisissamik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuutip siullermeerneqarnera
Kattusseqatigiit sinnerlugit imaattumik oqaaseqarfigissuara:
Siullermik Kattusseqatigiinniit erseqqissaassutigissuarput; isumaqaratta sunik tamanik ingasaassilluni killilersuiniartarneq pissusissamisuunngitsoq, tassami Nunarujussuatsinni taama ikitsingaluta taamalu ”angallavissarput annertutigisoq periarfissarpassuaqartorlu allornivut tamaasa kisinneqalissappata” aamma ajorpallaassaqaaq sapaatikkut aneqqusaajunnaassangutta.
Ingasattajaarnertut taama oqaaseqarnera immaqa tiguneqarsinnaangaluarpoq, kisianni sunik tamanik ingasattajaarluni killilersuiniarnerit ingerlanneqaannassappata aatsaat iluamik isiginnaartuinnanngorsinnaanerput qaninnerulersinnaavoq, soorlu ippassaq Qanoroq-mi piniartut ilaat killilersuineq pillugu piniagatoqarsuarminnik isiginnaartuinnanngortussaq saqqummiussaqartoq, taanna assersuutigiinnarpara, pissutsit taamaattut nunatsinnut naleqqutinngilluinnarmata.
Taamaattumik Naalakkersuisut akissuteqaamminni pisiniarfiit ammasarfii pillugit nalinginnaasumik inatsiseqarnissaq pisariaqarsorinngimmassuk taakku tamakkiisumik isumaqatigaakka, tassami aamma Naalakkersuisut paasissutissiinerat naapertorlugu ilaatigut naalagiartarnerup ajoqusersorneqannginnissaa pillugu inerteqqut nalliuttut pillugit inatsimmeereerpoq.
Aamma malunginiartariaqartoq pingaarutilik tassaavoq atuisartut siunnersuisoqatigiivi apeqqummi aveqqangaluartut, taamaattoq sinerissami atuisartunut ataatsimiititaliani amerlanerussuteqartut maanna ammasarfiit killilersorneqanngitsumik atorneqarnerat ajorinngikkaat.
Kattusseqatigiinni isumaqarpugut nuernermik ingerlataqartut kiffaanngissuseqarlutik niuernermik ingertsisariaqartut, kisianni sapaatini nalliuttunilu mianerisariaqartut mianeralugit.
Taamaammat isumaqarpunga sinerissami atuisartut ataatsimiititaliaat amerlanerussuteqartut isumaat ataqqillugu tusaaniartariaqartoq, minnerunngitsumik aamma pisiniarfinni ammasarfiit malittarisassiuunneqassangaluarpata allaffissornikkut suliassat amerlanerulertussaanerat allaffissornermut ingerlatsinermut aningaasartuutinik qaffassaaqataasussaanera - naalakkersuinikkut allaffissornermut ingerlatsinermullu aningaasartuutinik apparsaaniarnermut naapertuutinngimmat.
Taamatut oqaaseqarlunga suliap taamatut isikkoqarluni aappassaanneerneqarnissaa inassutingaara.
|
Anthon Frederiksen Uka- 2004-65/01
|
ulloq, 23. September 2004 |
Pinisiniarfiit ammasarfiisa malittarisassiuunneqarnissaannik inatsisissamik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuutip siullermeerneqarnera
Kattusseqatigiit sinnerlugit imaattumik oqaaseqarfigissuara:
Siullermik Kattusseqatigiinniit erseqqissaassutigissuarput; isumaqaratta sunik tamanik ingasaassilluni killilersuiniartarneq pissusissamisuunngitsoq, tassami Nunarujussuatsinni taama ikitsingaluta taamalu ”angallavissarput annertutigisoq periarfissarpassuaqartorlu allornivut tamaasa kisinneqalissappata” aamma ajorpallaassaqaaq sapaatikkut aneqqusaajunnaassangutta.
Ingasattajaarnertut taama oqaaseqarnera immaqa tiguneqarsinnaangaluarpoq, kisianni sunik tamanik ingasattajaarluni killilersuiniarnerit ingerlanneqaannassappata aatsaat iluamik isiginnaartuinnanngorsinnaanerput qaninnerulersinnaavoq, soorlu ippassaq Qanoroq-mi piniartut ilaat killilersuineq pillugu piniagatoqarsuarminnik isiginnaartuinnanngortussaq saqqummiussaqartoq, taanna assersuutigiinnarpara, pissutsit taamaattut nunatsinnut naleqqutinngilluinnarmata.
Taamaattumik Naalakkersuisut akissuteqaamminni pisiniarfiit ammasarfii pillugit nalinginnaasumik inatsiseqarnissaq pisariaqarsorinngimmassuk taakku tamakkiisumik isumaqatigaakka, tassami aamma Naalakkersuisut paasissutissiinerat naapertorlugu ilaatigut naalagiartarnerup ajoqusersorneqannginnissaa pillugu inerteqqut nalliuttut pillugit inatsimmeereerpoq.
Aamma malunginiartariaqartoq pingaarutilik tassaavoq atuisartut siunnersuisoqatigiivi apeqqummi aveqqangaluartut, taamaattoq sinerissami atuisartunut ataatsimiititaliani amerlanerussuteqartut maanna ammasarfiit killilersorneqanngitsumik atorneqarnerat ajorinngikkaat.
Kattusseqatigiinni isumaqarpugut nuernermik ingerlataqartut kiffaanngissuseqarlutik niuernermik ingertsisariaqartut, kisianni sapaatini nalliuttunilu mianerisariaqartut mianeralugit.
Taamaammat isumaqarpunga sinerissami atuisartut ataatsimiititaliaat amerlanerussuteqartut isumaat ataqqillugu tusaaniartariaqartoq, minnerunngitsumik aamma pisiniarfinni ammasarfiit malittarisassiuunneqassangaluarpata allaffissornikkut suliassat amerlanerulertussaanerat allaffissornermut ingerlatsinermut aningaasartuutinik qaffassaaqataasussaanera - naalakkersuinikkut allaffissornermut ingerlatsinermullu aningaasartuutinik apparsaaniarnermut naapertuutinngimmat.
Taamatut oqaaseqarlunga suliap taamatut isikkoqarluni aappassaanneerneqarnissaa inassutingaara.