Ullormut oqaluuserisassat
Ullut ataatsimiiffiusut 28-iat, ataasinngorneq 30. novembarip 2015, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 119
Uunga siunnersuut: Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaata allanngortinnissaa pillugu Inatsisartut inatsisaat nr. xx, yy. 2015-imeersoq.
(§ 50-imi atuutilernissaanut piumasaqaatit allanngornerat)
(§ 50-imi atuutilernissaanut piumasaqaatit allanngornerat)
(Aningaasaqarnermut Aatsitassanullu Naalakkersuisoq)
Imm./pkt.: 85
Siull. 18/3-2015
Pingajussaaneerinninnermi Allannguutissatut siunnersuut Inatsisinut Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Uunga siunnersuut: Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat nr. x, xXx 2015-imeersoq.
(Timmisartuutileqatigiiffiit ilaasui pillugit paasissutissat atortutigut elektroniskiusutigut takuneqarsinnaanissaat kiisalu akitsuuserisut inunnik scannerillutik misissuisinnaanissaat)
(Timmisartuutileqatigiiffiit ilaasui pillugit paasissutissat atortutigut elektroniskiusutigut takuneqarsinnaanissaat kiisalu akitsuuserisut inunnik scannerillutik misissuisinnaanissaat)
(Aningaasaqarnermut Aatsitassanullu Naalakkersuisoq)
Imm./pkt.: 164
Siunnersuut: Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat nr. xx,xx xx 2015-imeersoq.
(Atorfinitsitsinermut soraarsitsinermullu pisinnaatitsinerit)
(Atorfinitsitsinermut soraarsitsinermullu pisinnaatitsinerit)
(Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq)
Imm./pkt.: 165
Uunga siunnersuut: Suliffeqarnermi innersuussisarneq il.il. pillugit Inatsisartut inatsisaata allannguuteqartinneqarnera pillugu Inatsisartut inatsisaat nr. xx yy 2015-imeersoq
(Nuttarnerulersitsinissamut ikiorsiissutit atorneqarnerulernissaat)
(Nuttarnerulersitsinissamut ikiorsiissutit atorneqarnerulernissaat)
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 91
Siull. 17/3-2015
Siunnersuut uunga: Tuniniaanissamik nittarsaassisarneq aamma nalunaaqutsersuisarneq pillugu Inatsisartut inatsisaat nr. xx, xx 2015-imeersoq. (tuniniaanissamik nittarsaassisarnermut inatsit)
(Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq)
Imm./pkt.: 17
Qinngornerit ioninngortitsisartut pillugit aamma qinngornernut illersuuteqarnissaq pillugu Inatsisartut Inatsisaannut nr. x, ulloq xx. xx 2015-imeersumut siunnersuut.
(Peqqissutsimut Nunani Avannarlerni Suleqatigiinnermullu Naalakkersuisoq)
Imm./pkt.: 149
Uunga siunnersuut: Inuussutissarsiummik ingerlataqarneq pillugu Inatsisartut inatsisaat nr. xx, xx.xx 2015-imeersoq.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 48
Inatsisartunut Naalakkersuisunullu il.il. ilaasortat aningaasarsiaqartitaanerat il.il. pillugit Inatsisartut inatsisaani § 6 imm. 6 naapertorlugu Naalakkersuisut allanngueqqullugit, Naalakkersuisut peqquneqarnissaannik Inatsisartut aalajangiiffigisassaattut siunnersuut taamaasilluni Naalakkersuisunut ilaasortat ulloq 1. januar 2016 aallarnerfigalugu Namminersorlutik Oqartussat atorfimmut atasumik pinngitsoorani inigisassatut inigitittagaanni ineqarnermut akiliutinik naatsorsuisarnermi maleruagassat qaqugukkulluunniit atuuttut 100 %-iinik ineqarnermut akiliuteqartalersillugit.
(Inatsisartunut ilaasortaq Tillie Martinussen, Demokraatit)
Imm./pkt.: 71
Siunnersuut uunga: Namminersorlutik Oqartussat pigisaannik sillimmasiisarfimmik pilersitsinerup iluaqutissartai aammalu aporfissarisinnaasaasa misissorneqarnissaanik, ilanngullugu pilersitsinerup suut piumasaqaatitariumaagai, soorlu aningaasartuutissat aammalu sulisussat pillugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Anthon Frederiksen, Partii Naleraq)
Imm./pkt.: 94
Eqqagassat pillugit nalunaarusiap nalilersorneqaqqinnissaa pillugu Naalakkersuisunut inassuteqaateqarnissamik Inatsisartunut aalajangiiffigisassatut siunnersuut, tamatumani kommunit inuit tamat ingerlaarfiini illoqarfinni nunaqarfinnilu sumiiffinni cigaretsit sinnikuinut eqqaavissanik matoqqasunik ikkussuinissaanik peqqussuteqarnissaq pillugu siunnersuut.
