Arlaat toqqaruk

Oqaluuserisassat oqaluuserineqarfissaasalu ullui

2022-mi Ukiakkut Ataatsimiinneq
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat

Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat

Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq.
Inatsisartut Siulittaasoqarfiat

Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinni- isussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat

Imm./pkt.: 5
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
(Matoqqasumik ataatsimiinneq)
Inatsisartut Siulittaasoqarfiat

Imm./pkt.: 6
2023-mi Inatsisartut Upernaakkut ataatsimiinnissaata aalajangiiffigineqarnera.
Inatsisartut Siulittaasoqarfiat

2023-imut aningaasanut inatsisissatut siunnersuut.
Aningaasaqarnermut Naligiissitaanermullu Naalakkersuisoq

Inatsisartut Ombudsmandiata 2021-imut ukiumoortumik nalunaarutaata
Inatsisartunit tusaatissatut tiguneqarnissaanik Inatsisartut
aalajangiiffigisassaattut siunnersuut.
Inatsisinut ataatsimiititaliaq

Imm./pkt.: 11
2021-mut Nunatta Karsiata naatsorsuutaasa akuersissutigineqarnissaannik siunnersuut.
Aningaasaqarnermut Naligiissitaanermullu Naalakkersuisoq

Imm./pkt.: 14
Nunanut Allanut tunngasutigut naalakkersuinikkut ingerlatsineq pillugu nassuiaat 2022.
Nunanut Allanut, Inuussutissarsiornermut Niuernermullu Naalakkersuisoq

Imm./pkt.: 15a
Naalakkersuisut siulittaasuata ammaanermi oqalugiaataa.
Naalakkersuisut Siulittaasuat

Imm./pkt.: 15b
Naalakkersuisut siulittaasuata ammaanermi oqalugiaataa tunngavigalugu oqallinneq.
Naalakkersuisut Siulittaasuat

Qitiusumik Inuit Nalunaarsorsimaffiat pillugu inatsisip allanngortinnissaanut Inatsisissamut, Kalaallit Nunaanni folketingimut qinersisarneq pillugu inatsimmut aamma Folketingimut qinersisarneq pillugu inatsisimmut siunnersuummi aalajangersakkat ilaat Kalaallit Nunaanni Namminersorlutik Oqartussat ilanngunnissaannut Inatsisartunut aalajangiiffigisassatut siunnersuut (Danmarkimi Kalaallillu Nunaanni inunnik Kalaallit Nunaanni Namminersorlutik Oqartussanit imaluunniit qallunaat naalagaaffiannit naalagaaffiup avataanut il. il. aallartitaalluni peqqusaasimasunut kiisalu Danmarkimi Kalaallillu Nunaanni folketingimut qinersinermi allattorsimaffimmut ilanngunnissamut tunngatillugu najugaqarnermut nalunaarsortinneq)
Naalakkersuisut Siulittaasuat

Nioqqutissanik eqqussuinermi akitsuutit pillugit Inatsisartut inatsisaata allanngortinneqarnera pillugu Inatsisartut inatsisaattut siunnersuut. (Akitsuummik atorunnaarsitsineq, naalagaaffiillu pisortaasa pisortatigoortumik tikeraarnerannut il.il. atatillugu qamutit motoorillit eqqunneqarneranni akitsuummik atorunnaarsitsineq)
Aningaasaqarnermut Naligiissitaanermullu Naalakkersuisoq

Imm./pkt.: 27
Utoqqaat pillugit isumalioqatigiissitamik utoqqarnut suliassaqarfimmi suliaqartunik peqataaffigineqartumik pilersitsinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Naalakkersuisut utoqqaat pillugit isumalioqatigiissitap kaammattuutai tunngavigalugit utoqqaat pillugit inatsisissatut siunnersuummik UKA2024-mi saqqummiussissapput.
Inatsisartunut ilaasortaq Mariane Paviasen, Inuit Ataqatigiit

Imm./pkt.: 28
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Namminersorlutik Oqartussat Umiarsualivinnut Immikkoortunut pilersaarutaat 2017-2027-imoortoq tunngavigalugu umiarsualiviit aserfallatsaalineqarnerinut, ineriartorteqqinnerinut ingutserneqarnerinullu pingaarnersiuinermut pilersaarummik, qanorlu siunissami aserfallaatsaaliinermut aningaasartuutissanik kinguaatsoorfiunnginnissaanut periarfissanik imaqartumik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Harald Bianco, Inuit Ataqatigiit

