Ullormut oqaluuserisassat
Ullut ataatsimiiffiusut 27-iat, ataasinngorneq 27. May 2019, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 170
Siull. 22/11-2018
Inuusuttut inissiaat pillugit nassuiaammik Naalakkersuisut kingusinnerpaamik UKA2019-imi saqqummiussinissaat pillugu Inatsisartuni aalajangiiffigisassatut siunnersuut. Nassuiaammi inissianik sanaartornermi maanna suliniutaareersut sakkussallu tassunga attuumassuteqartut, soorlu ineqarnermut tapiissutinik nalilersuinermik imaqarlunilu maanna ingerlanneqartunit pisariaqartitsineq naammassineqarsinnaanngippat suliniutinut tapiliussassanut kaammattuutinik imaqassaaq.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 88
Allannguutissatut siunnersuut Naalakkersuisunit saqqummiunneqartoq akuerineqarpoq.
Nunami maani angerlarsimaffeqanngitsut pillugit ajornartorsiuteqarnermut aaqqiissutissanut eqqarsartussamik suleqatigiisitamik suligasuartussamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitaq politikerinut aaqqiissutissanik tigussaasunik siunnersuuteqassaaq innersuussuteqarlunilu aamma kingusinnerpaamik ulloq 31. august 2019 saqqummiussissaaq suliniutissat akilersornissaannut aaqqiissutissanullu.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 111
Allannguutissatut siunnersuut Naalakkersuisunit saqqummiunneqartoq akuerineqarpoq.
Angerlarsimaffeqannginnerup akiorneqarnissaa pillugu iliuusissatut pilersaarummik kigusinnerpaamik UPA2020-mi Naalakkersuisut saqqummiussinissamik peqquneqarnissaat pillugu Inatsisartunut aalajangiiffigisassatut siunnersuut.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 165
Qasigiannguit Aasiaallu akornanni erngup nukiganik nukissiorfiliorsinnaanissaq anguniarlugu aalajangiinissamut tunngavigisassamik Naalakkersuisut UKA19 nallertinnagu saqqummiusseqqullugit peqquneqarnissaannik Inatsisartut aalajangiiffigisassaattut siunnersuut. Aalajangiinissamut tunngavissaliornermi ilanngullugu erngup nukiganik nukissiorfiliassap qanittuaniittut illoqarfiit nunaqarfiillu sorliit ilanngunneqarsinnaanissaat naliliiffigineqarsimassaaq taavalu nukissiutinut ataavartunut assigiinngitsunut Igaliko-mi misilittanermi paasisat atorneqarsinnaanersut ilanngullugit nassiuaasiuunneqassallutik.
Inatsisartunut ilaasortaq Aqqa Samuelsen, Inuit Ataqatigiit
Imm./pkt.: 23
Uunga siunnersuut: Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. xx, xx. xxx 2018-imeersoq.
Inuussutissarsiornermut Nukissiuuteqarnermullu Naalakkersuisoq
Imm./pkt.: 24
Uunga siunnersuut: Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. xx, xx. xxx 2018-imeersoq.
Inuussutissarsiornermut Nukissiuuteqarnermullu Naalakkersuisoq
Imm./pkt.: 211
Aningaasalersuinermik ingerlataqarneq pillugu inatsisip allanngortinnissaa pillugu inatsisip aamma aningaasalersuisarnermi suliffiit ilaasa allatut ilusilersornissaat atorunnaarsinnissaallu pillugu inatsisip Kalaallit Nunaannut atuutsinnissaa pillugu peqqussutinik Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Inuussutissarsiornermut Nukissiuuteqarnermullu Naalakkersuisoq
Imm./pkt.: 229
Kangiani, Kalaallit Nunaatalu sineriaani meeqqat ikiorneqarnissaat tunngavigalugu Naalakkersuisut Danskit Naalagaffiannut ikioqqullutik saaffiginnissuteqassasut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortat Partii Naleraq, Demokraatit, Atassut, Suleqatigiisitsisut aamma Inuit Ataqatigiit