(Siunnersuut Inuit Ataqatigiit Inatsisartunut ilaasortaatitaannit nanginneqassaaq)
Imm./pkt.: 153
Kalaallit Nunaanni aningaasaqarnikkut inatsisaasut naleqqussarnissaannut peqqussutinut arlalinnut Namminersorlutik Oqartussat oqaaseqaatissaat pillugit Inatsisartut aalajangiussassaattut siunnersuut.
(Inuussutissarsiornermut, Suliffeqarnermut Niuernermut Nunanullu Allanut Naalakkersuisoq)
Imm./pkt.: 38
Kingusinnerpaamik UKA2016-imut atatillugu Kalaallit Nunaanni Inatsisar-tunut qinersisarneq pillugu inatsit nr. 9, 31. oktober 1996-meersumut, kiisalu Kommunal¬bestyrelsinut, Nunaqarfinni Aqutsisunut Ilagiillu Sinniisaannut qinersisarnerit pillugit inatsit nr. 7, 3. december 2012-meersoq pillugu Inatsisartut inatsisaannut allannguutissanik saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni tamakkiisumik Inatsisartunut aammalu kommunalbestyrelsinut, Nunaqarfinni Aqutsisunut Ilagiillu Sinniisaannut qinersisinnaanermut tamakkiisumik qinersisinnaanermut ukiorisat ullumikkut 18-iusut 16-inngortillugit.
(Inuit Ataqatigiit Inatsisartunut ilaasortaatitaat)
Imm./pkt.: 155
Nunat Avannarliit Killiit Siunnersuisoqatigiiffiata Savalimmiuni, Kalaallit Nunaanni Islandimilu naalakkersuisunut kaammattuutigaa Issittumi nunat tamalaat akornanni unammilleqatigiinnerup annertuneruleriatornerani nukittunerusumik inissisimaqqulluta Nunani avannarlerni killerni assartuinermut pilersuinermullu tunngasuni ungasinnerusoq isigalugu ataatsimut anguniagaqarsinananermut periarfissat nalilersorlugit misissueqqissaarnermik suliaqaqqullugit.
(Aallartitat siulittaasuat Lars-Emil Johansen)
Imm./pkt.: 49
(Siunnersuut Demokraatit Inatsisartunut ilaasortaatitaannit nanginneqassaaq)
Ilinniartut Kalaallit Nunaata avataani ilinniartut naammasereernermik kingorna ukiut qulit angullugit Kalaallit Nunaannut uteqqittannginnerat kiisalu ilinniartut naammassereerlutik Kalaallit Nunaannut uteqqikkumasannginnerannut pissutaasut pillugit misissuinissamut aallartitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup kinguneranik uterartitsinissaq pillugu iliuusissamik pilersaarusiortoqassaaq, kalaallit ilinniartut naammassereerlutik Kalaallit Nunaannut uteqqittarnissaminnut kajumissuseqalernissaannut kammattuutaasussamik.
(Siunnersuut Demokraatit Inatsisartunut ilaasortaatitaannit nanginneqassaaq)
Imm./pkt.: 82
Nunatsinni sulisoqarniarnikkut sulisussarsiortarnermi aammalu sulisunik atatitsiinnarnissamut pissutsinik Naalakkersuisut qulaajaanermik suliaqartitsinissaannik Inatsisartut aalajangiiffigisassaattut siunnersuut. Qulaajaalluni suliap pingaartumik sammissavai inuiaqatigiittut ingerlatsinermi pingaarutillit suliffeqarfiit, soorlu peqqinnissaqarfik, atuarfeqarfiit, inunnik isumaginnittoqarfiit il.il., aamma ilanngullugu saqqummiunneqassapput suut suliniutit ingerlanneqarnersut innuttaasut suliffeqarnermut attaveqarniarnermikkut annaasaqarnissamut aarlerinaatillit pillugit. Qulaajaalluni suliaqarneq kingusinnerpaamik naammassineqarsimalluni Inatsisartunut saqqummiunneqassaaq Inatsisartut 2016-mi ukiakkut ataatsimiinneranni.
