Ullormut oqaluuserisassat
Ullut ataatsimiiffiusut arfersaneq-aappaat, marlunngorneq 7. May 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 17
Uunga siunnersuut: Soraarnerussutisiaqarnissamut aaqqissuussinermut pinngitsoorani ilaanissaq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 18
Uunga siunnersuut: Imigassat ilaannut Kalaallit Nunaanni sananeqarsimasunut akitsuutit pillugit Inatsisartut inatsisaata allanngortinneqarnissaa pillugu Inatsisartut inatsisaat.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 19
Uunga siunnersuut: Procenti aaqqiissutissaq aamma maannakkorpiaq aningaasarsiat pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxx 2019-meersoq.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 120
Allannguutissatut siunnersuut Inuit Ataqatigiinnit saqqummiunneqartoq itigartinneqarpoq.
Inissianik attartortitsisarneq pillugu Inatsisartut peqqussutaata § 60-ip allannguutissaanik kingusinnerpaamik UKA 19-mi saqqumiusseqqullugit Naalakkersuisut peqquneqarnissaanik inatsisartut aalajaangiiffigisassaattut siunnersuugut. Taamaalilluni attartortup toqukkut qimagunnerani utoqqat illuanulluunniit nuunnerani inoqutigiinni najugaqartut inigisaminnik anisinneqarsinnaanerannik pitsaanerusumik illersorneqarsinnaasunngorlugit. Uani ilanngullugu § 60, imm. 2, uniffiup appaa peerneqassasoq, taamaalilluni aamma § 60, imm. 1 aamma 2 allanngortinneqassasut ukiut marluk najugaqarnissamik piumasaqaataasup qaammatinut arfinilinnut allanngortinneratigut.
Inatsisartunut ilaasortaq Peter Olsen, Inuit Ataqatigiit
Imm./pkt.: 169
Attartortitsisup aningaasartuutit ilanngaatigereerlugit iluanaarutissaasa maanna 1,5%-iusut, Namminersorlutillu Oqartussani inissianik attartortut akilertagaasa ukiut pingasut ingerlaneranni atorunnaarsikkiartuaarneqarnissaannut, taarsiullugulu immikkut aserfallatsaaliinissanut atugassiissutitut inissiaqarfiit immikkoortortaanniiginnarnissaannut Naalakkersuisut siunnersuummik suliaqaqqullugit peqquneqarnissaannik siunnersuut. Aserfallatsaaliinissami aningaasat oqorsaatit pitsanngorsarnerinut, matunut, igalaanut, qalipannernut assigisaannullu atorneqassapput.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 34
Avammut tunioraaneq pillugu Naalakkersuisunut susassaqartunullu sumulluunniit attuumassuteqanngitsumik nalilersueqqissaarluni inassuteqaasiortartussamik, Avammut Tunioraarneq pillugu Siunnersuisooqatigiinnik kingusinnerpaamik UPA2020-imi pilersitseqqullugit Naalakkersuisut peqquneqarnissaannik siunnersuut. Ilanngullugu siunnersuutigineqarpoq, avammut tunioraarnerup siuarsarneqarneranut suliniutit ingerlaavartumik nalilersorneqartarnissaat siunnersuisooqatigiit suliassaannut ilaatinneqassasoq.
Inatsisartunut ilaasortaq Karl-Kristian Kruse, Siumut
Imm./pkt.: 67
Namminersorlutik Oqartussat pigisaanni, pisortat suliffeqarfiutaanni misissueqqissaarnermi iluaqutaasinnaasut aamma ajoqutaasinnaasut selskabit niuertorpalaartumik ilusiligaasimanerannut aaqqissuussisimanermi siunertaqartunuinnaanngitsoq taamaattorli aamma immikkuullarissumik politikikkut qajassuussinissaq pillugu UKA2019-mut saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Partii Naleraq
Imm./pkt.: 51
UPA2020 tikitsinnagu uangut politikerit mingutsitsinnginnerunissamut silallu pissusaanik allanngortitsinnginnerusussanik iliuusissatsinnut innersuussisussamik suleqatigiisitamik immikkut ilisimasalinnik inuttalimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Innersuussinerit tamarmik immikkut imaqassapput aningaasatigut kingunerusussanik inuiaqatigiinnut aamma innuttaasunut/sullivinnut.
Inatsisartunut ilaasortaq Steen Lynge, Demokraatit