Ullormut oqaluuserisassat
Ullut ataatsimiiffiusut 29-iat, pingasunngorneq 20. November 2019, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5x
Partiit siuttuisa apeqqarissaarnerat.
Nal. 10:00-imiit 12:00-imut apeqquteqarfissaq.
Nal. 10:00-imiit 12:00-imut apeqquteqarfissaq.
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 144
Uunga siunnersuut: Utoqqalinersiaqarneq pillugu Inatsisartut inatsisaata allanngortinnissaa pillugu Inatsisartut inatsisaat nr. xx, xx. xxx 2019-imeersoq. (Utoqqalinersianik ikilisitsisoqartinnagu aningaasanik innuttaasup akissarsiarisinnaasaanik qaffaaneq)
Peqqissutsimut, Isumaginninnermut Inatsisinillu Atuutsitsinermut Naalakkersuisoq
Imm./pkt.: 19
Uunga siunnersuut: Akiliisarfik Ilanngaassivik pillugu Inatsisartut inatsisaat nr. xx, xx. xx 2019-imeersoq.
Aningaasaqarnermut Nunanilu Avannarlerni suleqatigiinnermut Naalakkersuisoq
Imm./pkt.: 100
Pisortat sullississutaasa suliakkiissutigineqarnerannik atuinermi iluaqutaasunik qulaajaalluni UPA2021-mut naassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut, assersuutigalugu eqqiaaneq, aqqusinernik aserfallatsaaliuineq, illunik aserfallataaliuineq utoqqarnillu paaqqinninneq. Nassuiaat misileraalluni aaqqissuussisinnaanrmut inassuteqaatinik kiisalu misileraalluni aaqqissuussinernik avammut suliakkiissutigineqarluarsinnaasunik nalilersuinermut inassuteqaatinik imaqassaaq.
Inatsisartunut ilaasortaq Tillie Martinussen, Suleqatigiissitsisut
Imm./pkt.: 133
Najukkani nunalerinikkut tunisassianik tuniniaanerup annertusarneqarnissaanut atugassarititaasut pitsaanerpaajunissaat qulakkeerniarlugu Naalakkersuisut iliuusissatut pilersaarusiornissamik peqquneqarnissaannik Inatsisartut aalajangiiffigisassaattut siunnersuut. Siunissami sulinissamut piffissalersuummik iliuusissatut pilersaarut imaqassaaq Inatsisartunullu kingusinnerpaamik UKA 2020-mi agguaanneqassalluni.
Inatsisartunut ilaasortaq Stine Egede, Inuit Ataqatigiit
Imm./pkt.: 49
Meeqqanut pinerliisimannginnermut uppernarsaatip imaa annertusillugu meeqqanik atoqateqarsinnaanngorsimasunik kinguaassiutitigut pinerliisimanerit ilanngunneqartalernissaat pillugu Kalaallit Nunaanni Meeqqanut pinerliisimannginnermut uppernarsaammut malittarisassat allanngortinneqarnissaat siunertaralugu naalagaaffeqatigiinni oqartussaaffinnut saaffiginneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Allannguinerup peqataanik Namminersorlutik Oqartussat meeqqanut pinerliisimannginnermut uppernarsaammik piniarnissaminnut pisussaaffeqarnerat annertusineqassaaq inuit meeqqanut oqaatigineqartutut ukiulinnut attaveqartartussanngorlugit atorfinittussat imaluunniit sullissisussat ilanngunneqarsinnaanngorlugit.
Inatsisartunut ilaasortaq Steen Lynge, Demokraatit
Imm./pkt.: 40
Iqalunnut timmisartukkut pisortat aallarnigaannik aqquteqaqqilissappat tapeeriutsit assigiinngitsut qanoq ittut pisortanut, namminersortunut innuttaasunullu aningaasatigut kingunissaasa takussutissartaannik kingusinnerpaamik UKA2020-imi Inatsisartunut agguanneqartussamik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 58
Inuussutissanik immuup sukkuanik akoqanngitsunik pisariaqartitsisunut qanoq akikinnerulersitsisinnaanersugut pillugu misissuinissamik aallartitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermi naatsorsorneqassaaq innersuussutit ataasiakkaat aningaasatigut inuiaqatigiinnut kinguneqassanersut.
Inatsisartunut ilaasortaq Justus Hansen, Demokraatit
Imm./pkt.: 11
2018-imut Nunatta Karsiata naatsorsuutaasa akuersissutigineqarnissaannik siunnersuut.
Aningaasaqarnermut Naalakkersuisoq
Imm./pkt.: 47
Imminut pilersorneq nunatsinni annertusarniarlugu Naalakkersuisut periusissiamik kingusinnerpaamik UKA2020-imi Inatsisartunut saqqummiunneqartussamik suliaqaqqullugit peqquneqarnissaannik Inatsisartut aalajangiiffigisassaattut siunnersuut. Periusissiaq aamma inatsisitigut aningaasatigullu aporfiit nutartigassat aaqqissuuteqqinnissaannut innersuussutinik imaqassaaq.
Inatsisartunut ilaasortaq Múte B. Egede, Inuit Ataqatigiit
Imm./pkt.: 142
Umiarsuarni inuttat pillugit inatsisip Kalaallit Nunaanni atuutilersinneqarnissaannik peqqussutip Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Ineqarnermut Attaveqaqatigiinnermullu Naalakkersuisoq