(Inatsisartunut ilaasortat Steen Lynge aamma Siverth K. Heilmann, Atassut)
Imm./pkt.: 60
Siunnersuut uunga: Naalakkersuisut aatsitassanut inatsisip allannguutissaanik, annikitsuinnarmik misissuinissamut aamma piiaanissamut akuersissut inunnut Kalaallit Nunaanni najugaqavissunut tamakkiisumillu akileraartussaatitaasunut aammalu Kalaallit Nunaann ukiuni qulini inuit allattorsimaffianni nalunaarsorsimallutik najugaqareersimasunut aamma Kalaallit Nunaanni ukiuni qulini tamakkiisumik akileraartussaatitaareersimasunut taamaallaat tunniunneqarsinnaasunngorlugu, UKA 2016-imut saqqummiinissamut Naalakkersuisut peqquneqarnissaannik Inatsisartunut aalajangiiffigisassatut siunnersuut.
(Inatsisartunut ilaasortaq Anthon Frederiksen Partii Naleraq)
Imm./pkt.: 107
Soraarnerussutisiallit pissakinnerit nammineq inigisaminniittut illuminnut 100.000 kr.-it angullugit aserfallatsaaliinissanut pisariaqartunut tigusaqarnissaannik periarfissinneqarnissaannut Naalakkersuisut upernaakkut 2016-imi ataatsimiinnissamut inatsisissamik saqqummiinissaannik Inatsisartut aalajangiiffigisassaattut siunnersuut.
(Inatsisartunut ilaasortaq Ane Hansen, Inuit Ataqatigiit)
Imm./pkt.: 28
Imartami sillimaniarnerup, umiarsuarnik nalunaarsuinerup, inatsiseqarnerup il.il. tamakkiisumik oqartussaaffigineqalersinnaaneri pillugit Naalakkersuisut UKA2016-mi nassuiaammik saqqummiussinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 92
Inatsisartut oqaaseqaatissaattut siunnersuut akuerineqanngilaq
Akiitsunut Aningaasaliisarnermullu periusissiaq atuuttoq pillugu oqallinnissamik siunnersuut. Qanoq iliornikkut qulakkiissavarput Kalaallit Nunaata ataatsimut akiitsui aningaasaliinerilu aningaasaqarnikkut patajaatsumik qajannaatsumillu inissisimanissaani toqqammavileeqataanissai? Akiitsunut Aningaasaliisarnermullu periusissiaq maanna piusup atuuttullu Namminersorlutik Oqartussanut, kommuuninut Namminersorlutillu Oqartussani ingerlatseqatigiiffiit pigineqartuni pitsaaqutai pitsaanngequtaalu suuppat, qanorlu iliornikkut periutsip malinneqarnissaa qulakkiissavarput?
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 132
Imm. 47 aamma 132 ataqatigiisillugit suliarineqassapput.Inatsisartut oqaaseqaatissaattut siunnersuut Inuit Ataqatigiinniit saqqummiunneqartoq akuerineqarpoq.
Inuit annertuumik innarluutillit ilinniartitaanissamik qanoq iliorluni allatuulli neqeroorfigineqartalernissaat pillugu pilersitsinissaq siunertaralugu, matumani Aspergers Syndromimik nappaatillit ilanngullugit apeqquteqaat aallaavigalugu Inatsisartut oqallinnissaannik siunnersuut.
(Inatsisartunut ilaasortat, Siumut)
Imm./pkt.: 47
Imm. 47 aamma 132 ataqatigiisillugit suliarineqarput.Inatsisartut oqaaseqaatissaattut siunnersuut Inuit Ataqatigiinniit saqqummiunneqartoq akuerineqarpoq.
Apeqquteqaat aallaavigalugu inuit innarluutillit uagut inuiaqatigiittut pitsaanerusumik ilaatinneqalernissaat angusinnaaneripput apeqquteqaatigalugu saqqummiussamik siunnersuut. Qanoq iliuuseqarnikkut ilumoortumik piviusorsiortumillu inuit timimikkut innarluuteqartut innarluutilittut pillugit inatsisimmi pineqartut ilinniartitaanermi aaqqissuussinermut kingornatigullu suliffeqarfinnut isertinneqarsinnaappat? Qanoq ililluta ilinniartiitaanikkut aaqqissuussineq initunerusoq aammalu suliffeqarfeqarneq inunnut timimikkut innarluuteqartunut periarfissiineq pilersissinnaavarput?
(Inatsisartunut ilaasortaq Agathe Fontain, Inuit Ataqatigiit)