Imm./pkt.: 29
Aapass. UPA 2023
Kalaallit Nunaanni illunut inissianullu Radon-ip qinngorneranut illersuutilersuinissamut periarfissanik misissuititsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinerup imarissavaa pisortat ingerlataanni illuni aamma naammineq illuni inissianilu pisortanit pigineqartuni arlalinni periarfissarsiornissaq. Kingusinnerpaamik 2023-mi ukiaanerani ataatsimiinnermi misissuinermit innersuussutit saqqummiunneqassapput.
Inatsisartunut ilaasortaq Mariane Paviasen, Inuit Ataqatigiit

Imm./pkt.: 30
Aappass. UPA 2023

Immikkoortut 30, 78 aamma 89 ataatsimut siullermeerneqarput.
Meeqqat ADHD-mik aamma autisme-mik nappaateqartut siusinnerusukkut paasineqartarnissaannut qanoq pitsanngorsaasoqarsinnaaneranut pilersaarummik Naalakkersuisut suliaqaqqullugit peqquneqarnissaannut Inatsisartut aalajangiiffigisassaattut siunnersuut.
Inatsisartunut ilaasortaq Mikivsuk Thomassen, Inuit Ataqatigiit

Imm./pkt.: 31
Immikkoortut 31 aamma 59 ataatsimut siullermeerneqarput.

Aappassaaneerinninnermi allannguutissatut siunnersuut Naalakkersuisunit saqqummiunneqartoq auerineqarpoq.
Kommune Qeqertalimmi aallaaveqartussamik piniarnermut aalisarnermut nakkutilliisumik 2023 aallarnerfigalu atorfeqartitsilernissaq siunertaralugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Kristian Jeremiassen, Inuit Ataqatigiit

Imm./pkt.: 32
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Kujataata Kommuneani kangerlunni savaateqarfeqarfigineqartuni nattoralinnik kisitsisoqarnissaannik kisitsinermilu susassaqartut akuutinneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mariane Paviasen, Inuit Ataqatigiit

Imm./pkt.: 33
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Nivaap imartaata itisilernissaanut 2023-mi misissueqqissaarnissamut Naalakkersuisut peqquneqarnissaannik Inatsisartut aalajangiiffingisassaattut siunnersuut.
Inatsisartunut ilaasortaq Kristian Jeremiassen, Inuit Ataqatigiit

Imm./pkt.: 34
Aappass. UPA 2023
Pisariartitsineq aallaavigalugu nunalerinermik ilinniarfimmik pilersitsisoqarnissaanut Naalakkersuisut nalunaarusioqquneqarnissaaanik Inatsisartut aalajangiiffigisassaattut siunnersuut. Nalunaarusiaq Narsami Nunalerinermik ilinniarfimmik pilersitsinissamik qulaajaanerussaaq, pingaarnertut imminut pilersorsinnaaneq, nunalerineq aamma nerisassanik tunissassiornermik siunertaqartumik. Nalunaarusiaq Inatsisartut 2023-mi ukiaanerani ataatsimiinneranni agguaanneqassaaq.
Inatsisartunut ilaasortaq Mariane Paviasen, Inuit Ataqatigiit

Isertuussanik kalerriisartut pillugit inatsisissamik kalerriisartunik illersuisussamik Naalakkersuisut piareersaallutillu siunnersuuteqarnissaannik, suliassallu tamatuma aalajangiiffigisassatut siunnersuut manna akuersissutigineqarniariarpat aallartinneqarnissaanik, peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Asii Chemnitz Narup, Inuit Ataqatigiit

Imm./pkt.: 36
Aappass. UPA 2023
Atorfimmi peqquserlunnerup akiornissaanut Naalagaaffiit Peqatigiit isumaqatigiissutaannut Kalaallit Nunaata ilanngunneqarnissaanik matumalu aalajangiiffigisassatut Siunnersuutip akuerineqarnerata kingunitsianngua tamatuma sulissutigineqalernissaa aallartinneqaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Asii Chemnitz Narup, Inuit Ataqatigiit

Imm./pkt.: 46
Tunup namminerisamik kommuuninngorsinnaanerata nalilernissaa pillugu apeqquteqaat aallaavigalugu oqallisissiaq.
Inatsisartunut ilaasortaq Lars Poulsen, Siumut

