Arlaat toqqaruk

Oqaluuserisassat oqaluuserineqarfissaasalu ullui

2021-imi Ukiakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Nal. 10:00-imiit 11:00-imut akunneq apeqquteqarfissaq.
(§ 37 imm. 5, naapertorlugu)
17/11: Isumaginninnermut Suliffeqarnermullu Naalakkersuisoq Mimi Karlsen, Inuit Ataqatigiit.

Imm./pkt.: 37-5x
Partiit siuttuisa apeqqarissaarnerat.
Nal. 09:30-imiit 11:00-imut apeqquteqarfissaq.

Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat

Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat

Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat

Imm./pkt.: 6
2022-mi Inatsisartut Upernakkut ataatsimiinnissaata aalajangiiffigineqarnera.
Inatsisartut Siulittaasoqarfiat

Inatsisartut Ombudsmandiata 2020-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
Inatsisinut ataatsimiititaliaq

Imm./pkt.: 14
Nunanut Allanut tunngasutigut naalakkersuinikkut ingerlatsineq pillugu nassuiaat 2021.
Nunanut Allanut Nukissiuuteqarnermullu Naalakkersuisoq

Imm./pkt.: 15
Naalakkersuisut siulittaasuata ammaanermi oqalugiaataa.
Naalakkersuisut Siulittaasuat

Imm./pkt.: 15a
Naalakkersuisut siulittaasuata ammaanermi oqalugiaataa tunngavigalugu oqallinneq.
Naalakkersuisut Siulittaasuat

Imm./pkt.: 16
Naalakkersuisunik qinersineq.
Naalakkersuisut Siulittaasuat

Uunga siunnersuut: Inissianik attartortitsisarneq pillugu Inatsisartut peqqussutaata allanngortinneqarnera pillugu Inatsisartut inatsisaat nr. xx, xx.xxx 2021-meersoq. (Attartornermi akiligassap akilerneqarfissaa, inissianik attartortittakkanik oqoqalersimasunik nalunaarsuineq kiisalu suliffimmut atatillugu inissianik oqoqarsimasunik innersuunneqartunik itigartitsisinnaatitaaneq)
Ineqarnermut, Attaveqatigiinnermut, Aatsitassanut Naligiissitaanermullu Naalakkersuisoq

Uunga siunnersuut Silaannakkut angallanneq il.il. pillugu inatsimmut allannguutitut inatsisit Kalaallit Nunaannut atuuttussanngortinneqarnissaat pillugu peqqussummut Namminersorlutik Oqartussat akuersinissaannut Inatsisartut aalajangiiffigisassaattut siunnersuut.
Ineqarnermut, Attaveqatigiinnermut, Aatsitassanut Naligiissitaanermullu Naalakkersuisoq

Piffissaq piniarfiusoq tamaat isigalugu nalunaarutip aalajangersagaasa iluini, umimmannik ukiukkut piniarneq, taamaaliornermi assersuutigalugu Naternami pisassiissutit ukiakkut pisarineqanngitsoortut ukiukkut iluaqutigineqarsinnaasunngorlugit pinissaat, qulakkeeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Kristian Jeremiassen, Inuit Ataqatigiit

Imm./pkt.: 29
Imm. 47, 73 aamma 29 ataqatigiisillugit siullermeerneqarput
Meeqqat, inuusuttut inersimasullu akornanni naqinnernik ilisarinnissinnaanngitsut aamma atuarnermik allannermillu ajornartorsiuteqartut pillugit nuna tamakkerlugu iliuusissanik pilersaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Sofia Geisler, Inuit Ataqatigiit

Imm./pkt.: 30
Sul. UPA 2022
Qanoq iliorluni illoqarfigisaq qimallugu erniartortatut ilaqutaalu pitsaanerpaamik sullinneqarsinnaanersut pillugit apeqquteqaat aallaavigalugu oqallisissiaq.
Inatsisartunut ilaasortaq Mikivsuk Thomassen, Inuit Ataqatigiit

Imm./pkt.: 31
Sul. UPA 2022
Angerlarsimaffeqanngitsut atugarisaat aammalu pisinnaatitaaffii qanoq pitsaanerpaamik pitsanngorsarneqarsinnaaneri pillugit apeqquteqaat aallaavigalugu Inatsisartut oqallinnissaannik siunnersuut.
Inatsisartunut ilaasortaq Pipaluk Lynge-Rasmussen, Inuit Ataqatigiit

Imm./pkt.: 32
Sul. UPA 2022
SIK-p Isumaginninnermi aningaasaateqarfiata ileqquatut, utoqqalinersiallit, siusinaarluni pisartagallit, Aalisartut, piniartut, suliffissaaleqisullu, peqqissartut aningaasaateqarfissaannik pilersitsisoqarsinnaanersoq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Agathe Fontain, Inuit Ataqatigiit

Imm./pkt.: 33
1. Aappassaaneerinninnermi allannguutissatut siunnersuut Atassummit saqqummiunneqartup taasissutigineqarnera itigartinneqarpoq.

