Ullormut oqaluuserisassat
Ullut ataatsimiiffiusut 24-iat, marlunngorneq 21. May 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 194
Allannguutissatut siunnersuut Inuussutissarsiornermut Aatsitassanullu Ataatsimiititalimit saqqummiunneqartoq akuerineqarpoq.
Nunatsinni nioqqutissat akiisa OECD-imi inuussutissat ulluinnarni atorneqakkajuttut naliginnaasumik akiisa agguaqatigiisinnerinut naleqqiullugu nunatsinni qaffasippallaarujussuarnerisa sumik tunngaveqarnersut misissueqqullugit naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuineq UKA2020-imi nallertinnagu inatsisartunut saqqummiunneqassaaq.
Inatsisartunut Siumup gruppiani ilaasortat
Imm./pkt.: 155
Allannguutissatut siunnersuut Inuussutissarsiornermut Aatsitassanullu Ataatsimiititalimit saqqummiunneqartoq akuerineqarpoq.
Sulisartup sunniuteqarfiginngisaanik piffissami sivikitsumi tunisassiornermik unitsitsigallarneq pissutigalugu angerlartitaanermi suliffeqarnermi ikiorsiissutinik pissarsisinnaanerup annertusitinneqarnissaa, suliffeqarfinni sunngaluartuniluunniit sulianut suugaluartunulluunniit atuutsinneqalernissaa anguniarlugu sulinermi ikiorsiissutit pillugit Inatsisartut inatsisaata nr. 2 majip 15-ianeersup 2014 allanngortinneqarnissaanik kingusinnerpaamik UPA2020-imi siunnersuuteqaqqullugit Naalakkersuisut peqquneqarnissaannik Inatsisartut aaliangiiffigisassaattut siunnersuut.
Inatsisartunut ilaasortaq Doris J. Jensen, Siumut
Imm./pkt.: 103
Siull. 5/11-2018
Allannguutissatut siunnersuut Demokraatinit saqqummiunneqartoq akuerineqarpoq.
Inuussutissanik allagartalersuisarneq pillugu Namminersornerullutik Oqartussat nalunaarutaanni nr. 1-mi, 2. februar 1994-imeersumi § 11 imm. 2 nummer 1-p allanngorteqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut, nalunaaqutsersuisarneq aamma tuluttut pisinnaanngortillugu.
Inatsisartunut ilaasortaq Steen Lynge, Demokraatit
Imm./pkt.: 65
Provstudvalgip atorunnaarsinneqarsimanerata nalilersueqqittoqarnissaanik UKA2019-imut piumasaqaat. Nalilersuinerup imarissavaa provstudvalgip atorunnaarsinneqarnerani sunniutit suut uuttuuttigineqarsimanersut neriuutillu suut eqquussimannginnersut. Nalilersuinerup naggataarutaasumik imarissavaa provstudvalgip atulerseqqinneqarnissaanut suut innersuussutaassanersut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Napãtôk´, Partii Naleraq
Imm./pkt.: 171
Ilagiit naalagaaffiup tapersersugaasa avataatigut upperisaqaqatigiit allat pillugit inatsisissaq pillugu danskit Naalagaafiup oqartussaatitaannut Naalakkersuisut saaffiginneqqullugit peqquneqarnissaat siunertaralugu Inatsisartut aalajangiiffigisassaattut siunnersuut.
Inartsisartunut ilaasortaq Mimi Karlsen, Inuit Ataqatigiit
Imm./pkt.: 20
Siunnersuut: Inatsisartut inatsisaasa assigiinngitsut allangortinneqarnerat aamma akileraarutit akitsuutillu kiisalu aningaasanik nuussinikkut isertitat pillugit Inatsisartut inatsisaat nr. xx xx. xxx 2018-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 45
Ujaqqat pinnersaasiassat aalajangersimasut nunatsinni piaarneqarsimasut su-liareqqaarlugit sileqqaarlugillu nunatsinniit anninneqartarnissaat pi-umasaqaatigineqalissagaluarpat pitsaaqutigisinnaasai pitsaanngequtigisin-naasaalu pillugit apeqquteqaat aallaavigalugu oqallisissiaq.
Inatsisartunut ilaasortaq Peter Olsen, Inuit Ataqatigiit
Imm./pkt.: 167
Apeqquteqaat aallaavigalugu oqallinnissamik siunnersuut, qanoq iliorluta ilinniartitsisut sulinermi atugaasa pitsanngortinnerisigut atuartut ilikkangaqarnissamut periarfissaat pitsanngorsarsinnaavagut.
Inatsisartunut ilaasortaq Peter Olsen, Inuit Ataqatigiit