Imm./pkt.: 48
Pitsaassutsimik nalunaarusiami ilaasussamik, atuarfimmilu siulersuisut, aqutsisut aamma ilinniartitsisut ineriartortitsinermik suliaqarnissaannut kiisalu ilikkagassanut pilersaarusianut nutarsaanissamut tunngaviliisussami, naliliinissamut skabelon-imik (ilisserummik) suliaqarnissamik aallartitaqarnissaannut Naalakkersuisut peqqusiffigineqarnissaat pillugu Inatsisartunit aalajangiiffigisassatut siunnersuut.
Inatsisartunut ilaasortaq Jens NapãtôK ́, Naleraq

Imm./pkt.: 51
Siull. 3/5-2022
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq
Nunatsinni illoqarfinni avinngarusimasuniittuni peqqissaaviit minnerni nakorsaqarniarneq aammalu peqqinnissaqarfimmi sulisunik amigaateqarneq pillugu Naalakkersuisut UPA2023 nallertinnagu nassuiaasioqquneqarnissaannik Inatsisartut aalajangiiffigissaassaattut siunnersuut.
Naleqqap Inatsisartunut ilaasortaatitai

Imm./pkt.: 54
Imm. 54 aamma 64 ataatsimut siullermeerneqarput.

Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
2023 ilaatillugu aallarnerfigalugulu Ittoqqortoormiini aamma Tasiilami aqutsiveqarfinni qilalukkanut qaqortanut pisassiissutinik atuutilersitsinissaat pillugu Naalakkersuisut peqqusiffigineqarnissaannut Inatsisartunit aalajangiivigisassatut siunnersuut.
Inatsisartunut ilaasortaq Jens NapãtôK´, Naleraq

Imm./pkt.: 56
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Ukioq 2025-imiit nutaamik umiarsuarmik sinersortaateqalernissaa siunertaralugu Naalakkersuisut pilersaarummik suliaqarnissaannik Inatsisartut aalajangiiffigisassaattut siunnersuut, taamaasilluni pilersaarut kingusinnerpaamik UKA 2023-imi saqqummiunneqassalluni.
Inatsisartunut ilaasortaq Anders Olsen, Siumut

Imm./pkt.: 59
Immikkoortut 59 aamma 31 ataatsimut siullermeerneqarput.

Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Nunap immikkoortuini Uummannami Upernavimmilu najugaqartunik piniarnermut nakkutilliisoqalernissaa sulissuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens Kristian Therkelsen, Siumut

Imm./pkt.: 60
Aappassaaneerinninnermi allannguutissatut siunnersuut Demokraatinit saqqummiunneqartoq itigartinneqarpoq.
Aqqusinikkut angallannermut oqartussaaffiup pigisanullu nalilinnut inatsisip tiguneqarnissaanut tunngavissat tamarmik nassuiaasiorfigineqarnissaat siunertaralugu Naalakkersuisut Naalagaaffiup oqartussaasuinut saaffiginneqqullugit peqquneqarnissaannik Inatsisartut aalajangiiffigisassatut siunnersuut.
Inatsisartunut ilaasortaq Kuno Fencker, Siumut

Imm./pkt.: 61
Naalagaaffinni inuiaat ikinnerussuteqartut pillugit tunngaviusumik isumaqatigiissut (FCNM) kiisalu Europami nunat immikkoortuini oqaatsit imaluunniit ikinnerussuteqartut oqaasii pillugit isumaqatigiissutit (Oqaatsit pillugit isumaqatigiissut) naapertorlugit kalaallit Danmarkimiittut inuiattut ikinnerussuteqartutut naalagaaffimmi oqartussaasunit akuerineqarnissaannik Naalakkersuisunit kaammattorneqarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Kuno Fencker, Siumut

Imm./pkt.: 62
Naalagaaffeqatigiinni oqartussat suliassaqarfik “pas” pillugu nassuiaasiornissaat siunertaralugu attaviginninnissaanik, taamalu suliassaqarfiup tiguneqarnissaa siunertaralugu, Naalakkersuisut peqquneqarnissaat pillugu Inatsisartunut aalajangiiffigisassatut siunnersuut. Passimut suliassanut ilaapput passimik tunniussisarneq aamma pinngitsoorani passeqartussaatitaanermut tunngasut. Inatsisitigut allaffissornikkullu kingunissai pillugit paasissutissiilluni allaatiginninneq imaqassaaq, tiguneqarnissaanut atatillugu ingerlanneqarneranut aningaasatigullu kingunissai ilanngullugit.
Inatsisartunut ilaasortaq Kuno Fencker, Siumut

Imm./pkt.: 64
Immikkoortut 54 aamma 64 ataatsimut siullermeerneqarput.

Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Naalakkersuisut ukioq 2023-imut qilalukkanik qaqortanik 15-inik aqutsiveqarfimmut Tasiilamut pisasseeqqullugit peqquneqarnissaannik Inatsisartut aalajangiiffigisassaattut siunnersuut.
Siumup Inatsisartunut ilaasortaatitai

Imm./pkt.: 65
Aappassaaneerinninnermi allannguutissatut siunnersuut akuerineqarpoq
Nunatta kangiani aalisakkerfivinnut tulaassisussaatitaanermik piumasaqaateqalersitsisinnaaneq pillugu Naalakkersuisut misissueqqullugit peqquneqarnissaannik inatsisartut aalajangiiffigisassaattut siunnersuut. Nalunaarusiaq inatsisartunut UKA2023 nallertinnagu inatsisartunut agguaanneqassapput.
Siumup Inatsisartunut ilaasortaatitai

Imm./pkt.: 67
Innarluutillit kiffartuunneqarnerisa ineriartortinneqarnissaanut aamma annertusarneqarnissaanut suliniuteqalernissaq siunertaralugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Hans Peter Poulsen, Siumut

Imm./pkt.: 70
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Inatsisartut aalajangiiffigisassaattut siunnersuut, Naalakkersuisut peqquneqassasut misissuissasut Royal Arctic Line Kalaallit Nunaannut avammullu assartuinissamut sullissinissamik akuersissutaata atuukkunnaarsinneqassappat pitsaaqutissai ajoqqutissaalu, taamatuttaarlu assartuinermut unammilleqatigiinneq eqqullugu. Misissuineq takussutississavaa sullissinissamik akuersissut peerlugu unammilleqatigiinnermillu eqqussineq aningaasatigut kingunissai qanoq isikkoqarnersut. Misissuineq Inatsisartunut UKA 2023 nallertinnagu tunniunneqassaaq.
Inatsisartunut ilaasortaq Jens-Frederik Nielsen, Demokraterne

Imm./pkt.: 71
Aappassaaneerinninnermi allannguutissatut siunnersuut Aningaasaqarnermut Akileraartarnermullu Ataatsimiititaliamit saqqummiunneqartoq akuerineqarpoq.

Imm./pkt.: 72
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Isumaginninnermut pisortaqarfik angerlarsimaffinni meerartaqarfiusuniit eqqissiviilliortoqarsimatillugu ilisimatinneqarnerini aaqqiagiinngittoqartillugu akunnermiliuttuusarneq pillugu neqeroorummik pilersitsisoqarnissaa anguniarlugu Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit

Nakorsat kigutillu nakorsai kalaaliusut sooq ilinniagartik arlalitsigut nunatsinni atornagu nunattali avataani atortarneraat kvalitativiusumik misissorneqarnissaanik Naalakkersuisut peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit

Kalaallit Nunaanni sakkutuunngorusuttunik (sakkutuunngorniartussaatitaanermut misilitsinnerit) katersisarneq ingerlanneqaqqittalernissaa siunertaralugu Naalakkersuisut Rigsmyndighed attaviginissaat pillugu Inatsisartunut aalajangiiffigisassatut siunnersuut.
Inatsisartunut ilaasortaq Anna Wangenheim, Demokraatit

Imm./pkt.: 76
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Tasiilami innuttaasut suliffeqanngitsut paaqqinninnermi isumassuinermillu immikkoortortaqarfimmi sulilersinnaanissaannut qaffassaanissamut immikkut suliaqartussanik pilersitsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Immikkut suliaqarnissaq sukkanerpaamik aallarnisarneqassaaq nunarpullu tamakkerlugu atuutilersinneqarnissaa siunertaralugu ataavartumik nalilersorneqartassalluni.
Inatsisartunut ilaasortaq Anna Wangenheim, Demokraatit