2. Aappassaaneerinninnermi allannguutissatut siunnersuut ikinnerussuteqartumit Inuit Ataqatigiinnit saqqummiunneqartup taasissutigineqarnera akuerineqarpoq.
Aatsitassanut inatsisip allanngortinneqarnissaanut siunnersuummik UKA2022-mi saqqummiussinissamik Naalakkersuisut peqquneqarnissaat pillugu Inatsisartuni aalajangiiffigisassatut siunnersuut, taamaalilluni inatsimmi § 1, imm. 2 ima oqaasertalerneqassalluni: “Ingerlatanik inatsimmut ilaasunik suliarinninnermi isumannaallisaaneq, peqqissuseq, avatangiisit, pisuussutinik atorluaaneq kiisalu inuiaqatigiinnut akornutaanngitsumik ingerlatat suliarineqarnissaat kiisalu pissutsini assigiinngitsuni nunat tamat pitsaanerpaamik ileqqorissaartarnerat akuerisaasut qulakkeerneqarnissaat Inatsisartut inatsisaatigut anguniarneqarpoq”. § 83-mi oqaasertaliussaq “nunat tamat ileqqorisartagaat pitsaasut” aamma ”nunat tamat pitsaanerpaamik ileqqorisartagaat, Kalaallit Nunaanni pissutsinut naleqqussagaq”-mut aamma allanngortinneqassaaq. Taamattaaq misissueqqaarnissanut qinnuteqaatinik paasissutissanik Naalakkersuisut tamanut saqqummiussisalernissaannik inatsimmi aalajangersagaliisoqassaaq, taamaaliornikkut piffinni innuttaasut soqutigisaqartullu allat, sapinngisamik siusinnerpaamik taamatut suliaqartoqarnissaanik ilisimasaqalersinnaaqqullugit.
Inatsisartunut ilaasortaq Mariane Paviasen, Inuit Ataqatigiit

Innarluutilinnik sullissisutut atorfillit ilinniagaqarnissaat, ilinniaqqittarnissaat pikkorissartarnissaallu pillugu nuna tamakkerlugu periusissiornissamut iliuusissatullu pilersaarusiornermik Naalakkersuisut suliaqaqqullugit Inatsisartut aalajangiiffigisassaattut siunnersuut. Periusissiaq iliuusissatullu pilersaarut kingusinnerpaamik UKA2022 saqqummiunneqassaaq, iliuuserisassatullu siunniunneqartut qanoq nalilersorneqartarnissaat pillugu pilersaarummik amma imaqassalluni.
Inatsisartunut ilaasortaq Sofia Geisler, Inuit Ataqatigiit

Imm./pkt.: 36
Sul. UPA 2022
Qanoq iliorluta nunatsinni inuussutissarsiutigalugu piniartut qilalugartaasa neqaanik pisortat ingerlataasa atuinerusinnaanissaat qulakkeerneqarsinnaanersoq pillugu inatsisartut apeqqutaat aallaavigalugu oqallisigisassaattut siunnersuut.
Siumup Inatsisartunut ilaasortaatitai

Aarrit nannullu takornariartitsinermi tammajuitsussarsiorluni piniartartunut pisassiissutigineqarsinnaanngorsinnaanerat siunertaralugu Naalakkersuisut, 2022 naatinnagu saqqummiunneqartussamik, nalunaarusioqqullugit peqquneqarnissaannik inatsisartut aalajangiiffigisassaattut siunnersuut. Nalunaarusiamittaaq aningaasarsiutaasinnaanerisa aammalu nunarsuarmioqatigiit aalajangersagaasa killilersugaat qulaajarneqassapput.
Inatsisartunut ilaasortaq Aslak W. Jensen, Siumut

Imm./pkt.: 45
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Meeqqat inuusuttuaqqallu angerlarsimaffiup avataanut inissinneqartartut ikilisinniarlugit ilaqutariinnut iluaqutaasumik siusissukkut iliuuseqartarnnissamik Naalakkersuisut pilersaarusioqqullugit peqquneqarnissannik Inatsisartut aalajangiiffigisassaattut siunnersuut. Pilersaarusiaq juli 2022 naatinnagu tamanut saqqummiunneqassaaq.
Inatsisartunut ilaasortaq Jess Svane, Siumut

