Ullormut oqaluuserisassat
Ullut ataatsimiiffiusut 22-iat, pingasunngorneq 10. November 2021, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Nal. 10:00-imiit 11:00-imut akunneq apeqquteqarfissaq.
(§ 37 imm. 5, naapertorlugu)
(§ 37 imm. 5, naapertorlugu)
17/11: Isumaginninnermut Suliffeqarnermullu Naalakkersuisoq Mimi Karlsen, Inuit Ataqatigiit.
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 148
Inatsisartut aaliangiiffigisassaattut siunnersuut Naalakkersuisut peqquneqassasut Naalagaaffiup akisussaasuinut atassuteqartoqarnissaannik Kalaallit Nunaanni Pinerluttulerinermut inatsimmi paragraffimik ikkussisoqassasoq, nittartakkatigut atornerluinerup inatsisitigut unioqqutitsinertut isigineqaarnissaanut. Atassuteqarneq UPA 2022 pinnginnerani pisimassaaq.
Inatsisartunut ilaasortaq Anna Wangenheim, Demokraatit
Imm./pkt.: 86
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Timersorneq pillugu inatsimmi e-sport timi atorlugu timersuutitut allatuulli akuerisaanissaa pillugu Naalakkersuisut inatsimmut allannguutissatut siunnersuuteqaqqullugit peqquneqarnissaannik Inatsisartut aalajangiiffissaattut siunnersuut.
Atassutip Inatsisartuni ilaasortaatitai
Imm./pkt.: 83
Aappass. UPA 2022
Ilulissat kangerluata UNESCO-miittortaata angissusaata pitsaaqutai ajoqutaalu pillugit Naalakkersuisut UKA2022-mut saqqummiussassamik nassuiaasioqqullugit peqquneqarnissaanut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut)
Imm./pkt.: 74
Aappass. UPA 2022
Inatsisartut isummerfigisassaattut siunnersuut Naalakkersuisut peqquneqassasut meeqqat atuarfiannut tulluussakkamik inuit pisinnaatitaaffii pillugit atuartitsissutissanik kalaallisut ataqatigiissumik sananissamik aammalu taassuma saniatigut suliniutigineqassasoq, meeqqat atuarfianni atuartitsisut inuit pisinnaatitaaffii pillugit ilinniartitsinissamut pikkorissarneqassasut.
Inatsisartunut ilaasortaq Nivi Olsen, Demokraatit
Imm./pkt.: 166
Aappass. UPA 2022
Illoqarfinni nunaqarfinnilu, immap tinittarnera ulerujussuartarneralu pillugit, angallatinut umiarsuarnullu talittarfiit qarsunneqartaleriartuinnarneri, isumannaannerusumik aaqqissuunneqarnissaat siunertaralugu, UKA2022-mut naammassereersimasussamik Naalakkersuisut pilersaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Siverth K. Heilmann, Atassut
Imm./pkt.: 168
Aappass. UPA 2022
Tunngaviusumik inatsisissaq pillugu isumalioqatigiisitap unitsinnissaa, kiisalu isumalioqatigiisitami sulinerup unitsinneqarnissaa pillugu Inatsisartut aalajangiineranniit atuutilersussamik Naalakkersuisut peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut
Imm./pkt.: 82
Aappass. UPA 2022
Kinguaassiutitigut peqquserlunnikut sakkortunerusumik pineqaatissinneqarsinnaalernissaat pillugu Naalakkersuisut Naalagaaffimmi oqartussaasunut saaffiginnissuteqarnissaat pillugu Inatsisartut aalajangiiffigisassaattut siunnersuut.
Atassutip Inatsisartuni ilaasortaatitai