Imm./pkt.: 77
Aappass. UPA 2023
Namminersorlutik suliffeqarfiutillit immiaaqqanik, viinninik imigassallu kimittuunik eqqussisinnaanngornissaat anguniarlugu Nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersumut Naalakkersuisut allannguutissatut siunnersuuteqarnissaanik peqquneqassasut Inatsisartut aalajangiiffigisassaattut siunnersuut.
Inatsisartunut ilaasortaq Jens-Frederik Nielsen, Demokraatit

Imm./pkt.: 78
Aappass. UPA 2023

Immikkoortut 30, 78 aamma 89 ataatsimut siullermeerneqarput.
Meeqqanut ikiorsiinerit pigasuartuunngitsut timikkut aammalu tarnip pissusaat pillugu immikkoortortaqarfimmut innersuunneqarnermiit annerpaamik qaammat ataaseq ingerlasimanissaanik anguniagalimmik innersuussinissaq kisitsisilersuinissarlu siunertaralugu tarnip pissusaa pillugu aammalu meeqqat timikkut nakorsiartarfianneersunik sukkasuumik suligasuartussanik suleqatigiissitaliornissamik Naalakkersuisut pilersitsinissaat siunertaralugu Inatsisartut aalajangiiffigisassaattut siunnersuut. Suleqatigiissitap taamatuttaaq aningaasatigut sulisutigullu pisariaqartitat ersarissassavaat. Suleqatigiissitap innersuussassat kisitsinerillu UPA 2023 nallertinnagu naammassisimassavaat.
Inatsisartunut ilaasortaq Anna Wangenheim, Demokraatit

Tarnikkut atugarliorneq aammalu imminut toqunnissamut ernumanartoqarneq akiorniarlugit innuttaasut tarnikkut ikiueqqaarsinnaanissamut pikkorissarfissaannik periarfissiisoqarnissaanut suliniutissatut pilersaarutinik Naalakkersuisut suliaqarnissaat pillugu Inatsisartut aalajangiiffigisassaattut siunnersut. Sammisami attuumassuteqartut, uanilu immikkut piffinni ingerlatsisut kommuunillu suleqatigineqarnissaat Naalakkersuisunit annertuumik anguniarneqassaaq. Periusissiatut pilersaarutit kingusinnerpaamik 1. juni 2023 piareereersimassapput.
Inatsisartunut ilaasortaq Anna Wangenheim, Demokraatit

Imm./pkt.: 80
Aappassaaneerinninnermi allannguutissatut siunnersuut Ataatsimiititliamit saqqummiunneqartoq akuerineqarpoq.
Ilinniartitsisunngorlaat meeqqanut inuusuttunullu tarnikkut ajornartorsiutilinnut pitsaanerusumik sullissisinnaanngornissaat anguniarlugu ilinniartitsisunngorniarnermi tarnip pissusaa pillugu ikiuigasuarsinnaaneq aammalu meeqqat tarnikkut nappaatigisartagaat pillugit ilisimatusarneq eqqunneqarnissaat anguniarlugu Naalakkersuisut sulissuteqassallutik peqquneqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit

Imm./pkt.: 81
1. Aappassaaneerinninnermi allannguutissatut siunnersuut Ataatsimiititaliamit amerlanerussuteqartumit saqqummiunneqartoq akuerineqarpoq.
Innuttaasut peqqissutsikkut sullinneqarsinnaanissaat anguniarlugu cubameersuni peqqinnissaqarfimmi sulisunik sulilersitsiniaanissamut suliniut unitsinneqarallarsimasoq aallarnisaqqinnissaa anguniarlugu Naalakkersuisut peqquneqarnissaanik Inatsisartut aalajangiiffigisassaattut siunnersuut. Aallarnisaaneq 2022 naatinnagu pissaaq.
Inatsisartunut ilaasortaq Anna Wangenheim, Demokraatit

Imm./pkt.: 82
Aappass. UPA 2023
Nammineq kissaatiginngisaminnik meerartaarsinnaanngitsut Qallunaat Nunaanni IVF aamma ICSI-mik ikiorserneqarsinnaanngorlugit angalanermullu, najugaqarnermut, misissortinnermut aammalu ikiorserneqarnermut aningaasartuutit peqqinnissaqarfimmiit akilerneqartarnissaannik neqerooruteqartoqartalernissaa pillugu Naalakkersuisut peqquneqarnissaanik Inatsisartunut aalajangiiffigisassatut siunnersuut. Tamatumani siunertaralugu nammineq kissaatiginngisamik meerartaarsinnaanngitsut ilaqutariinnut inuiaqatigiinnullu iluaqutaasussamik nuannaarutaasussamillu meerartaarsinnaanngornissaat.
Inatsisartunut ilaasortaq Anna Wangenheim, Demokraatit