Imm./pkt.: 46
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Ukiut qulit ingerlaneranni ilinniarfinni Ilisimatusarfimmilu ilinniartitsisut ikinnerpaamik 80 %-iisa kalaallisut ilinniartitsisalernissaat anguniarlugu periarfissat suunerinik Naalakkersuisut misissuinissaat pillugu Inatsisartunut aalajangiiffigisassatut siunnersuut. Misissuineq UKA2022-mi saqqummiunneqassaaq.
Inatsisartunut ilaasortaq Doris J. Jensen, Siumut

Imm./pkt.: 47
Imm. 47, 73 aamma 29 ataqatigiisillugit siullermeerneqarput.

Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Naqinnernik ilisarsisinnaanngitsunut Kalaallisut programimik ikiuutinik sanasoqarsinnaanissaa pillugu nalunaarusiamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aslak W. Jensen, Siumut

Illup sananeqarneranut akiusup minnerpaaffissaata inatsisitigut aalajangersarneqartup appartinneratigut pisortat inissiaataanni attartortittakkani ineqarnermut akiliutip appartinneqarnissaanut periarfissat misissoqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinikkut ineqarnermut akiliutip, illup sananeqarneranut akiusup, piginnittut aningaasaliissutinit iluanaarutissaasa aammalu ineqarnermut tapiissutit allanngornerisa imminnut ataqatigiinnerat paasinarsisinneqassapput kiisalu aserfallatsaaliinissamut pilersaarutit attatiinnarneqarnissaat isiginiarneqassalluni. Kiisalu illup illuutit sananeqarneranni naliusup ingerlaavartumik nalikillilerneqartarnerani pitsaaqutit ajoqutillu misissuinikkut qulaajarneqassapput. Misissuinerup inerneri Inatsisartunut kingusinnerpaamik juli 2022-mi agguaanneqassapput.
Inatsisartunut ilaasortaq Erik Jensen, Siumut

Imm./pkt.: 51
Inatsisartut aalajangiiffigisassaattut siunnersuutigineqarpoq, Naalakkersuisut peqquneqassasut pisortanit ikiorsiissutit pillugit allannguuteqaqqullugit, taamaalilluni namminerisamik illuutillit aammalu inissianik piginneqatigiillutik pigisallit pisinnaatitaaffigilissagaat pisortanit ikiorsiissutinik ikiorneqarsinnaanngortillugit, kræfteqarlutik nappaateqarnertik ilutigalugu katsorsagassanngoraangamik naliginnarmik akissarsiornertik unikkallaraangat sulisinnaajunnarnertik pissutigalugu. Nalunaarusiami erseqqissarneqassaaq ajornartorsiut qanoq isikkoqarnersoq aammalu qanoq ikiortarialiunersut taamatut pisinnaatitaaffilissapata. Nalunaarusiaq juli 2022-mi kingusinnerpaamik saqqummiunneqassaaq.
Inatsisartunut ilaasortaq Erik Jensen, Siumut

Imm./pkt.: 52
Aappassaaneerinninnermi allannguutissatut siunnersuut Inuussutissarsiornermut Aatsitassanullu Ataatsimiititaliamit saqqummiunneqartup taasissutigineqarnera akuerineqarpoq.
Naalakkersuisut Juli 2022 naatinnagu nunatta kangiani innuttaasunut inuussutissarsiornikkut inerisaanermut ineriartortitsinermullu paasisitsiniaanissamik pikkorissaanertaqartumillu pilersaarusiamik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Lars Poulsen, Siumut

Imm./pkt.: 56
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Portørit tarnikkut atugarisaat pillugit Naalakkersuisut ukioq 2022 naatinnagu nalunaarusioqqullugit peqquneqarnissaanik Inatsisartut aalajangiiffigisassaattut siunnersuut. Nalunaarusiami atugassarititaasut pitsanngorsarnissaannut anngaasaqarnikkut sunniutaasussat ilanngunneqassapput.
Inatsisartunut ilaasortaq Doris J. Jensen, Siumut

Imm./pkt.: 57
Imm. 90, 97 aamma 57 ataqatigiisillugit siullermeerneqarput
Ittoqqortoormiini Tasiilallu eqqaani qilalugartassat qernertat siunissami pisassiissuteqartarnissaq pillugu apeqquteqaat aallaavigalugu oqallisissiatut siunnersuut
Inatsisartunut ilaasortaq Emanuel Nûko, Naleraq

Imm./pkt.: 58
Sul. UPA 2022
Kalaallit Nunaata kangiani Tasiilami nunaqarfiinilu, kiisalu Ittoqqoortoormiini aalisarnikkut ikaarsaariartornermi qanoq inuussutissarsiornikkut siuarsaasinnaanissaq pillugu apeqquteqaat aallaavigalugu oqallisissiaq.
Inatsisartunut ilaasortaq Emanuel Nûko Naleraq

Imm./pkt.: 59
Sul. UPA 2022
Tasiilami eqqaanilu, Ittoqqortoormiini nannuttassat ukiunut tulliuttunut nalilersoqqinnissaa aammalu inoqarfiup eqqaani inuillu najugaqarfiisa akornanni nannut pulasut inoqarfinnullu qallisimasut toqqaannaq toqunneqartalernissaannut, aammalu asimi piniariarfinnut inuit akornannut pisut toqunneqarta-lersinnaanissaat pillugit apeqquteqaat aallaavigalugu oqallisissiassatut siunnersuut.
Inatsisartunut ilaasortaq Emanuel Nûko; Naleraq

Nannunik piniarneq illersuinerlu pillugit Namminersorlutik Oqartussat nalunaarutaat allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Taamaalilluni nannunik inuit najugaqarfiinut pisunik pisarinnittoqarsinnaanngorlugu, pisaqarnissaq sioqqullugu immikkut akuersissummik peqqaanngikkaluarluni.
Inatsisartunut ilaasortaq Jens Napaattooq, Naleraq

Imm./pkt.: 62
Sul. UPA 2022
Namminersorlutik Oqartussat suliffeqarfiutaanni aktieselskabini siulersuisuinut siulittaasunik toqqaasarneq pillugu oqallinnissamik siunnersuut.
Inatsisartunut ilaasortaq Jens Napaattooq, Naleraq

Imm./pkt.: 63
Sul. UPA 2022
Meeqqat atuarfianni, inuussutissarsiutinut, ilisimatusarfimmi il.il. ilinniartut ilitsoqqussaralugit kalaallisut oqaatsitik atorlugit inaarutaasumik misilitsittarnissaasa allatulluunniit misilitsittarnissaasa qanoq qulakkeerneqarsinnaanera pillugu apeqquteqaat aallaavigalugu oqallisissiatut siunnersuut.
Inatsisartunut ilaasortaq Jens Napaattooq, Naleraq

Imm./pkt.: 67
Imm. 67, 68, 69 aamma 70 ataqatigiisillugit siullermeerneqarput
Inatsisartunut aalajangiiffigisassatut siunnersuut Naalakkersuisut peqquneqassasut siunnersuuteqaqqullugit eqqussukkanut akitsuutit pillugit inatsisartut inatsisaat nr. 19 30. oktober 1992-imeersup allanngortinneqarnissaanik, taamaasillutik kaffinnut akitsuutit eqqartorneqartoq § 1, nr. 11 atorunnaarsillugu.
Inatsisartunut ilaasortaq Jens-Frederik Nielsen, Demokraatit

Imm./pkt.: 68
Imm. 67, 68, 69 aamma 70 ataqatigiisillugit siullermeerneqarput
Inatsisartunut isummerfigisassatut siunnersuut Naalakkersuisut peqquneqassasut siunnersuuteqaqqullugit eqqussukkanut akitsuutit pillugit inatsisartut inatsisaat nr. 19 30. oktober 1992-imeersup allanngortinneqarnissaanik, taamaasillutik tiinut akitsuut eqqartorneqartoq § 1, nr. 11 atorunnaarsillugu.
Inatsisartunut ilaasortaq Jens-Frederik Nielsen, Demokraatit

Imm./pkt.: 69
Imm. 67, 68, 69 aamma 70 ataqatigiisillugit siullermeerneqarput
Inatsisartunut aalajangiiffigisassatut siunnersuut Naalakkersuisut peqquneqassasut siunnersuuteqaqqullugit eqqussukkanut akitsuutit pillugit inatsisartut inatsisaat nr. 19 30. oktober 1992-imeersup allanngortinneqarnissaanik, taamaasillutik neqinut akitsuutit eqqartorneqartoq § 1, nr. 13-17 atorunnaarsillugu.
Inatsisartunut ilaasortaq Jens-Frederik Nielsen, Demokraatit