Imm./pkt.: 83
Aappass. UPA 2023
Innuttaasut tarnimikkut napparsimasut innuttaasut akornanni inooqataaqqilertarnerannut annertusaanissaq anguniarlugu tarnikkut nappaatilinnut immikkoortortaqarfik aammalu pinerluttunik isumaginnittoqarfimmi sulisut ilinniakkamik qaffassaqqiffigisinnaasaannik immikkut suliaqarnissaq siunertaralugu Naalakkersuisut sukkanerpaamik Rigsmyndighed-mut attaveqarnissaat pillugu Inatsisartut aalajangiiffigisassaattut siunnersuut.
Inatsisartunut ilaasortaq Anna Wangenheim, Demokraatit

Imm./pkt.: 84
Aappass. UPA 2023
Kalaallit Nunaanni Danmarkimilu ilinniartoqarfiit peqqinnissamut tunngassutillit akunnerminni suleqatigiinnissamut isumaqatigiissusiornissaannut suliniuteqartoqassagaluarpat pitsaaqutit iluaqutissallu misissornissaannut suleqatigiissitamik pilersitsinissamut Naalakkersuisut peqquneqarnissaanik Inatsisartut aalajangiiffigisassaattut siunnersuut. Suleqatigiinnissamut isumaqatigiissut sumiiffinni nittartagaq aqqutigalugu ilinniakkanik qaffassarnerit pikkorissarnerillu atorneqarsinnaaneri qulakkiissavaat. Tamanna inuiaqatigiinni sumiiffiit ilaanni isumaginninnikkut peqqinnissatigullu immikkut ilisimasalinnik pisariaqartitsinermut naaperiaataassaaq. Suleqatigiissitap suliani UKA 2023-mi naammassisimassavaa.
Inatsisartunut ilaasortaq Anna Wangenheim, Demokraatit

Imm./pkt.: 85
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Innuttaasut peqqinnissaqarfillu akunnerminni tatigeqatigiinnerat ataqqeqatigiinnerallu annertusarnissaa anguniarlugu atorfillit atuisullu oqaloqatigiinnerat annertusarnissaa anguniarlugu peqqinnissaqarfinni immikkoortortaqarfinnilu tamani atuisut siunnersuisooqatigiivinik pilersitsinissamut periarfissat misissornissai pillugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Misissuineq aningaasatigut kingunissaanik nassuiaassaaq UKA2023-lu nallertinnagu tunioraanneqassalluni.
Inatsisartunut ilaasortaq Anna Wangenheim, Demokraatit

Imm./pkt.: 86
Aappassaaneerinninnermi allannguutissatut siunnersuut Ataatsimiititaliami amerlanerussuteqartut Siumumeersut, Inuit Ataqatigiinneersut Atassummeersullu saqqummiunneqartoq akuerineqarpoq.
Immiaaqqat imeruersaatillu kulsyrimik akullit Kalaallit Nunaanni puujaasat dås-illu angissutsit assigiinngitsunik tuniniarneqarsinnaanngorlugit puui pillugit nalunaarusiaq allanngortinnerasigut Naalakkersuisut qulakkeerinninnissaat pillugu Inatsisartunut aalajangiiffigisassaattut siunnersuut. Utertitsisarnermut aaqqissuussami puujaasat dås-illu ilaasinnaassapput. Siunnersuummik akuersereernerup kingorna sukkanerpaamik allannguisoqassaaq – kingusinnerpaamilli 1. januar 2024.
Inatsisartunut ilaasortaq Jens-Frederik Nielsen, Demokraatit

Imm./pkt.: 87
Aappass. UPA 2023
Takornariaqarneq aallaavigalugu ilinniarfiusinnaasumik Ilulissani ilinniartoqarfimmik pilersitsinissamut aalajangiisoqarsinnaanissaanut tunngavissanik Naalakkersuisut misissuinissaat pillugu Inatsisartut aalajangiiffigisassaattut siunnersuut. Ilinniartoqarfik minnerpaamik serviceøkonom, Arktisk Turistguide aamma Adventure Guide ilinniakkatut pigissavai. Misissuineq kingusinnerpaamik UKA 2023-mi Inatsisartunut tunniunneqassaaq.
Inatsisartunut ilaasortaq Nivi Olsen, Demokraatit