Imm./pkt.: 70
Imm. 67, 68, 69 aamma 70 ataqatigiisillugit siullermeerneqarput
Inatsisartunut aalajangiiffigisassatut siunnersuut Naalakkersuisut peqquneqassasut siunnersuuteqaqqullugit eqqussukkanut akitsuutit pillugit inatsisartut inatsisaata allanngortinneqarnissaanik, taamaasillutik sukkunut, lakridsinut sukkulaatinut il.il. akitsuutit atuutilersinneqartup § 1, nr. 1-2, Inatsisartut inatsisaanni nr. 23 18. november 2019, atorunnaarsinneqassasut.
Inatsisartunut ilaasortaq Jens-Frederik Nielsen, Demokraatit

Imm./pkt.: 71
Aappass. UPA 2022
Inatsisartunut aalajangiiffigisassatut siunnersuut Naalakkersuisut peqquneqassasut siunnersuuteqaqqullugit isertitanut akileraarutip inatsisartut inatsisaata allanngortinneqarnissaanik, ingerlatsiviit tamakkiisumik ilaannakumilluunniit akileraarutai 20%-imut appartinneqassammata 1. januar 2023-imiit.
Inatsisartunut ilaasortaq Jens-Frederik Nielsen, Demokraatit

Uani qinigaaffimmi Ilulissani GUX-imik pilersitsinissamut suliaqarnissamik Naalakkersuisut peqquneqarnissaannik Inatsisartunut aaliangiiffigisassatut siunnersuut.
Inatsisartunut ilaasortaq Nivi Olsen, Demokraatit

Imm./pkt.: 73
Imm. 47, 73 aamma 29 ataqatigiisillugit siullermeerneqarput

Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Inatsisartut isummerfigisassaattut siunnersuut Naalakkersuisut peqquneqassasut kalaallisuumik naqinnernik ilisarinnissinnaanngitsunut misissuummik ineriartortitsisoqarlunilu atuutilersitsisoqarnissaanik meeqqat atuarfianni ilinniarfinnilu ingerlariaqqiffiusuni atorneqartussatut.
Inatsisartunut ilaasortaq Nivi Olsen, Demokraatit

Imm./pkt.: 74
Aappass. UPA 2022
Inatsisartut isummerfigisassaattut siunnersuut Naalakkersuisut peqquneqassasut meeqqat atuarfiannut tulluussakkamik inuit pisinnaatitaaffii pillugit atuartitsissutissanik kalaallisut ataqatigiissumik sananissamik aammalu taassuma saniatigut suliniutigineqassasoq, meeqqat atuarfianni atuartitsisut inuit pisinnaatitaaffii pillugit ilinniartitsinissamut pikkorissarneqassasut.
Inatsisartunut ilaasortaq Nivi Olsen, Demokraatit

Inatsisartut isummerfigisassaattut siunnersuut, Naalakkersuisut peqquneqassasut Angalallutik immikkut suliaqartussanik pilersitseqqullugit, immikkut atuartitsinermut tapersiinermik suliaqartussanik tassani sineriammi atuarfinni ilinniartitsisut aaliangersimasut immikkut atuartitsinerat qaffassarniarlugu.
Inatsisartunut ilaasortaq Nivi Olsen, Demokraatit

Inatsisartut isummerfigisassaattut siunnersuut, Naalakkersuisut peqquneqassasut nalunaarusiussasut, meeqqat atuarfianni immikkut atuartitsinermi klassini atuartut qassit, meeqqat atuarfianni ingerlariaataasinnaasumik inaarutaasumik misilitsinnissamut innersuunneqartarnerannik takutitsisumik.
Inatsisartunut ilaasortaq Nivi Olsen, Demokraatit

Imm./pkt.: 77
Sul. UPA 2022
Qanoq iliorutta inuiaqatigiittut Naalagaaffiit Peqatigiit meeqqat pillugit isumaqatigiissutaanni nr. 2-mi allassimasoq ”Immikkoortitsisoqassanngilaq” nunatsinni atuutsissinnaavarput? Qanorlu meeqqat eqqugaasimasut inuiaqatigiinni akuutinneqartutut misigitissinnaavagut?
Inatsisartunut ilaasortaq Aqqalu C. Jerimiassen, Atassut

Imm./pkt.: 80
Aappass. UPA 2022
Eqqakkat plastikkiusut atoqqinneqarsinnaanngornissaannik, sanaartornikkullu atorneqarsinnaanngortinnissaannik periarfissat suunersut pillugu Naalakkersuisut UKA2022-mut agguaassassamik nassuiaasioqqullugit Inatsisartut aalajangiiffigisassaattut siunnersuut. Nalunaarusiami pisortat namminersortullu suleqatigiissutigisinnaat, aningaasartuutaasinnaasut, inatsisitigut suut allannguutaasariaqarnersut, allatigullu tapeeriaatsikkut periarfissiisinnaanissaq minguinnerusumut ikaarsaariarnissamullu iliuusissat qulaajarneqassapput, kiisalu immikkoortiterinermut atortorissaarutit allallu sanaartugassaasariaqarnersut ilanngunneqassapput.
Inatsisartunut ilaasortaq Aqqalu C. Jerimiassen, Atassut

Imm./pkt.: 82
Aappass. UPA 2022
Kinguaassiutitigut peqquserlunnikut sakkortunerusumik pineqaatissinneqarsinnaalernissaat pillugu Naalakkersuisut Naalagaaffimmi oqartussaasunut saaffiginnissuteqarnissaat pillugu Inatsisartut aalajangiiffigisassaattut siunnersuut.
Atassutip Inatsisartuni ilaasortaatitai

Imm./pkt.: 83
Aappass. UPA 2022
Ilulissat kangerluata UNESCO-miittortaata angissusaata pitsaaqutai ajoqutaalu pillugit Naalakkersuisut UKA2022-mut saqqummiussassamik nassuiaasioqqullugit peqquneqarnissaanut Inatsisartut aalajangiiffigisassaattut siunnersuut.
Inatsisartunut ilaasortaq Aqqalu C. Jerimiassen, Atassut)

Imm./pkt.: 84
Borgmesterinik borgmesterillu tulliinik kiisalu kommunalbestyrelsinut nunaqarfinnilu aqutsisunut ilaasortanik aamma najukkani ataatsimiititaliat ilaasortaannut il.il. akissarsiaqartitsineq pillugu Namminersorlutik Oqartussat nalunaarutaat nr. 25, 30. december 2013-imeersoq allannguuteqartitsinissamut Naalakkersuisut UKA2022-mut siunnersuuteqaqqullugit peqquneqarnissaannik Inatsisartut aalajangiiffigisassaattut siunnersuut. Allannguutissami ataatsimiititaliani siulittaasuusut qaavatigut akissarsiassaasussaagaluartut, kommunalbestyrelsimi ilaasortaasunut tamanut agguarneqarneqartussanngortillugit.
Inatsisartunut ilaasortaq Aqqalu C. Jerimiassen, Atassut

Imm./pkt.: 85
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Nunat tamalaat akornanni aningaasaliisussanut pilerinarsaanissamut atatillugu Tasersiarmi erngup nukinganik nukissiorfiliortoqarnissaata avammut ussassaarutiginissaanut aalajangersimasumik pilersaarummut periusissiortoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut. Pilersaarut kingusinnerpaamik UKA2022-mi saqqummiunneqassaaq.
Inatsisartunut ilaasortaq Siverth K. Heilmann, Atassut

Imm./pkt.: 86
Aappassaaneerinninnermi allannguutissatut siunnersuut Naalakkersuisunit saqqummiunneqartup taasissutigineqarnera akuerineqarpoq.
Timersorneq pillugu inatsimmi e-sport timi atorlugu timersuutitut allatuulli akuerisaanissaa pillugu Naalakkersuisut inatsimmut allannguutissatut siunnersuuteqaqqullugit peqquneqarnissaannik Inatsisartut aalajangiiffissaattut siunnersuut.
Atassutip Inatsisartuni ilaasortaatitai

Imm./pkt.: 90
Imm. 90, 97 aamma 57 ataqatigiisillugit siullermeerneqarput
Tunup sineriaani qilalukkanik qernertanik kisitsinissap piniartunik piffinni ilisimasaqarluartunik peqataatitsisup 2022-imi aallartinnissaa pillugu Naalakkersuisut peqquneqarnissaannik Inatsisartut aalajangiiffigisassatut siunnersuut.
Inatsisartunut ilaasortaq Harald Bianco & Knud Mathiassen, Inuit Ataqatigiit

Imm./pkt.: 93
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Itilliarsuup ikerasaliorfigineqarnissaa piviusunngorteqqullugu Naalakkersuisut suliamik aallartitseqqullugit peqquneqarnissaannik Inatsisartut aalajangiiffigisassaattut siunnersuut. Ikerasaliaq Nordstar 30-imit assigisaanilluunniit aqqutigineqarsinnaasunngorlugu isissusilerneqarlunilu silissusilerneqassaaq.
Inatsisartunut ilaasortaq Anders Olsen, Siumut