Imm./pkt.: 88
Aappassaaneerinninnermi allannguutissatut siunnersuut Naalakkersuisunit saqqummiunneqartoq akuerineqarpoq.
Angerlarsimaffinni varmepumpenik aammalu solcellinik pilersitsinissamut pitsaaqutit aammalu ajoqqutit misissornissaanut Naalakkersuisut nassuiaammik suliaqarnissaat pillugu Inatsisartut aalajangiiffigisassaattut siunnersuut. Nassuiaat taakkuninnga ikkussisoqartillugu Namminersorlutik Oqartussat tapiissuteqarsinnaanissaannut aaqqiissummik eqqarsaatersuutinik imaqassaaq. Nassuiaat kingusinnerpaamik EM 2023 Inatssartunut tunniunneqassaaq.
Inatsisartunut ilaasortaq Nivi Olsen, Demokraatit

Imm./pkt.: 89
Aappass. UPA 2023

Immikkoortut 30, 78 aamma 89 ataatsimut siullermeerneqarput.
Meeqqat ADHD-eqartut, ADD-eertut, autismeqartut aammalu/imaluunniit angstertut suussusersineqarnissaat taamaasillutalu ikiorsinnaanissaat qanoq pikkoriffiginerulersinnaanerinut tigussaasunik innersuussuteqartussanik suleqatingiinnik immikkut ilisimasalinnik pilersinnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut. Suleqatingiit immikkut ilisimasallit innersuussutit 1. juni 2023 nallertinnagu saqqummiutissavai.
Inatsisartunut ilaasortaq Nivi Olsen, Demokraatit

Imm./pkt.: 92
Aappass. UPA 2023
Kalaallit Nunaanni Inuit nalunaarsorsimaffiannik, Norgemi sametingimi valgmanntallimut aaqqissuussineq isumassarsiorfigalugu (Kalaallisut inuit nalunaarsorsimaffiat aamma qinersisartut nalunaarsorsimaffiat), nammineq kajumissutsimik nalunaarsuinermik aamma qinersisartut nalunaarsorsimaffiannik tunngaveqartumik, suliaqarnissamik
Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq

Imm./pkt.: 93
Aappassaaneerinninnermi allannguutissatut siunnersuut Inuit Ataqatigiinnit saqqummiunneqartoq akuerineqarpoq.
Kommunit aaqqissugaanerisa allannguutaat pillugit Naalakkersuisut nalilersuinissamik suliaqaqqullugit peqquneqassasut Inatsisartut aalajangiiffigisassaattut siunnersuut. Aaqqissuussaanermi allannguutaasimasut pitsaaqautai ajoqutaalu nalilersorneqassapput, sumiiffimmilu demokratiimut kommunillu aningaasaqarnerannut sunniuteqarsimanersoq, kiisalu allaffissornikillisaaniarnermut siunertaasimasoq piviusunngortinneqarsimanersoq nalilersorneqassallutik. Nalilersuineq UPA2024 nallertinnagu Inatsisartunut agguaassorneqassaaq.
Inatsisartunut ilaasortaq Aqqalu C. Jerimiassen, Atassut

Imm./pkt.: 94
Aappass. UPA 2023
Aalajangiiffigisassatut siunnersuut, Upernavimmi Uummannamilu, nunaqarfiillu eqqaaniittuni eqqaaveqarneq pillugu Naalakkersuisut nalunaarusiussasut, nalunaarusiaq agguaanneqassaaq UKA2023-imi. Nalunaarummi erseqqissarneqarsmassaaq, eqqakkanik isumaginninneq qanoq allatut suliarneqarsinnaanersoq, ukiuni arlalippassuarni atasinnaasunik, kiassarnikkut inaallagiaqarnikkullu iluaqutaasinnaasunik sanaartussagaanni, qanorlu aningaasaqarnikkut kinguneqassanersoq.
Inatsisartunut ilaasortaq Aqqalu C. Jerimiassen, Atassut