Imm./pkt.: 94
Qimmit qimuttut Qeqertarsuarmiittut 2017 kingorna piaqqiaasut tamarmik DNA-kkut misissortinnissaannik Naalakkersuisut peqquneqarnissaannik Inatsisartuni aalajangiiffigisassatut siunnersuut. DNA-kkut misissuinerup takutissavaa qimminik akusaqalersimanersoq. Naalakkersuisut peqquneqassapputtaaq qimminik akusanik nassaartoqarpat, qimmimik akusamik piginnittoq qimmiutini akusaasoq toqukkusunneraa paasiniassallugu.
Inatsisartunut ilaasortaq Doris J. Jensen, Siumut

Imm./pkt.: 95
Aappassaaneerinninnermi allannguutissatut siunnersuut Ataatsimiitialiamit saqqummiunneqartup taasissutigineqarnera akuerineqarpoq.
Naalakkersuisut Kommune Qeqertalimmi aamma Avannaata Kommuniani campusimik pilersitsinissaq siunertaralugu suliniutit suut aallartinneqassanersut misissueqqullugit peqquneqarnissaannik Inatsisartut aalajangiiffigisassatut siunnersuut. Misissuinermi ilaatigut qulaajarneqassapput, Aasianni GUX-ip pitsaassusaanut aammalu tiguneqarnissamut toqqammavigisat allannguutaanngitsumik, Ilulissani GUX-imik pilersitsinissamut suliniutit pisariaqartut. Misissuineq juli 2022 naatinnagu saqqummiunneqassaaq.
Inatsisartunut ilaasortaq Doris J. Jensen, Siumut

Qimussertarneq qimussillu piujuartinnissaat qulakkeerniarlugu, Naalakkersuisut ukiuunerani tuttuttassanit qimussimik tuttunniartartunut immikkut immikkoortitseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Doris J. Jensen, Siumut

Imm./pkt.: 97
Imm. 90, 97 aamma 57 ataqatigiisillugit siullermeerneqarput
Naalakkersuisut Nunatta kangiani qilalukkanik qernertanik piniartut ilisimasaannik atuilluni kisitseqqissaaqqullugit peqquneqarnissaannik inatsisartut aalajangiiffigisassaattut siunnersuut. Kisitseqqissaarneq siunissami nunatta kangianut pisassiisarnermut tunngaviliissaaq.
Inatsisartunut ilaasortaq Lars Poulsen, Siumut

Imm./pkt.: 106
Aappass. UPA 2022
Siku Blocki malillugu nunatsinni sanaartornermut atugassatut pilersitsisoqarsinnaanera, taamaaliornikkut nunatsinni illuliornerup aningaasatigut imminut nammassinnaasumik ingerlanissaanut ilapittuutinngorlugu periarfissiuunnissaa pillugu Naalakkersuisut UKA2022-mi nassuiaammik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mariane Paviasen, Inuit Ata-qatigiit

Imm./pkt.: 107
Aappassaaneerinninnermi allannguutissatut siunnersuut Ataatsimiitialiamit saqqummiunneqartup taasissutigineqarnera akuerineqarpoq.
Nuna tamakkerlugu Aasianni inuussutissarsiornermik ilinniarfiliortoqassappat pittaaqutaanik ajoqutaanillu nassuiaammik UPA2023-imi saqqummiusseqqullugit Naalakkersuisut peqquneqarnissaannik Inatsisartut aalajangiiffingisassaatut siunnersuut. Naalakkersuisut nalunaarusiornerminni ilinniartitaanerup iluani inuussutissarsiornermik ilinniarfimmik nutaaliorfiusumik nutaamik sanasoqarnissaanut pisariaqartitsisoqarnera eqqarsaatigissavaat.
Inatsisartunut ilaasortaq Kristian Jeremiassen, Inuit Ataqatigiit

Imm./pkt.: 108
Sul. UPA 2022
Imigassaarniarnerup pisiniarfinnit avissaartillugu immikkut imigassaarniarfeqalernissaa pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Charlotte Pike, Inuit Ataqatigiit

Imm./pkt.: 109
Aappassaaneerinninnermi allannguutissatut siunnersuut Inuussutissarsiornermut Aatsitassanullu Ataatsimiititaliamit isumaqatigiittumit saqqummiunneqartup taasissutigineqarnera akuerineqarpoq.
Nersussuit puulukillu nujuitsut neqaannik ilivitsunik aamma affarnik nioqqutissat 1999-mi eqqussuinermi akitsuutaarutsinneqarnerisa sunniutaannik nalilersuinermik Naalakkersuisut UKA2022-mi saqqummiussinissaat pillugu Inatsisartuni aalajangiiffigisassatut siunnersuut. Nalilersuinermi ilaatigut akitsuutaarutsitsinermi ataatsimut piffinnilu suliffissaqartitsinikkut sunniutit kiisalu neqinik igaannarianngorlugit sulianik eqqussuisarnermut sunniutit ilanngunneqassapput. Taamattaaq nalilersuinermi nunatsinni neqinik tunisassianik suliarinnittarneq annertunerulersinniarlugu eqqussuinermik killiliissutaasinnaasut qulaajarnissaat ilaatinneqassaaq.
Inatsisartunut ilaasortaq Mariane Paviasen, Inuit Ata-qatigiit

Uunga siunnersuut: Nunami inuussutissarsiutinut tunngatillugu inuussutissarsiornermik siuarsaaneq pillugu Inatsisartut inatsisaata allanngortinneqarnera pillugu inatsit nr. x ulloq xx. 2021-imeersoq. (Erseqqissaaneq nipilersornermik inuussutissarsiutinut aamma filmiliornermi inuussutissarsiutinut tunngatillugu)
Inuussutissarsiornermut Niuernermullu Naalakkersuisoq

Imm./pkt.: 123
Aktiaatillit kinaassusersinissaat, paasissutissat ingerlateqqittarneri, aamma aktiaatillit pisinnaatitaaffiinik ingerlatsinermik oqilisaaneq pillugit Kalaallit Nunaannut inatsisissatut siunnersuummik Namminersorlutik Oqartussat akuersissuteqarnissaat pillugu Inatsisartut aalajangiiffigisassaattut siunnersuut. (Aktiaatillit kinaassusersinissaannut, paasissutissat ingerlateqqittarnerinut, aamma aktiaatillit pisinnaatitaaffiinik ingerlatsisarnerup oqilisaavigineranut tunngatillugu Europa-Parlamentip aamma Rådip malitassaani 2007/36/EF-imi aalajangersakkanik piviusunngortitsinermut tunngatillugu minnerpaamik piumasaqaatit aalajangernissaat pillugit Kommissionip naammassinninnissamut peqqussutaa (EU) nr. 2018/1212, 3. september 2018-imeersumi aalajangersakkanut assingusunik Kalaallit Nunaannut aalajangersakkat piviusunngortinnissaat)
Inuussutissarsiornermut Niuernermullu Naalakkersuisoq

Imm./pkt.: 124
Imm. 124, 125, 126 aamma 127 ataqatigiisillugit siullermeerneqarput
Ingerlatsiviit pillugit inatsisip allanngortinneqarnera pillugu inatsisini assigiinngitsuni aalajangersakkat ilaasa kunngip peqqussutaatigut Kalaallit Nunaannut atuutsilernissaannik Namminersorlutik Oqartussat akuersissuteqarnissaat pillugu Inatsisartut aalajangiiffigisassaattut siunnersuut. (Piginnittuiit pillugit malittarisassianik piviusunngortitsineq aamma aalajangersakkanik attuumassutilinnik nutarsaaneq)
Inuussutissarsiornermut Niuernermullu Naalakkersuisoq

Imm./pkt.: 125
Imm. 124, 125, 126 aamma 127 ataqatigiisillugit siullermeerneqarput
Inuussutissarsiutigalugu aningaasaateqarfiit pillugit allannguutitut inatsisini assigiinngitsuni aalajangersakkat ilaasa kunngip peqqussutaatigut Kalaallit Nunaannut atuutsilernissaannik Namminersorlutik Oqartussat akuersissuteqarnissaat pillugu Inatsisartut aalajangiiffigisassaattut siunnersuut. (Piginnittuiit pillugit malittarisassiat piviusunngortinneri)
Inuussutissarsiornermut Niuernermullu Naalakkersuisoq

Imm./pkt.: 126
Imm. 124, 125, 126 aamma 127 ataqatigiisillugit siullermeerneqarput
Sulliviit inuussutissarsiutitut ingerlatat ilaat pillugit inatsisip allanngortinneqarneranut inatsisini assigiinngitsuni aalajangersakkat ilaat kunngip peqqussutaatigut Kalaallit Nunaannut atuutsilernissaat pillugu inatsit pillugu Namminersorlutik Oqartussat akuersissuteqarnissaat pillugu Inatsisartut aalajangiiffigisassaattut siunnersuut. (Piginnittuiit pillugit malittarisassiat piviusunngortinneri)
Inuussutissarsiornermut Niuernermullu Naalakkersuisoq