Imm./pkt.: 95
Maniitsup eqqaani erngup nukissiuuteqalernissaa pillugu Naalakkersuisut UKA 2023-mut Inatsisartunut saqqummiussassamik pilersaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Siverth K. Heilmann, Atassut

Imm./pkt.: 96
Aappassaaneerinninnermi allannguutissatut siunnersuut Ataatsimiititaliamit isumaqatigiittumit saqqummiunneqartoq akuerieqarpoq.
Meeqqat atuarfianni angajullerni inuussutissarsiutinut sammiveqartut atuartitsissutitut neqerooruteqarsinnaalernissamik periarfissiisinnaaneq pillugu Naalakkersuisut UKA2023 nallertinnagu nalunaarusioqqullugit aalajangiiffigisassatut siunnersuut.
Inatsisartunut ilaasortaq Aqqalu C. Jerimiassen, Atassut

Imm./pkt.: 97
Aappass. UPA 2023
Sapigalinnut ulluinnarni nerisassat nioqqutissat nunatsinnut ajornannginnerusumik eqqussorsinnaalernissaannut Naalakkersuisut nalunaarusioqqullugit peqquneqarnissaat pillugu Inatsisartut aalajangiiffigisassaattut siunnersuut. Nunaniit allaniit nioqqutissat taakku eqqussorsinnaanissaannut inatsisitigut qanoq allannguinissaq pisariaqarnersoq, qanorlu akimikkut Danmarkimiit nioqqutissanut unammillernerusinnaalersinnaaneri nalunaarusiamut ilanngunneqassapput. Nalunaarusiaq kingusinnerpaamik UKA2023-mi Inatsisartunut agguaanneqassaaq.
Inatsisartunut ilaasortaq Aqqalu C. Jerimiassen, Atassut

Imm./pkt.: 98
Maniitsumi RG-ip aalisakkanut suliffissuanut, saarullinnik uumatillugit uumatitsivissorlunilu tunissassiorup, nunatsinni annertusiartuinnartup, toqusooruteqartarnerullu piffinni assigiinngitsuni ajornartorsiutaasarnera peqassutsimut innarliinani, aningaasarsiutaanerali tamanut pitsaanerpaaffissamiitinneqarnissaat anguniarlugit, Naalakkersuisut RG suleqatigalugu, nunatta ilaani immikkoortoortaqarfeqalersinnaanera pilersaarusioqatigiissinnaanerlu pillugit, apeqquteqaat aallaavigalugu oqallinnissamik siunnersuut.
Inatsisartunut ilaasortaq Siverth K. Heilmann, Atassut

Imm./pkt.: 109
Immikkoortut 109 aamma 141 ataatsimut siullermeerneqarput.

Imm./pkt.: 110
Uunga siunnersuut: Nerukkaatissanut akussat pillugit inatsisip Kalaallit Nunaannut Kunngip peqqussutaatigut atuutilersinneqarnissaanik Namminersorlutik Oqartussanit akuerineqarnera pillugu Inatsisartut aalajangiinerat.
Aalisarnermut Piniarnermullu Naalakkersuisoq

Imm./pkt.: 114
Immikkoortut 114 aamma 132 ataatsimut siullermeerneqarput.
Uunga siunnersuut: Kalaallit Nunaanni sullivimmi avatangiisinut inatsisip allanngortinneqarnissaanut inatsisissatut siunnersuutip (Sullivimmi tarnikkut avatangiisit, isumannaatsuuneq aamma peqqinneq pillugit suliffeqarfiup suleqataanera, sulliviit naliliiffigineqartarnerinut piumasaqaatinik sukaterineq, Sullivinnik Nakkutilliisoqarfiup qisuariaateqarnissamut periarfissaanik annertusaaneq, paasissutissanik katersuineq, suliarinninneq aamma ingerlatitseqqiineq, suliffeqarfinnik isumaqatigiissuteqartarnerup ingerlasarnera, pillaatissiissutinik sakkortunerulersitsineq il.il.) Namminersorlutik Oqartussanit akuersissutigineqarnissaa pillugu Inatsisartut aalajangiiffigisassaat.
Isumaginninnermut, Suliffeqarnermut Nunamullu Namminermut Naalakkersuisoq

Tusagassiorfinnut tapiissuteqartarneq pillugu Inatsisartut inatsisaata allanngortinneqarnissaa pillugu siunnersuut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq